1 KORINTOEK 16:2 - BUKUIT NE TILIL

² Ingogonor chi age tugul eng’ okwek eng’ betut ne bo tai ne bo wigit, ko u che te che kanyor, si mabiit kayumisiet ye tun anyo.

Bukuit Ne Tilil

² Ingogonor chii age tugul eng' okweek eng' peetuut ne po tai ne po wigiit, ko uu che tee che kanyoor, si ma piit kayumisyet ye tuun anyoo.

BUKUIT NE TILIIL Sireet ne Dutero Kanon

² Ingogonor chii age tugul eng' okweek eng' peetuut ne po tai ne po wigiit, ko uu che tee che kanyoor, si ma piit kayumisyet ye tuun anyoo.

1 KORINTOEK 16:2 ပူးပေါင်းရင်းမြစ်များ

TAUNET 26:12

Ak kigolso Isak eng’ emonoto, ak kinyor eng’ kenyinoto konyil bogol: ak kiiberur Jehovah inendet.

TAUNET 30:27

Ak kilenji Laban, Ngo kianyoru mieindo eng’ taing’ung’, kiageer komie ale kigoberura Jehovah agobo inye.

TAUNET 30:30

Amu kiitinye che ng’ering’ ye kitom aitu, ak kigotesogis kochang’ait; ak kigoberurin Jehovah koboch ngab aitu: ak nguno anyun, ko tos anyoru kotia si achopchi tuguk bikab gonnyu?

TAUNET 32:10

Manyoljina anyor rireneng’ung’ ne bo ge tugul, ak imanit tugul, ne kiiborji otwogindeng’ung’; amu kialandae ainoni bo Jordan ak kiroktanyu kityo; ak nguno, ko kapcheunege aeng’.

TAUNET 33:11

Asain ale, taach inye che kagonin che kagigetun; amu kiyaiywa Kamuktaindet ne mie, ak amu atinye che yama. Ak kiigaigai kot kocham kokweri.

2 ATEPTAP PEETUUSYEK 31:10

Ak kiwolji Asaria tisiindet ne o ne bo gotab Sadok, kolenji, Koboch ngab kotoi bik koib kagochinoik kobwa gotab Jehovah, ko kigiamisie koyamech, ak kigituch che chang’: amu kigoberur Jehovah bikyik; ak che kong’et ko chu chang’.

MARIKO 14:8

Kagoyai ne imuchi: kasib koiil bortanyu agobo tubet.

LUKA 16:10

Inendet ne kiyani eng’ che ng’ering’, kiyani agine eng’ che chang’: ak inendet ne magiyani eng’ che ng’ering’ ko magiyani agot eng’ che chang’.

LUKA 24:1

Ak eng’ betut ne bo tai ne bo wigit, ko kaeech emet, kobwa kererit, koibu nyamdutik che kiga kochob.

JOHANA 20:19

Ak ye kingoek lagat eng’ betunoto bo tai ne bo wigit, ye kiga keger kurgotik eng’ ole kimi alamalyet, amu kiiywei Yahudik, konyo Jesu kotonone kwenunywa ak kolenji, Ingoteb kalyet eng’ okwek.

JOHANA 20:26

Ak kingobata betusiek sisiitu ko kimi go alamalyennyi kogeny, ak kimi Tomas koboto ichek. Kinyo anyun Jesu, ko kerotin kurgotik, ak kotonon eng’ kwenunywa, ak komwa kole, Ingoteb kalyet eng’ okwek.

POISYONIGAP CHE KIYOKTOI 20:7

Ak eng’ betutab tai ne bo wigit ye kiga kiyumge si kebutul makatiat, koamji Paulo ichek, ye kimachei kwo eng’ betut ne bo aeng’; kong’alal koek keny agoi kemoi kwen.

2 KORINTOEK 8:10

Ak eng’ nito aboruok kabwatutikyuk: amu nyolu nito eng’ okwek, che kigosib otau eng’ kenyit agenge ne kogosiirto, ma kityo oyai, ago ochame agine.

NG'ATUTIK 8:18

Ago ibwat Jehovah Kamuktaindeng’ung’, amu inendet ne konin kimnatet ne inyorune magornatet: si kogimit kayomisennyi ne kiiyosiechi kwanisieguk, ko u rani.

NG'ANG'UTYET 1:10

Kiami eng’ Tamirmiriet eng’ betutab Kiptaiyat, ak kiagas kutit ne o eng’ batennyu, ko u ne bo iriaget