1 ATEPTAP PEETUUSYEK 5:20 - BUKUIT NE TILIL

²⁰ Ak kigitoret kobargei ak icheget, ak kiginde Hagrik eunekwak, koboto tugul che kimi koboto bichoto: amu kirirji Kamuktaindet komi luget, ak kigasyi inendet ichek; amu kiimang’ inendet.

Bukuit Ne Tilil

²⁰ Ki kitoret kobargei ak icheeget, ak ki kinde Hagrik eunekwak, kobooto tugul che ki mi kobooto pichooto, amu ki riirchi Kamuktaindet komi lugeet, ak ki kas riirekwak, amu ki imang' ineendet.

BUKUIT NE TILIIL Sireet ne Dutero Kanon

²⁰ Ki kitoret kobargei ak icheeget, ak ki kinde Hagrik eunekwak, kobooto tugul che ki mi kobooto pichooto, amu ki riirchi Kamuktaindet komi lugeet, ak ki kas riirekwak, amu ki imang' ineendet.

1 ATEPTAP PEETUUSYEK 5:20 ပူးပေါင်းရင်းမြစ်များ

TAUNET 25:21

Ak kirirji Isak Jehovah mising’ agobo osotiondennyi, amu ki sonen: ak kigasyi Jehovah rirekyik, ak kimanach Rebeka osotiondennyi.

TAUNET 49:19

Igiichi luget Gad: Ago igiichi inendet ichek agoi konam kwariat.

1 LAITORINIK 22:32

Ak kingogeer kiptainichoto bo karisiek Jeosapat, kole, Iman, nito laitoriatab Israel; ak kiwelelgei kobargei ak inendet: ak kiwaach Jeosapat.

1 ATEPTAP PEETUUSYEK 5:21

Ak kikweri tukwak; kikweri eng’ tambesikwak elfusiek konom, ak eng’ kechirek elfusiek bogol aeng’ ak konom, ak kokweri eng’ sigirok elfusiek aeng’, ak komut bik elfusiek bogol agenge.

1 ATEPTAP PEETUUSYEK 5:22

Amu kigibar che chang’, amu ki bo luget Kamuktaindet. Ak kimeng’is eng’ oloto kogeer ichek kot koit betut ne kigiluule.

2 ATEPTAP PEETUUSYEK 13:18

Kigiming’in ko u noto lagokab Israel eng’ betusiechoto, ak kiiterteris lagokab Juda, amu kitiiegei Jehovah, Kamuktaindetab kwanisiekwak.

2 ATEPTAP PEETUUSYEK 18:31

Ak kingogeer kiptainichoto bo karisiek Jeosapat, komwa kole, Nito ko laitoriatab Israel. Koweekyigei anyun kole kobargei ak inendet: ago kiwaach Jeosapat, ak kitoret Jehovah inendet; ago kiigochi Kamuktaindet ichek kobagakta inendet.

2 ATEPTAP PEETUUSYEK 20:12

Ee Kamuktaindennyo, meruokyini? Amu magitinye kamuget kebarge ak tuiyoni o kagobokyech; ama kingen kit ne kiyaei: ago inyalin konyekyok.

2 ATEPTAP PEETUUSYEK 26:7

Ak kitoret Kamuktaindet inendet kobargei ak Pilistik, ak kobargei ak Marabuk che kimenyei Gur-baal, koboto Meunik.

2 ATEPTAP PEETUUSYEK 33:13

Ak kisa, ak kigigasyi; kigas Jehovah somennyi, ak kiimut inendet kogeny konyo Jerusalem ole mi bounatennyi. Konai anyun Manase kole Jehovah ko Kamuktaindet.

EZRAH 8:23

Kigirugutge anyun ak kesa Kamuktaindennyo agobo nito; ak kigaswech.

TIENWOGIKAL 37:39

Ago bo Jehovah yetunetab che bo imanda: Inendet ko irimenywa eng’ betutab nyalilda.

TIENWOGIKAL 37:40

Ak kotoreti Jehovah ichek, ak kosoru: Soru ichek eng’ kiptengeginik, ak koeetei, Amu kimwechi inendet.

TIENWOGIKAL 46:1

Kamuktaindet ole kemwechini, ak kimnatennyo, Toretindet ne negit ye mi nyalilda.

TIENWOGIKAL 9:10

Ak imang’un che ingen kaineng’ung’; Amu ma imete inye, Jehovah che cheng’in.

KOMONG'U 17:11

Ak ye kingonamji Musa barak eunnyi, koterteris Israel: ak kingotu eut, koterteris Amalek.

KALEWANAIK 29:25

Ibu mestet kaiyweisiet ne kiywei chi: Ago nyoru chametab ge age tugul ne imang’u Jehovah.

JEREMIA 39:18

Amu asorun iman, ama kibarin eng’ rotwetab chok, ago iluule sobeng’ung’ kobunjin: amu kiimang’wa, mwaei Jehovah.

DANIEL 6:23

Kibaibait anyun laitoriat mising’, ak kong’at kole kegonob Daniel eng’ keringet. Kigigonob anyun Daniel eng’ keringet, ama kinyor ole koam kiy eng’ bortanyi, amu kiimang’u Kamuktaindennyi.

NAHUM 1:7

Mie Jehovah, irimet eng’ betutab nyalilda; ak kongen icheget che imang’u inendet.

EPESOEK 1:12

si kobiit keegu kalosunetab torornatennyi, achek che kiga kisib kimang’u Kristo.

JOSHUA 10:14

Ak kitom kobiitu betut ne u noto eng tai amata kobiit eng’ let, ne kigas Jehovah kutitab chi: amu kiyai Jehovah luget agobo Israel.

JOSHUA 10:42

Ak kinam Josua laitorinichoto tugul, ak emotinwekwak eng’ betusiechoto, amu kiyai Jehovah, Kamuktaindetab Israel, luget agobo Israel.

JOSHUA 23:10

Onei chito agenge eng’ okwek elfut, amu Jehovah Kamuktaindeng’wong’ ne yaei luget agobo okwek, ko u ye kimwawok.

1 SAMUEL 19:15

Ak kiiyokto Saul bichoto koba kogeer Daudi, kolenji, Omutwa eng’ itogut si anyo abar.

1 SAMUEL 7:12

Yeityo konam Samuel koita, ak konde kwenutab Mispa ak Sen, ak koguure kainennyi Eben-eser, kole, Kigotoretech Jehovah kot koit rani.