1 KORINTOEK 2:4 - BUKUIT NE TILIL

⁴ Ak ng’alalennyu ak ng’olyondennyu ne kiaamdoi ko kima ko ng’alekab kagaigaet che bo ng’omnatet, ago eng’ kaborunetab Tamirmiriet ak ne bo kamuktaet:

Bukuit Ne Tilil

⁴ Ak ng'alaalennyu ak ng'olyoondennyu ne ki aamdoi ko ki ma ko ng'aleegap kagaigaet che po utaatyet, ago eng' kaboorunetap Kabuuset ne Tiliil ak ne po kamuktaet:

BUKUIT NE TILIIL Sireet ne Dutero Kanon

⁴ Ak ng'alaalennyu ak ng'olyoondennyu ne ki aamdoi ko ki ma ko ng'aleegap kagaigaet che po utaatyet, ago eng' kaboorunetap Kabuuset ne Tiliil ak ne po kamuktaet:

1 KORINTOEK 2:4 ပူးပေါင်းရင်းမြစ်များ

KALEWANAIK 20:19

Ng’anyei ung’otik ne iboti ng’alek; Amat onamge anyun ak inendet ne iberberisiei.

KALEWANAIK 7:21

Iterteri inendet eng’ ng’alekyik che chang’ che tangus, Ichuuti chichoto eng’ ng’alekyik che bo kagaigaet.

JEREMIA 20:10

Amu koagas katewerisietab che chang’, kamuiset eng’ komosta age tugul. Mwaei choronokyuk tugul che achame, che machei kotaama, kole, Omwaite, si kemwaite inendet; tamangab kigaigai, si kiterter inendet, ak kiyaaktochinege mugetut.

EZEKIEL 13:6

Kigogeer ichek tangoita ak ng’orset ne bo lembech, che mwaei kole, Kale Jehovah; ama iyokte Jehovah: ak kogochi bik komang’ kole kigimiti ng’olyot.

POISYONIGAP CHE KIYOKTOI 20:27

Amu ma ariny amwawok magutik tugul che bo Jehovah.

POISYONIGAP CHE KIYOKTOI 26:28

Ak kilenji Agripa Paulo, Ka negit igaigaa eng’ ng’alek che ng’ering’ aek Kristianindet.

ROMANIK 15:13

Noto anyun, ingonyiitak Jehovah ne bo kamang’unet boiboiyet tugul ak kalyet eng’ kayanet, si kobiit otesage eng’ kamang’unet, eng’ kamuktaetab Tamirmiriet ne Tilil.

ROMANIK 15:19

eng’ kamuget ne bo kaborunoik ak kwong’utik, eng’ kamuktaetab Tamirmiriet ne Tilil; noto anyun, kong’eete Jerusalem, ak komoswekyik agoi Iluriko, ko kiaamdaate komie logoiywek che miach che bo Kristo;

ROMANIK 16:18

Amu icheget che u choto, ko maotei Kiptaiyandennyo Kristo, ago otei mootinwekwak; ak kong’alei mugulelwekab che libwoben eng’ ng’alekwak che tangusen ak che bo chemwaikutnatet.

1 KORINTOEK 1:17

Amu ma iyokwa Kristo abatisanis, ago aamda logoiywek che miach: ma eng’ ng’omnatet ne bo ng’alek, si ma kiyai kimurtoiyotab Kristo koek buch.

1 KORINTOEK 2:1

Ak ye kianyonjok, tupchosiechu, ko kima anyo eng’ anyinyindab ng’alalet anan ne bo ng’omnatet, anyo aboruok ung’otietab Jehovah.

1 KORINTOEK 2:13

Tuguchoto agichek che kimwae, ma eng’ ng’alek che ineti ng’omnatetab chi, ago che ineti Tamirmiriet; kiroge tugukab tamirmiriet ak tugukab tamirmiriet.

1 KORINTOEK 4:20

Amu bounatetab Jehovah ko ma eng’ ng’olyot, ago eng’ kamuget.

2 KORINTOEK 6:6

eng’ tililindo, eng’ naet, eng’ mutyonet, eng’ talasiet, eng’ Tamirmiriet ne Tilil, eng’ chamnyet ne matinyei kenisiet,

GALATYEK 1:10

Tos agoigoi nguno bik anan Jehovah? Anan acheng’e abaibai bik? Ngot ko ta aboiboi bik, ko ma a otwogetab Kristo.

KOLOSAIK 2:4

Amwae nito ale, si magenak chi age tugul eng’ ng’alekab lomset.

1 THESSALONIKEK 1:5

kele kima bwanjok logoiywekyok che miach eng’ ng’olyot kityo, ago eng’ kimnatet agine, ak eng’ Tamirmiriet ne Tilil ak eng’ naet ne ongen inne; ko u ye ongen ole kigi bik che u nee eng’ taing’wong’ agobo okwek.

1 PETERO 1:12

Che kiging’ang’ji, ma agobo icheget, ago kiyaiywok okwek tuguchuto, che kagemwawok nguno eng’ ichek che kiamwok logoiywek che miach eng’ Tamirmiriet ne Tilil ne kigiyok eng’ kipsengwet; tuguk che machei malaikaisiek mising’ kogeer.

2 PETERO 1:16

Amu kima kisub atindonik che kigichobei eng’ ng’omnatet, ye kingemwawok kimnatet ak nyonunetab Kiptaiyandennyo Jesu Kristo, kigi baorinik che kigigeer etunatennyi,

2 PETERO 2:18

Amu, ye mwaei ng’alek che koromen che bo losetab ge, kochuutu eng’ magutikab borto, ak eng’ maget ne ya, bik che katoi kochililyo eng’ ichek che mi eng’ kenisiet:

KIRUOGIK 14:15

Ak eng’ betutab tisab, kolenji ichek kwondab Samson, Igaigai manong’otiondeng’ung’ si kobiit komwawech tangochet, si magibeelin ak gotab kwandang’ung’: kooguurech si ogonech bananda? Ma u noto?

KIRUOGIK 16:5

Ak kitogos kiptainikab Pilistik kobwa ole mi kwonyoto, ak kolenji inendet, Igaigai inendet, si inai ole mi kimnatoninyi o, ak ole kimuchi kiterterte inendet, si kobiit kerat inendet kinyalil: si kogonin age tugul eng’ achek fedaisiek bogolusiek taman ak agenge.