1 KORINTOEK 2:9 - BUKUIT NE TILIL

⁹ ago ko u ye kigisir kele, Tuguk che kima keer konda, ama kas itit, Ak ne kima chut muguleldab chi, Tuguk alak tugul che kichopchi Jehovah icheget che chamei inendet.

Bukuit Ne Tilil

⁹ ago ko uu ye ki kisir keele, “Ma mi kong' ne ki kogeer, anan it ne ki kogas, anan muguleldap chii ne kigoguiyo, tuguuk tugul che kichopchi `Kamuktaindet icheeget che chamei ineendet.”

BUKUIT NE TILIIL Sireet ne Dutero Kanon

⁹ ago ko uu ye ki kisir keele, “Ma mi kong' ne ki kogeer, anan it ne ki kogas, anan muguleldap chii ne kigoguiyo, tuguuk tugul che kichopchi `Kamuktaindet icheeget che chamei ineendet.”

1 KORINTOEK 2:9 ပူးပေါင်းရင်းမြစ်များ

TIENWOGIKAL 31:19

Ee, o ne tia mieindang’ung’, ne kiigonorji ichek che iywein! Ne kiiyachi ichek che imang’un eng’ taitab werikab bik!

ISAIAH 64:4

Amu tomo kogas bik koboch keny, anan koguiyo eng’ itik, anan kogeer eng’ konyekwak Kamuktaindet age ne ma inye, ne yaei boisiet agobo chito ne igeni inendet.

ISAIAH 65:17

Ogeero, atau ayae kipsengwetisiek che leelach ak ng’onyut ne leel: ama kibwati tuguk che bo tai, ama kochutei metit.

MATAYO 20:23

Kolenji ichek, Oee iman kikombennyu: ago ma nenyu agochi kotebe eunnyu ne bo tai, ak eunnyu ne bo katam, ago bo ichek che kachopchi Baba.

MATAYO 25:34

Yeityo komwachi Laitoriat ichek che mi eunnyi ne bo tai, kolenji, Obwa, okwek che oberurotin che o bo Baba, onam bounatet ne kigechobwok koboch ko kagilumda ng’ony:

JOHANA 3:16

Amu kicham Jehovah ng’ony mising, kot kogoito Werinnyi ne kigii inegei, si malus age tugul ne iyani inendet, ago si konyor sobondab koigeny.

ROMANIK 8:28

Ak kingen kele, eng’ ichek che chamei Jehovah, kotuitos tuguk tugul si kobois koreu che miach eng’ ichek che kigeguur ko u magennyi.

HEBRANIK 11:16

Ago machei kot nguno emet ne kararan kosiir noto, noto ko, ne bo kipsengwet: noto anyun mageerei Jehovah kalilanet agobo ichek keguure Jehovah nenywa: amu kigochopchi ichek nganaset.

JAKOBO 1:12

Baibai chito ne muitoi eng’ yomset: amu ye kagoterter, kotaachei kutwet ne bo sobondo, ne kiiarorji Kiptaiyat ichek che chamei inendet.

JAKOBO 2:5

Ogaso, tupchosiekyuk ak ko chamanikyuk; tos kima lewen Jehovah che bonondos eng’ ng’ony koek magorek eng’ kayanet, ak koek che nyoru bounatet ne kigoarorji ichek che chamei inendet?

1 PETERO 1:12

Che kiging’ang’ji, ma agobo icheget, ago kiyaiywok okwek tuguchuto, che kagemwawok nguno eng’ ichek che kiamwok logoiywek che miach eng’ Tamirmiriet ne Tilil ne kigiyok eng’ kipsengwet; tuguk che machei malaikaisiek mising’ kogeer.

1 JOHANA 4:19

Kichame, amu kisib kochamech inendet.