1 KORINTOEK 12:8 - BUKUIT NE TILIL

⁸ Amu kigochin chito age ng’olyotab ng’omnatet eng’ Tamirmiriet; ak kigochin age ng’olyotab naet, eng’ Tamirmirionoto:

Bukuit Ne Tilil

⁸ Amu kigoochin chiito age ng'olyootap utaatyet eng' Kabuuset ne Tiliil; ak kigoochin age ng'olyootap naet, eng' Kabuusonooto:

BUKUIT NE TILIIL Sireet ne Dutero Kanon

⁸ Amu kigoochin chiito age ng'olyootap utaatyet eng' Kabuuset ne Tiliil; ak kigoochin age ng'olyootap naet, eng' Kabuusonooto:

1 KORINTOEK 12:8 ပူးပေါင်းရင်းမြစ်များ

NEEMIA 9:20

Kiigochi kogeny ichek Tamirmirieng’ung’ ne mie konet, ama iete ichek koam mana chotoguget, ak inage beek amu meleldanywa.

Kitabuutap JOB 32:8

Ago mi tamirmiriet chito, Igochin kabusetab Inendet ne bo Kamuktaet ichek kaguiyet.

TIENWOGIKAL 143:10

Ineta ayai mageng’ung’; amu inye ko i Kamuktaindennyu: Mie Tamirmirieng’ung’; indoiywa eng’ emetab lititindo.

KOMONG'U 31:3

ak kaanyiit inendet Tamirmiriet ne bo Kamuktaindet, ak ng’omnatet, ak kaguiyet ak naet, konai ole teptoi boisiet age tugul ne bo musoknatet,

KALEWANAIK 2:6

Amu igoitoi Jehovah ng’omnatet: Mong’une kutinnyi naet ak kaguiyet:

ISAIAH 50:4

Kigona Kiptaiyat Jehovah ng’elyepta ne bo icheget che kiginet, si kobiit anai ole agimititoi eng’ ng’alek inendet ne ng’etat: ing’eetisiei karonet age tugul, ing’eeta si kobiit agas ko u che kiginet.

ISAIAH 59:21

Ni anyun kayomisennyu ne kiyomisyinige ak ichek, mwaei Jehovah: maistoegei kuting’ung’ tamirmiriennyu ne miten ak ng’aleguk che kiande kuting’ung’, anan eng’ kutitab iyoteng’ung’, anan eng’ kutuswekab mochogoroniguk, mwaei Jehovah, koboch nguno agoi koigeny.

DANIEL 2:21

ak kowalei betusiek ak kenyisiek; istoi laitorinik, ak koeeti laitorinik; igochin ng’omnatet che ng’omen, ak kogochin naet ichek che ingen kaguiyet:

MATAYO 13:11

Ak kiwolji ichek kolenji, Kagegonok onai ung’otik che bo bounatetab kipsengwet, ago ma kigochi ichek.

POISYONIGAP CHE KIYOKTOI 6:3

Ocheng’ anyun che kitupche bik tisab eng’ okwek che toogunotin kele miachen, che nyiitotin Tamirmiriet ak ng’omnatet, che kimuchi kinde boisioni.

ROMANIK 15:14

Ak kaanai anendet agane agobo okwek, che kitupche, ale o nyiitotin eng’ mieindo, o nyiitotin eng’ naet tugul, ak kogeny, omuchi otigonge.

1 KORINTOEK 1:30

Ago o bo inendet okwek eng’ Kristo Jesu, ne kigiyai eng’ Kristo Jesu, ne kigiyai eng’ achek koek ng’omnatet ne bunu Jehovah, ak imanda, ak tililindo, ak katiaget:

1 KORINTOEK 1:5

amu kigeyaak oegu magorek mising’ eng’ inendet eng’ kiy age tugul, eng’ ng’alek tugul, ak naet tugul;

1 KORINTOEK 13:2

Ak ngot atinye konunetab maoinatet, ak angen ung’otik tugul ak naet tugul, ak ngatinye kayanet tugul, kot amuch autoe tulonok, ago matinye chamnyet, ko a buch.

1 KORINTOEK 13:8

Mararu chamnyet agoi: ago ngo mitei maoinatosiek, kotun igesugei; ngo mi kutuswek che terotin, kotun sistos; ngo mi naet, kotun igesugei.

1 KORINTOEK 14:26

Nee anyun, che kitupche? Ye oyumge, kotinyei age tugul tiendab kalosunet, ak konetisiet, ak ng’ang’utiet, ak kutit ne magigasei, ak kaweegetab ng’alek. Ingoyaogis tuguk tugul koteegogis.

1 KORINTOEK 14:6

Ago nguno anyun, che kitupche, ngot anyonjok ang’alale kutuswek, atoretenok nee, ngot ko mang’alalwok eng’ ng’ang’et, anan eng’ naet, anan eng’ amdaet, anan ko eng’ konetisiet?

1 KORINTOEK 2:11

Amu tos chi ng’o ne ingen tugukab chi, kobate tamirmirietab chichoto, ne mitei inendet? Ko u noto mami chi ne ingen tugukab Jehovah, kobate Tamirmiriet ne bo Jehovah.

1 KORINTOEK 2:16

Amu ng’o ne kigonai kabwatutikab Kiptaiyat, si kobiit konet inendet? Ago kitinye achek kabwatutikab Kristo.

2 KORINTOEK 1:12

Amu kalosunennyo ko ni, baornatetab kabwatennyo, kele kigiteptoi tililindo ak atepto ne matinyei kenisiet, ne bo Jehovah, eng’ ng’ony, ma eng’ ng’omnatetab borto ago eng’ mieindab Jehovah, ak ne siirei mising’ ko eng’ komostang’wong’.

2 KORINTOEK 11:6

Agot ngo u ng’alalennyu ne bo chi ne ma inetgei, ko ma u noto eng’ naet; achicha, kigibartech achek eng’ okwek eng’ kiy age tugul eng’ kwenutab bik tugul.

2 KORINTOEK 2:14

Ago kongoi eng’ Jehovah, ne imutatech kotugul kibelisie eng’ Kristo, ak kobortoi nyamdutietab naennyi eng’ achek eng’ komosta age tugul.

2 KORINTOEK 4:6

Amu Jehovah ne kimwa kole, Tun iluu lapkeiyet kobunu mesundeito, inendet ne kiiluuchi mugulelwekyok, si kogon lapkeiyet ne bo naetab torornatetab Jehovah eng’ togetab Jesu Kristo.

2 KORINTOEK 6:6

eng’ tililindo, eng’ naet, eng’ mutyonet, eng’ talasiet, eng’ Tamirmiriet ne Tilil, eng’ chamnyet ne matinyei kenisiet,

2 KORINTOEK 8:7

Ago ko u ye otinye aiyebindo eng’ kiy age tugul, eng’ kayanet, ak twegunet, ak naet, ak eng’ kagiiletab ge tugul, ak eng’ chamnyeng’wong’ ne oting’enech, ingonyiiak anyun mieinito agine.