1 KORINTOEK 15:52 - BUKUIT NE TILIL

⁵² eng’ ne matia, eng’ kamismisetab konda, eng’ iriaget ne bo let: amu cheei iriaget, si king’eet che kigobek ko ma kotinyei nunet, ak kewalech.

Bukuit Ne Tilil

⁵² eng' ne matya, eng' kamismisetap konda, eng' iryageet ne po let: amu cheei iryageet, si king'eet che ki kobek koma kotinyei nunet, ak kewalech.

BUKUIT NE TILIIL Sireet ne Dutero Kanon

⁵² eng' ne matya, eng' kamismisetap konda, eng' iryageet ne po let: amu cheei iryageet, si king'eet che ki kobek koma kotinyei nunet, ak kewalech.

1 KORINTOEK 15:52 ပူးပေါင်းရင်းမြစ်များ

TIENWOGIKAL 73:19

Katepto ano kot kosib kong’emogis ichek ngunoto! Kagowong’gei eng’ kamuisosiek.

KOMONG'U 19:16

Ak eng’ betutab somok, ko kaeech, kobiit tulosiek ak kalyelosiek, ak kiilaach boldet ne tuui tulwet, ak kimi cheetab iriaget ne cheei kot; ak kobotanso bik tugul che kimi nganaset.

KOMONG'U 20:18

Ak ye kingogeer bik tugul kalyelosiek ak tulwet ne iyeni, ak kogas tuletab ilotik ak cheetab iriaget, kobotanso, ak kotononso eng’ ole loo.

KOMONG'U 33:5

Ak kilenji Jehovah Musa, Mwachi lagokab Israel, ilenji, O bik che uuen kaat: ngot awe atogoste kobotok ne matia, abarok ageswok: ara anyun oreegu tugukwok che bo lele, si kobiit ageer kit ne aitoin.

ISAIAH 18:3

Okwek tugul che omenye ng’ony, ak okwek che omenye emet, ogeer ye kinamjin barak songoliet eng’ tulonok; ak oeb it ye kiguutei iriaget.

ISAIAH 27:13

Ak tun kiguutei iriaget ne o eng’ betunoto; ak tun bwanei che ki negit kolusyo eng’ emetab Asuria, koboto che kigetimda eng’ emetab Misri; ak tun ilosu Jehovah eng’ tulwet ne tilil eng’ Jerusalem.

EZEKIEL 33:3

ak ngo keer inendet rotwetab chok konyonjin emonoto, koguut iriaget ak koteechi bik;

EZEKIEL 33:6

Ago ngot kogeer ribindet konyonei rotwetab chok, ama kuut iriaget, ama kiteechi bik, ak konyo rotwetab chok, ak kobar chi age tugul eng’ kwenunywa; kebare amu tengektanyi, ago amage korotikyik eutab ribindet.

SEKARIA 9:14

Ak kotook Jehovah eng’ baragunywa, ak kwo ne kipchabennyi ko u kalyelet: ak koguut Kiptaiyat Jehovah iriaget, ak kwo koboto kipchurjurinik che bo murot ne bo tai.

KAITOSYEK 10:4

Ak ngo kuut igondit agenge, koyumjigei anyun ole imi, bounik, kandoikab elfusiekab Israel.

KAITOSYEK 16:21

Otabanegei tuiyoni okwek, si kobiit awong’ ichek ngunoto.

KAITOSYEK 16:45

Oistoegei tuiyoni, si kobiit awong’ ichek ngunoto. Ak kiing’uruk kot kotiiny togennyi ng’ony.

MATAYO 24:31

Ak koyokto malaikaisiekyik ak cheet ne o ne bo iriaget, ak koyum lewenikyik kobunu usonaik ang’wan, koboch tabandab kipsengwet agoi tabanda age.

JOHANA 5:25

Amwawok, iman, iman, ale, Nyonei sait, ak kagoit, ye kas che kigobek kutitab Weritab Jehovah; ak soptos icheget che kasei.

JOHANA 5:28

Amokwong’e nito: amu nyonei sait, ne tun kasei kutinnyi tugul che mi kererisiek,

1 KORINTOEK 15:23

Ago chi tugul eng’ komostanyi: Kristo ko tongoaniat; ye ibata ko ichek che bo Kristo, eng’ nyonunennyi.

1 KORINTOEK 15:42

Ko u noto agine ng’eetyetab che begu. Kigolei eng’ ng’emisiet; king’eeti ko ma komi ng’emisiet:

1 KORINTOEK 15:50

Amwae ni anyun, tupchosiechu, ale maimuchi banyek ak korotik konyor bounatetab Jehovah; amaimuchi ne nunei konyor ne manunei.

1 THESSALONIKEK 4:15

Amu kimwawok ni eng’ ng’olyotab Kiptaiyat, kele achek che kisoptosi, che ki ng’etunotin agoi nyonunetab Kiptaiyat, ko magoi kindoe ichek che kigoruiyo.

2 PETERO 3:10

Ago tun nyonei betutab Kiptaiyat ko u chorin; ne siirtoe kipsengwetisiek eng’ cheet ne o, ak kochootyo tuguk tugul che kigiyae ng’ony ak barak eng’ mat ne korom, ak kolal ng’onyut ak boisionik che mi.

NG'ANG'UTYET 8:13

Ak kiageer kipsichit kotirireni eng’ kwenutab kipsengwet, ak agas, kolen eng’ kutit ne o, Bwa, bwa, bwa agobo ichek che menyei ng’ony, amu cheosiek alak che bo iriagok che bo malaikaisiek somok che ta koguutei!

NG'ANG'UTYET 8:2

Ak kiageer malaikaisiek tisab che kitonondos eng’ taitab Jehovah; ak kigigochi iriagok tisab.