1 KORINTOEK 1:27 - BUKUIT NE TILIL

²⁷ ago kilewen Jehovah tuguk che berber che bo ng’ony, si kogochi kalilanet che ng’omen; ak kilewen Jehovah tuguk che nyalulotin che bo ng’ony, si kogochi kalilanet tuguk che kimen;

Bukuit Ne Tilil

²⁷ ago ki lewen Kamuktaindet tuguuk che perber che po ng'wony, si kogoochi kalilanet che utaatiin; ak ki lewen Kamuktaindet tuguuk che nyalulyotin che po ng'wony, si kogoochi kalilanet tuguuk che kiimeen;

BUKUIT NE TILIIL Sireet ne Dutero Kanon

²⁷ ago ki lewen Kamuktaindet tuguuk che perber che po ng'wony, si kogoochi kalilanet che utaatiin; ak ki lewen Kamuktaindet tuguuk che nyalulyotin che po ng'wony, si kogoochi kalilanet tuguuk che kiimeen;

1 KORINTOEK 1:27 ပူးပေါင်းရင်းမြစ်များ

TIENWOGIKAL 8:2

Kiing’at kimnatet kobun kutuswekab lagok ak che reritos, Amu buniguk, Si iger kong’ bunyot kosis ak ne yaaktoi mugetut.

ISAIAH 29:14

ogeer anyun-o, ayae boisiet ne kitang’ang’jin eng’ kwenutab bichu, boisiet ne kitang’ang’jin ak kekwong’e; ak kobet ng’omnatetab bikwak che ng’omen, ak keuny kaguiyetab bikwak che ng’omen.

ISAIAH 29:19

Tesei kogeny boiboiyenywa eng’ Jehovah, bik che iming’inegei, ak koboiboitune bik che bonon, Inendet ne Tilil ne bo Israel.

ISAIAH 44:25

Ne walei kaborunoikab kiplembechonik koek buch, ak kogochin che ng’orsei koiiywenso; ne weechi bik che ng’omen koba let, ak koyaei naenywa koek berberindo:

JEREMIA 8:9

Ililandos bik che ng’omen, arogendos ak kenam: ogeero, kigoesio ng’olyotab Jehovah; ara anyun tinyei ng’omnatet ne u nee?

SEPANIA 3:12

Ago abagachi eng’ kwenung’ung’ bik che kinyalili ak ko kibananok, ak komang’ ichek kainetab Jehovah.

KAITOSYEK 22:30

Ak kiwolji sigiriet Balaam kolenji, Tos ma a sigirieng’ung’, ne kiilanye koboch keny agoi kora? Tos kicham ayaun ko u ni atkinye tugul? Ak kilenji, Achicha.

MATAYO 11:25

Eng’ betusiechoto kowol Jesu kole, Amwaun kongoi, we Baba, Kiptaiyatab kipsengwet ak ng’ony, amu kiiung’e tuguchu che ng’omen ak che iguitos, ak kiing’ang’ji manyurunik:

MATAYO 21:16

ak kolenji, Igase ne mwaei chu? Kolenji Jesu ichek, Ee: kima osoman kele, Kiiyai inye kalosunet kosulda eng’ kutuswekab lagok ak che reritos?

MATAYO 9:9

Ak kingosiirto Jesu eng’ oloto, kogeer chito, ne kiguure Matayo, kotebe ole kitaage aisurut: ak kilenji, Isubwa. Kong’eet anyun, ak kosub.

LUKA 21:15

amu agonok kutit ak ng’omnatet, ne maimuchi bunikwok tugul kota kowol kiy anan kogirindaak.

POISYONIGAP CHE KIYOKTOI 17:18

Ak kituiyo koboto inendet alak che bo ng’omotikab Epikurio ak Stoiko. Ak kole alak, Mwaei nee kipchang’alaini? Kole alak, U kabartaindet ne bo cheptalelisiek che ter: amu kiamdoi Jesu ak ng’eetyet.

POISYONIGAP CHE KIYOKTOI 7:35

Musa nito ne kiesio ichek, kolen, Ng’o ne koindein iegu bounindet ak kiruogindet? Inendet ne kiiyokto Jehovah eng’ eutab malaikaiyat ne kimong’ji inendet eng’ ketit si kobiit koek bounindet, ak katiagindet.

POISYONIGAP CHE KIYOKTOI 7:54

Ak ye kingogas ng’alechuto kong’wonegitu mising’ eng’ mugulelwekwak, ak konyei kelek agobo inendet.

1 KORINTOEK 1:20

Mi ano ne ng’om? Mi ano sirindet? Mi ano kiptiiyotiot ne bo kenyisiechu? Tos ma yai Jehovah ng’omnatetab ng’onyuni koberberit?

1 KORINTOEK 1:21

Amu eng’ ng’omnatet ne bo Jehovah ko ma nai ng’ony Jehovah eng’ ng’omnatennyi, kicham Jehovah kosor icheget che iyani, eng’ berberindo ne bo ng’olyot ne kiamdoi.

1 KORINTOEK 2:12

Ago kima kitaach tamirmiriet ne bo ng’ony, ago tamirmiriet ne bo Jehovah; si kenai tuguk che kigogonech Jehovah buch.

2 KORINTOEK 10:10

Amu mwaei ichek kole, Baronokyik ko nyigisen ak ko kimen; ago nyalulat inendet ye mitei tainywa, ama tilei kiy ng’alekyik.

2 KORINTOEK 4:7

Ago kitinye konoruani eng’ terenik che bo ng’ung’unyek, si kobiit kobunji Jehovah oindo ne siirtoot mising’ ne bo kamuktaet, ago ma achek;

JAKOBO 2:5

Ogaso, tupchosiekyuk ak ko chamanikyuk; tos kima lewen Jehovah che bonondos eng’ ng’ony koek magorek eng’ kayanet, ak koek che nyoru bounatet ne kigoarorji ichek che chamei inendet?