1 KORINTOEK 14:6 - BUKUIT NE TILIL

⁶ Ago nguno anyun, che kitupche, ngot anyonjok ang’alale kutuswek, atoretenok nee, ngot ko mang’alalwok eng’ ng’ang’et, anan eng’ naet, anan eng’ amdaet, anan ko eng’ konetisiet?

Bukuit Ne Tilil

⁶ Ago nguno anyun, che kitupche, ngot Anyoonjok ang'alaalee kutusweek, atoretenok nee, ngot koma ng'alaalwok eng' ng'ang'et, anan eng' naet, anan eng' amdaet, anan ko eng' kaneetisyet?

BUKUIT NE TILIIL Sireet ne Dutero Kanon

⁶ Ago nguno anyun, che kitupche, ngot Anyoonjok ang'alaalee kutusweek, atoretenok nee, ngot koma ng'alaalwok eng' ng'ang'et, anan eng' naet, anan eng' amdaet, anan ko eng' kaneetisyet?

1 KORINTOEK 14:6 ပူးပေါင်းရင်းမြစ်များ

JEREMIA 16:19

Ee Jehovah, kimnatennyu, ak ko irimennyu, ak ole amwechini eng’ betutab nyalildanyu, bwanjinin bororiosiek kobunu tabanwek che bo ng’ony, ak komwa kole, Ma nam kiy kwanisiekyok kobate lembechek, tangoita ak tuguk che matinyei kelunet.

JEREMIA 23:32

Mwaei Jehovah kole, Ogeero, agirindoi ichek che maoteni karuotitaosiekab lembech, komwaita, ak kogochi bikyuk kolel amu lembechekwak, ak eng’ kachaunenywa bo ge ne bo buch: ago ma ayokte, anan ang’at ichek; ama toreti bichu agot kitigin, mwaei Jehovah.

MATAYO 11:25

Eng’ betusiechoto kowol Jesu kole, Amwaun kongoi, we Baba, Kiptaiyatab kipsengwet ak ng’ony, amu kiiung’e tuguchu che ng’omen ak che iguitos, ak kiing’ang’ji manyurunik:

MATAYO 16:17

Ak kiwol Jesu kolenji, Iberurot inye, Simon Barjona: amu kama ng’ang’un borto anan korotik, ago Baba ne mi kipsengwet.

MATAYO 16:26

Amu keljin nee chi, ngonyor ng’ony komugul, ak kobeet sobondanyi? Anan tos igoito nee chi kowale sobondanyi?

POISYONIGAP CHE KIYOKTOI 2:42

Ak kiigiiljingei ichek tugul konetisietab che kiyoktoi ak yamdaet, eng’ butuletab makatiat ak sautik.

ROMANIK 15:14

Ak kaanai anendet agane agobo okwek, che kitupche, ale o nyiitotin eng’ mieindo, o nyiitotin eng’ naet tugul, ak kogeny, omuchi otigonge.

ROMANIK 16:17

Kasomok anyun che kitupche, ale ogeer ichek che ing’eeti kabesiosiek ak kanagutik, che manamegei ak konetisiet ne kionetge: ak koistoege ichek.

ROMANIK 6:17

Ago kimwachini Jehovah kongoi, amu, okwek che ki o otwogikab tengekto, ko kiogas it eng’ muguleldo konetisiet ne u ne kigegonok okwek;

1 KORINTOEK 10:33

agot ko u ye aboiboi bik tugul eng’ tuguk tugul, macheng’e kelunennyu anege, ago kelunet ne bo che chang’, si kobiit kesor.

1 KORINTOEK 14:1

Osub chamnyet; ak ocheng’ mising’ konunoik che bo tamirmiriet, ago ne siirei ko oamde logoiywek.

1 KORINTOEK 14:7

Agot tuguk che masoptos, che cheitos, anan ndurerut anan ketubet, ngo ma ibesio cheosiekwak, kenaitoi ano ne kiguutei anan ne kibutei?

2 KORINTOEK 11:6

Agot ngo u ng’alalennyu ne bo chi ne ma inetgei, ko ma u noto eng’ naet; achicha, kigibartech achek eng’ okwek eng’ kiy age tugul eng’ kwenutab bik tugul.

2 KORINTOEK 12:1

Kanyol alosge, agot ngo manyolu; ago aityini keersosiek ak ng’ang’utik che bo Kiptaiyat.

2 KORINTOEK 12:7

Ak eng’ oindo ne siirtoot ne bo ng’ang’utik - si ma kitorora mising’, ko kigigona katet eng’ borto, ne otwoget ne bo Setani kobira, si ma kitorora mising’.

EPESOEK 1:17

ale ingogonok Jehovah ne bo Kiptaiyandennyo Jesu Kristo, Kwanda ne bo torornatet, tamirmiriet ne bo ng’omnatet ak ng’ang’utiet eng’ naetab inendet;

EPESOEK 3:4

si, ye osomani, omuchi oguiye ng’omnatennyu eng’ ung’otietab Kristo;

PILIPIK 3:15

Noto anyun, ongibwat achek che kigesunotinge ko u noto: ak ngobwat kiy ne ter eng’ ng’olyo age tugul, ko ta kong’ang’wok Jehovah nito agine:

2 TIMOTEO 2:14

Ibwatyi ichek tuguchuto, ng’at ichek eng’ taitab Kiptaiyat, si maibelgei agobo ng’alek, che magisige kiy, che ng’emei ichek che kasei.

2 TIMOTEO 3:10

Ago kiisub inye konetisiennyu, atebet, kit ne atokyinige, kayanet, mutyonet, chamnyet, muitaet,

2 TIMOTEO 3:16

Bunu kabusetab Jehovah sirutiet age tugul, ak kotoreti eng’ konetisiet, eng’ kergong’iet, eng’ kateechinet, eng’ kotigonet ne mi eng’ imanda:

2 TIMOTEO 4:2

amde ng’olyot; choboge eng’ betut ne nyolu, ak eng’ betut ne ma nyolu; itigon, ker kong’, igiil, eng’ muitaet tugul ak konetisiet.

TITO 3:8

Bo iman ng’olyondoni, ak amache imwa tuguchuto eng’ kimnatet, si kobwat ichek che kigoyan Jehovah, koyai kotugul boisionik che miach. Miachen tuguchuto ak kotoreti bik:

HEBRANIK 13:9

Amatata ongobeetok konetisiosiek che besiotin che ter: amu mie kolumdaak muguleldo eng’ mieindo; ma eng’ amitwogik, che kima keljine kiy ichek che kiga bendate choto.

2 PETERO 1:5

Ee, amu ng’olyondonito ye kaotes kagiiletab ge tugul eng’ komostang’wong’, otesyi mieindo kayaneng’wong’; ak otesyi naet mieindo;

2 PETERO 3:18

Ago onerie eng’ mieindo ak naet ne bo Kiptaiyandennyo ak ko Yetindennyo Jesu Kristo. Nenyi torornatet nguno agoi koigeny. Amen.

2 JOHANA 1:9

Chi age tugul ne indoi ama tebyei eng’ konetisietab Kristo ko matinyei Jehovah; inendet ne tebyei eng’ konetisiet kotinyei tuwai, Kwanda ak Werit.

1 SAMUEL 12:21

amomaste osub tugukab buch che maimuchi kotoret kiy anan kosor, amu buch.