1 ATEPTAP PEETUUSYEK 4:10 - BUKUIT NE TILIL

¹⁰ Ak kiguur Jabes Kamuktaindetab Israel, kolenji, Mie iberura iman, ak ites kiwotennyu, ak ingotebi eung’ung’ kobota, ak iriba eng’ yaitiet, si ma aorogen! Ak kiigochi Kamuktaindet inendet tuguk che kiga som.

Bukuit Ne Tilil

¹⁰ Ki kuur Jabes Kiptaiyat Kamuktaindetap Israel, koleenji, “Myee iberuuro iman ak ites kiwotennyu, ingotebi eung'ung' kobooto, ak iriibo eng' yaityet, si ma aorogen! Ak ki igoochi `Kamuktaindet ineendet tuguuk che kiga soom.”

BUKUIT NE TILIIL Sireet ne Dutero Kanon

¹⁰ Ki kuur Jabes Kiptaiyat Kamuktaindetap Israel, koleenji, “Myee iberuuro iman ak ites kiwotennyu, ingotebi eung'ung' kobooto, ak iriibo eng' yaityet, si ma aorogen! Ak ki igoochi `Kamuktaindet ineendet tuguuk che kiga soom.”

1 ATEPTAP PEETUUSYEK 4:10 ပူးပေါင်းရင်းမြစ်များ

TAUNET 12:2

ak ayain iegu bororiet ne o, ak aberurin, atoror kaineng’ung’ koeet; ak iegu kaberuret.

TAUNET 12:8

Ak kiu kwo eng’ oloto agoi koit tulwet eng’ komostab kong’asis ne bo Betel, ak kiteech emainnyi, kimi Betel komostab cherongo, ak kimi Ai komostab kong’asis: ak kiteekyi kaptisisiet Jehovah eng’ oloto, ak kiguur kainetab Jehovah.

TAUNET 28:20

Ak kiiyosio Jakobo, kole, Ngot koteb Kamuktaindet kobota, ak koribota eng’ orani awendi, ak kobaata, ak kogona ngoroik che alaachi,

TAUNET 28:21

agoi tun aweekyige gotab baba eng’ kalyet, koek anyun Jehovah Kamuktaindennyu,

TAUNET 32:26

Ak kile, Unda awo, amu machei koeech. Ak kilenji, Maundoin ama iberura.

TAUNET 32:27

Ak kiteebe, kolenji, Ng’o kaineng’ung’? Ak kilenji, Kiguurena Jakobo.

TAUNET 32:28

Ak kilenji, Ma keguurenen Jakobo agoi, ago kagiguurenen Israel: amu kaobelgei ak Kamuktaindet ak bik agichek, ak kaiterter.

TAUNET 33:20

Ak kiteech kaptisisiet eng’ oloto, ak kiguure kaptisisionoto El-eloe-Israel.

TAUNET 48:16

malaikaiyat ne kiitiacha eng’ yaitwogik tugul, ingoberur lagochu; ak keguurtoe ichek kainennyu, ak kainaikab kwanisiekyuk agichek, Abraham ak Isak; ak ingotesogis kochang’a eng’ kwenutab ng’ony.

1 ATEPTAP PEETUUSYEK 16:8

Oweekyi kongoi Jehovah, oguur eng’ kainennyi; Ongonaak boisionikyik eng’ bik.

1 ATEPTAP PEETUUSYEK 4:11

Ak kisich Kelub ng’etab kametab Sua, Meir, ne ki kwandab Eston.

1 ATEPTAP PEETUUSYEK 4:9

Ak ki konyitot Jabes kosiir tupchosiekyik: ak kiguure kamennyi inendet Jabes, kole, Amu kiasich inendet eng’ arogenet.

Kitabuutap JOB 12:4

A u chito ne rorechin bikab kokwennyi, Ne kiguur Kamuktaindet, ak kiwolji inendet: Kirorechin ne bo iman, chito ne igesunotgei.

TIENWOGIKAL 119:173

Ingochobok eung’ung’ kotoreta; Amu kialewen konetisiosieguk.

TIENWOGIKAL 121:7

Ribin Jehovah eng’ yaitiet tugul; Ribei sobondang’ung’.

TIENWOGIKAL 145:19

Isuldochin icheget che iywei inendet kit ne machei ichek; Kasei inendet rirekwak, ak soru.

TIENWOGIKAL 21:4

Kisomin sobondo, ak kiigochi; Agot chang’indab betusiek che bendi agoi koigeny ak koigeny.

TIENWOGIKAL 51:12

Ak iweekwa boiboiyetab yetuneng’ung’: Ak inama atonon eng’ tamirmiriet ne chamdaat.

TIENWOGIKAL 51:8

Kona agas kagasetab ge ak boiboindo; Si koboiboitu kowek che kiiri.

TIENWOGIKAL 55:16

Ago aguure ane Kamuktaindet; Ak kosorua Jehovah.

TIENWOGIKAL 65:2

Ee inye ne kasei saet, Bwanjinin bik tugul.

TIENWOGIKAL 72:17

Tebyei kainennyi koigeny; Tebyei kainennyi kota komi asista: Ak kiberuri bik eng’ inendet; Ak kuure bororiosiek tugul ne baibai.

TIENWOGIKAL 99:6

Musa ak Aron eng’ tisiikyik, Ak Samuel koboto icheget che kuurei kainennyi; Kiguur ichek Jehovah ak kiwolji.

KALEWANAIK 10:22

Imagornoni kaberuretab Jehovah, Ama testoi rirek.

KALEWANAIK 30:8

Iste kolooegitu eng’ ane, tangoita ak lembechek: Amegona bananda anan magornatosiek; Baena amitwogik che yama:

ISAIAH 41:10

ameiyweisie, amu ami koboten; amearogen, amu a Kamuktaindeng’ung’: agimitin; ee, atoretin; ee, anamin eng’ eunnyu ne bo tai ne bo imandanyu.

ISAIAH 41:17

Cheng’ei beek bik che bonon ak che matinyei kiy, ago mami, ak koyaamei ng’elyepta amu melelda; awoljini, ane Jehovah, mametoi ane Kamuktaindetab Israel.

JEREMIA 33:3

Kuura, si awolun, ak aborun tuguk che eechen, ak ko uuen, che mengen.

MATAYO 26:75

Ak kiibwat Petero ng’olyot ne kiga komwa Jesu, kole, Kotom kote kipsoiywet, iesioa konyil somok. Ak kimanda sang’, ak korir eng’ ng’wanindo.

MATAYO 6:13

Amemutech ole mi yomset, ago soruech eng’ ne ya. [Amu neng’ung’ bounatet, ak kamuktaet, ak torornatet, agoi koigeny. Amen.]

LUKA 19:42

kolen, Nda kengen eng’ betuni, agot inye, tuguk che bo kalyet! Ago nguno ko kagoung’ogis eng’ konyeguk.

JOHANA 10:28

ak agochini ichek sobondab koigeny; ak magoi lusyo, ama rebena chi ichek eng’ eunnyu.

JOHANA 21:17

Kolenji ne bo somok, Simon, weritab Johana, ichama? Koarogen Petero amu kamwachi ne bo somok, kolenji, Ichama? Ak kolenji, Kiptaiyandani, ingen tuguk tugul; ingen ile achamin. Kolenji Jesu inendet, Bai kechirekyuk.

POISYONIGAP CHE KIYOKTOI 3:26

Ak ye kingo kagong’eet Jehovah Kiboitiondennyi, koyokwok okwek korok si koberurok, ak koistoe chi age tugul eng’ okwek tengekwogikyik.

ROMANIK 12:9

Ingoek chamnyet ne matinyei ng’alset. Wech mising’ noto ya; onamge ak ne mie.

ROMANIK 16:19

Amu kigogasak eng’ bik tugul kaseng’wong’ bo it. Noto anyun abaibai eng’ okwek: ago amache ong’omegitu eng’ noto mie, ak oegu che berber eng’ noto bo yaitiet.

1 KORINTOEK 1:2

kisirjini kanisetab Jehovah ne mitei Korinto, ichek che kigitaban eng’ Kristo Jesu, che kigiguur koek che tililen, koboto tugul che kuurei kainetab Kiptaiyandennyo Jesu Kristo eng’ komosta age tugul, Kiptaiyandenywa ak ko nenyo:

EPESOEK 1:3

Iberurot Jehovah Kwandab Kiptaiyandennyo Jesu Kristo, inendet ne kigoberurech eng’ kaberuret age tugul ne bo tamirmiriet eng’ komoswekab kipsengwet eng’ Kristo:

EPESOEK 3:20

Ingobunji anyun inendet ne imuchi koyai mising’ inne kosiir tugul che kisome anan che kibwati ko u kamuktaet ne boisiei eng’ achek,

EPESOEK 4:30

Ak amogochi arogenet Tamirmiriet ne Tilil ne bo Jehovah ne kigindaenak ng’okset agoi betutab katiaget.

2 TIMOTEO 4:18

Sorua Kiptaiyat eng’ boisiet age tugul ne ya, ak kosorua agoi ait bounatennyi ne bo kipsengwet: nenyi torornatet koigeny ak koigeny. Amen.

NG'ANG'UTYET 3:19

Agere kong’ tugul che achame ak atigoni: igiilge anyun, ak isigu.

1 SAMUEL 1:17

Kiwol anyun Eli kole, Ui eng’ kalyet: ak ingogonin Kamuktaindetab Israel someng’ung’ ne kesom inendet.

1 SAMUEL 1:20

Ak kingoit betut, komanach Hana, ak kisich werit; ak kiguure kainennyi Samuel, kole, Amu kiasom inendet eng’ Jehovah.

1 SAMUEL 1:26

Ak kimwa kwonyoto kole, Ee, kiptaiyandennyu, ko u ye sobei sobondang’ung’, inye, kiptaiyandennyu, a kwonyi kiatononi eng’ yu kiimi, asae Jehovah.

1 SAMUEL 1:27

Lakwani ne kiasome, ak kigogona Jehovah somennyu ne kiasom inendet: