1 KORINTOEK 2:6 - BUKUIT NE TILIL

⁶ Ago kimwae ng’omnatet eng’ kwenutab che igesunotingei: ago ng’omnatet ne ma bo betusiechu, anan ne bo bounikab betusiechu, che machei koek buch:

Bukuit Ne Tilil

⁶ Ago kimwae utaatyet eng' kwenutap che ititaatiin: ago utaatyet ne ma po peetuusyechu, anan ne po pounigap peetuusyechu, che machei koek puch:

BUKUIT NE TILIIL Sireet ne Dutero Kanon

⁶ Ago kimwae utaatyet eng' kwenutap che ititaatiin: ago utaatyet ne ma po peetuusyechu, anan ne po pounigap peetuusyechu, che machei koek puch:

1 KORINTOEK 2:6 ပူးပေါင်းရင်းမြစ်များ

Kitabuutap JOB 1:1

Kimi chi eng’ emetab Us, ne kigiguure Job; ak kiigesunotgei chichoto ak ko bo iman, ne kiiywei Kamuktaindet, ak koistoegei yaitio.

Kitabuutap JOB 12:19

Imuti tisiik ko luulenik, Ak kogabui che kimen.

Kitabuutap JOB 12:21

Rong’jin bounik sasisiet, Ak kotiachi birenetab che kimen.

TIENWOGIKAL 146:4

Mandoi kabusennyi, weekyingei ng’ung’unyekyik; Betos kabwatutikyik eng’ betunoto.

TIENWOGIKAL 33:10

Walei Jehovah ruchinaikab bororiosiek koek buch: Yaei kabwatutikab bik koek che matilei kiy.

TIENWOGIKAL 37:37

Rib chito ne igesunotgei, ak igeer chito ne bo iman; Amu kagesunetab chichoto ko kalyet.

ISAIAH 40:23

inendet ne yaei bounik koek buch, ne yaei kiruogikab ng’ony koek tangoita.

MATAYO 13:22

Ak inendet ne kigilechi ole mi katok, ko inendet ne kasei ng’olyot; ak kogiich ng’olyot kererwekab met che bo ng’ony, ak kaberberisiet ne bo magornatet, si mai.

MATAYO 19:21

Kolenji Jesu inendet, Ngimache iegu ne igesunotgei, iwe, ialde che itinye, ak igochi kibananok, si inyoru magornatet eng’ kipsengwet: ak inyo, isubwa.

MATAYO 5:48

Noto anyun, oegu okwek che igesunotgei ko u ye igesunotgei Kwandang’wong’ ne bo kipsengwet.

LUKA 16:8

Ak kiichoi kiptaiyandennyi otwogindonoto kima ko bo imanda amu kayai eng’ ng’omnatet: amu ng’omen werikab ng’onyuni eng’ ibindanywa kosiir werikab lapkeiyet.

1 KORINTOEK 1:28

ak kilewen Jehovah tuguk che ma toogunotin che bo ng’ony, ak tuguk che kisasei, ak tuguk che mamitei, si kowal koek buch tuguk che mitei:

1 KORINTOEK 12:8

Amu kigochin chito age ng’olyotab ng’omnatet eng’ Tamirmiriet; ak kigochin age ng’olyotab naet, eng’ Tamirmirionoto:

1 KORINTOEK 14:20

Che kitupche, amoegu lagok eng’ ng’omnatet: ago oegu lagok che nyerotin eng’ yaitio, ago oegu che kaoeegitu eng’ ng’omnatet.

1 KORINTOEK 2:1

Ak ye kianyonjok, tupchosiechu, ko kima anyo eng’ anyinyindab ng’alalet anan ne bo ng’omnatet, anyo aboruok ung’otietab Jehovah.

1 KORINTOEK 2:13

Tuguchoto agichek che kimwae, ma eng’ ng’alek che ineti ng’omnatetab chi, ago che ineti Tamirmiriet; kiroge tugukab tamirmiriet ak tugukab tamirmiriet.

1 KORINTOEK 2:8

ne manaei agot agenge eng’ bounik che bo betusiechu: amu nda kiga nai, ta kima kogartati Kiptaiyatab torornatet:

1 KORINTOEK 3:1

Kitemena anyun, che kitupche, ang’alalwok ko u bik che mi eng’ atebetab tamirmiriet, ago ko u bik che mi eng’ atebetab borto, ko u che manyurunik eng’ Kristo.

2 KORINTOEK 1:12

Amu kalosunennyo ko ni, baornatetab kabwatennyo, kele kigiteptoi tililindo ak atepto ne matinyei kenisiet, ne bo Jehovah, eng’ ng’ony, ma eng’ ng’omnatetab borto ago eng’ mieindab Jehovah, ak ne siirei mising’ ko eng’ komostang’wong’.

2 KORINTOEK 13:11

Ne bo let anyun, che kitupche, ko saisere. Oegu che chobotin; oegu che bo kagaigaet; oegu che bo kabwatet agenge; otebi eng’ kalyet: ak mi Jehovah ne bo chamnyet ak kalyet kobotok.

2 KORINTOEK 4:3

Ago ngo tugotin logoiywekyok che miach, ko tugotin eng’ ichek che lustos:

2 KORINTOEK 4:4

eng’ ichek che katuch cheptalelitab ng’onyuni kabwatutikab che maiyani, si mailuuchi ichek lapkeiyetab logoiywek che miach che bo torornatetab Kristo, ne inendet ko itondab Jehovah.

EPESOEK 2:2

che kiobendote ye kinye ko u biteetab ng’onyuni, osubi ne o ne bo kimnatet ne bo soet, ne bo tamirmiriet ne boisiei nguno eng’ werikab ngelelnatet;

KOLOSAIK 1:28

inendet ne kimwaitoi, ak kiteechini chi age tugul ak kineti chi age tugul eng’ ng’omnatet tugul, si kobiit kimut chi age tugul kogesunotgei eng’ Kristo;

KOLOSAIK 4:12

Igatok Epapra, ne age eng’ okwek, otwogindetab Kristo Jesu, igiilegei kotugul agobo okwek eng’ sautikyik, si kobiit otononse ko ogesunotingei, ak ongen komie maget tugul ne bo Jehovah.

HEBRANIK 5:14

Ago bo bik che eechen amitwogik che uuen, icheget che kigoboisie ng’omnatosiekwak komuchi kobesio che miach ak che yaach.

HEBRANIK 6:1

Noto anyun ongebagakte mata ongeng’alale ng’alek che bo tai che bo Kristo, ak ongigiilge agoi keit ne igesunotgei; amata onginde lumeiywot ne bo sigunet ne bunu boisionik che meiyotin, ak ne bo kayanet eng’ Jehovah,

JAKOBO 3:15

Mabunu barak ng’omnatoni bo ng’ony, bo borwek, bo oindet.

JAKOBO 3:2

Amu kibutosi achek tugul eng’ tuguk che chang’. Ngot ko maibut chi age tugul eng’ ng’olyo, kogesunotgei chichoto, ak komuchi korib borto komugul agine.

1 PETERO 5:10

Ak ingochobok, ak kolumdok, ak kogimitok Jehovah ne bo mieindo tugul, ne kiguurjok lilindanyi ne bo koigeny eng’ Kristo, ko kaonyalilse eng’ betusiek che matia.