1 KORINTOEK 1:26 - BUKUIT NE TILIL

²⁶ Amu, ogeer kuurseng’wong’-o, tupchosiechu, ole ma kiguur che chang’ che ng’omen eng’ atebetab borto, anan che chang’ che kimen, ama che chang’ che toogunotin:

Bukuit Ne Tilil

²⁶ Amu, ogeer kuurseng'wong', tupchosyechu, ole ma kiguur che chaang' che utaatiin eng' atebeetap poorto, anan che chaang' che kiimeen, ama che chaang' che taagunotiin:

BUKUIT NE TILIIL Sireet ne Dutero Kanon

²⁶ Amu, ogeer kuurseng'wong', tupchosyechu, ole ma kiguur che chaang' che utaatiin eng' atebeetap poorto, anan che chaang' che kiimeen, ama che chaang' che taagunotiin:

1 KORINTOEK 1:26 ပူးပေါင်းရင်းမြစ်များ

2 LAITORINIK 5:4

Ak kiwa chito age go ak komwachi kiptaiyandennyi, kolenji, Kamwa ko u ni cheboto bo emetab Israel.

Kitabuutap JOB 37:24

Iywei anyun bik inendet: Matiytii age tugul ne ng’om eng’ muguleldo.

SEPANIA 3:12

Ago abagachi eng’ kwenung’ung’ bik che kinyalili ak ko kibananok, ak komang’ ichek kainetab Jehovah.

LUKA 1:3

kiageer agane ale, mie atetun eng’ siret, ko kaanai agane ole kibiitunda tuguk tugul koboch taunet, ee, inye, ne i toogunot Teopilo;

LUKA 10:21

Eng’ sainato kobaibait Jesus eng’ Tamirmiriet ne Tilil, ak kole, Aweegun kongoi, ee Baba, Kiptaiyat ne bo kipsengwet ak ng’ony, amu kiiung’e tuguchu che ng’omen ak che ingen, ak kiing’ang’ji manyurunik: ee, Baba; amu kichamak ko u noto eng’ taing’ung’.

POISYONIGAP CHE KIYOKTOI 13:12

Kingogeer anyun bounindet kit ne kayaak, koyan, kokwong’ agobo konetisietab Kiptaiyat.

POISYONIGAP CHE KIYOKTOI 13:7

ne kimi koboto bounindet, Sergio Paulos, chito ne ng’om. Kiguur chichito Barnaba ak Saul koba ole mi inendet, ak kimachei kogas ng’olyotab Jehovah.

POISYONIGAP CHE KIYOKTOI 17:34

Ago kinamgei bik alak ak inendet, ak koyan; ki age eng’ icheget Dionusio Areopagindet, ak kobogoriot ne kiguure Damaris, ak alak che kimi koboto icheget.

ROMANIK 11:29

Amu matinyei ndara konunoikab Jehovah ak kuursennyi.

1 KORINTOEK 1:20

Mi ano ne ng’om? Mi ano sirindet? Mi ano kiptiiyotiot ne bo kenyisiechu? Tos ma yai Jehovah ng’omnatetab ng’onyuni koberberit?

1 KORINTOEK 2:13

Tuguchoto agichek che kimwae, ma eng’ ng’alek che ineti ng’omnatetab chi, ago che ineti Tamirmiriet; kiroge tugukab tamirmiriet ak tugukab tamirmiriet.

1 KORINTOEK 2:8

ne manaei agot agenge eng’ bounik che bo betusiechu: amu nda kiga nai, ta kima kogartati Kiptaiyatab torornatet:

PILIPIK 4:22

Igatok tugul che tililen, mising’ ko icheget che mi gab Kaisari.

JAKOBO 2:5

Ogaso, tupchosiekyuk ak ko chamanikyuk; tos kima lewen Jehovah che bonondos eng’ ng’ony koek magorek eng’ kayanet, ak koek che nyoru bounatet ne kigoarorji ichek che chamei inendet?

2 JOHANA 1:1

Ane boiyot ne asirjini chebioset ne lewenot ak lagokyik, che achame eng’ imanit; ago ma anege kityo, ago tugul che ingen imanit agichek;