1 ATEPTAP PEETUUSYEK 28:9 - BUKUIT NE TILIL

⁹ Nai anyun inye Solomon werinnyu, Kamuktaindetab kwandang’ung’, ak iboisiechi inendet eng’ muguleldo ne igesunotgei, ak eng’ kabwatutik che tinyei chamet: amu isiachi Jehovah mugulelwek tugul, ak koguitos kabwatutik tugul che bo metit: ngot icheng’ inendet, inyoru: ago ngot imete inendet, kowirtoin koigeny.

Bukuit Ne Tilil

⁹ “Nai anyun inyee Solomon weeriinnyu, Kamuktaindetap kwandang'ung', ak iboisyechi ineendet eng' muguleldo ne ititaat, ak eng' kabwaatutik che tinyei chameet, amu isyachi Kamuktaindet ne Toroor mugulelwek tugul ak koguitos kabwaatutik tugul che po metit. Ngot icheeng' ineendet, inyooru; ago ngot imete ineendet, kowiirtoin koigeny.

BUKUIT NE TILIIL Sireet ne Dutero Kanon

⁹ “Nai anyun inyee Solomon weeriinnyu, Kamuktaindetap kwandang'ung', ak iboisyechi ineendet eng' muguleldo ne ititaat, ak eng' kabwaatutik che tinyei chameet, amu isyachi Kamuktaindet ne Toroor mugulelwek tugul ak koguitos kabwaatutik tugul che po metit. Ngot icheeng' ineendet, inyooru; ago ngot imete ineendet, kowiirtoin koigeny.

1 ATEPTAP PEETUUSYEK 28:9 ပူးပေါင်းရင်းမြစ်များ

TAUNET 28:13

Ak kitononi Jehovah eng’ ye negite inendet, ak kile, A Jehovah, Kamuktaindet ne bo kwandang’ung’ Abraham, A Kamuktaindet ne bo Isak: agonin emoni irue, koboto lagoguk;

TAUNET 6:5

Ak kigeer Jehovah kole, O mising’ tengektab chi eng’ ng’ony, ak kole, kabwatutik tugul che bo muguleldanyi ko tengekto kityo betut age tugul.

TAUNET 8:21

Ak king’uuchi Jehovah anyinyindo ne bo nyamdutik; ak kole Jehovah eng’ muguleldanyi, Ma achube ng’ony kogeny agobo chi, amu yaachen kabwatutikab muguleldab chi koboch koming’in; ak ma abare kogeny agoi, tuguk tugul che soptos, ko u ye kiayai.

1 LAITORINIK 3:6

Ak kile Solomon, Kiiyachi otwogindeng’ung’ Daudi baba mieindo ne o, ko u ye kiwendote taing’ung’ eng’ imanit, ak eng’ imanda, ak eng’ lititindab muguleldo eng’ inye; ak kiigonorji inendet mieini o, amu kiigochi inendet werit kotebe ng’echerennyi ne bo laitornatet, ko u ra.

1 LAITORINIK 8:39

igas anyun eng’ kipsengwet oldang’ung’ ole imenye, ak inyochi kaat, ak iyai, ak iyaakyi chi age tugul ko u ortinwekyik tugul, ne inege muguleldanyi: (amu inye inyege ne ingen mugulelwekab werikab bik;)

1 LAITORINIK 8:43

igas eng’ kipsengwet oldang’ung’ ole imenye, ak iyai ko u tuguk tugul che kaguurjin chichoto bo bororiosiek; si kobiit konai kaineng’ung’ bik tugul che bo ng’ony, koiywein, ko u ye iywein biguk Israel, ak si kobiit konai kole goi kiateech kemwaitoe kaineng’ung’.

1 LAITORINIK 8:61

Ingoek anyun mugulelwekwok che igesunotgei eng’ Jehovah Kamuktaindennyo, obendate ng’atutikyik, ak orib etanutikyik, ko u rani.

2 LAITORINIK 20:3

Ee Jehovah, asain ale, ibwat ole kiatepte eng’ imanda eng’ taing’ung’, ak eng’ muguleldo ne igesunotgei, ak ayai ne mie eng’ taing’ung’. Ak kirir Hesekia eng’ ng’wanindo.

2 LAITORINIK 21:22

ak kometo Jehovah, Kamuktaindetab kwanisiekyik, ama isub ortinwekab Jehovah.

2 LAITORINIK 22:2

Ak kiyai ne mie eng’ taitab Jehovah, ak kowendote ortinwek tugul che bo Daudi kwandanyi, ama masta kwo tai anan ko katam.

1 ATEPTAP PEETUUSYEK 22:19

Ara anyun, ochob mugulelwekwok ak sobonwekwok, ocheng’ Jehovah Kamuktaindeng’wong’, ong’eetye anyun, oteech ole tilil ne bo Jehovah Kamuktaindeng’wong’, si oibu moingetab arorutietab Jehovah ak tuguk che tililen che bo Kamuktaindet, kobwa got ne kiteekyin kainetab Jehovah.

1 ATEPTAP PEETUUSYEK 28:8

Ara anyun, orib ak ocheng’ ng’atutik tugul che bo Jehovah Kamuktaindeng’wong’, eng’ taitab Israel tugul, tuiyetab Jehovah, kogasei Kamuktaindennyo: si kobunjok emoni kararan, ak obagakyi lagokwok koek borotenywa koigeny.

1 ATEPTAP PEETUUSYEK 29:9

Koboiboitu anyun bik, amu kiigoito eng’ chamnyet, amu kiigochi Jehovah eng’ muguleldo ne igesunotgei: ak kibaibait agine laitoriat Daudi eng’ boiboiyet ne o.

2 ATEPTAP PEETUUSYEK 12:5

Konyo maotiot Semaia oldab Reoboam, ak bounikab Juda, che kiga koyumjigei Jerusalem, komwee Sisak, ak kolenji ichek, Kamwa Jehovah ko u ni, kole, Kiometa, eng’ noto ko kabagakyok anyun agane eutab Sisak.

2 ATEPTAP PEETUUSYEK 15:2

ak kiwa kotorokta Asa, kolenji, Ogasa okwek, inye Asa ak Juda tugul ak Benjamin: mi Jehovah kobotok, ye otebye ak inendet; ak ngot ocheng’ inendet, onyoru; ago ngot omete inendet, kometok.

2 ATEPTAP PEETUUSYEK 6:30

igas anyun eng’ kipsengwet oldang’ung’ ole imenye, ak inyochi kaat ak iyaakyi chi age tugul ko u ortinwekyik tugul, ne ingen muguleldanyi; (amu inye inyege ne ingen mugulelwekab werikab bik;)

EZRAH 8:22

Amu kialilan asom laitoriat kweanet ne bo askarik, ak bik che lanyei mbartanyisiek si kotoretech kegirinde bunik che mi oret: amu kiga kemwachi laitoriat, kelenji, Mi eutab Kamuktaindennyo koboto ichek tugul che cheng’ei inendet, koyachi ne mie; ago kirindoi kimnatennyi ak nereknatennyi bik tugul che metoi inendet.

TIENWOGIKAL 101:2

Atebye komie eng’ ng’omnatet eng’ oret ne igesunotgei: Ee, inyonjina au? Awendote gonnyu eng’ muguleldo ne igesunotgei.

TIENWOGIKAL 139:2

Ingen ye atebye ak ye ang’eete, Ingen kabwatutikyuk agot ngimi ole loo.

TIENWOGIKAL 17:3

Kiitiem muguleldanyu; kiinyonja kemoi; Kiisiacha, ama inyorja kiy; Kiabekyi ale mamwaei kutinnyu bistoet.

TIENWOGIKAL 18:2

Jehovah ruandennyu, ak irimennyu, ak sorunindennyu; Kamuktaindennyu, ruandennyu ne kim, amang’u inendet; Long’ennyu, ak kuinetab yetunennyu, teeksennyu ne koi.

TIENWOGIKAL 7:10

Mi long’ennyu eng’ Kamuktaindet, Ne soru che bo iman eng’ mugulelwek.

TIENWOGIKAL 7:9

Ingowong’gei tengektab kiptengeginik, ago igimit ne bo imanda: Amu tiemei Kamuktaindet ne bo imanda mugulelwek ak soromok.

TIENWOGIKAL 89:26

Rirjina kolen, I baba inye, Kamuktaindennyu, ak ruandetab yetunennyu.

TIENWOGIKAL 89:38

Ago kiitimde ak iesie, Kiinerekyi neng’ung’ ne iilat.

TIENWOGIKAL 9:10

Ak imang’un che ingen kaineng’ung’; Amu ma imete inye, Jehovah che cheng’in.

KOMONG'U 15:2

Jehovah kimnatennyu ak tiendanyu, Ak kaek yetunennyu: Nito ko Kamuktaindennyu, ak alosu inendet; Inendet ko Kamuktaindet ne bo baba, atorori inendet.

KOMONG'U 3:16

Ui, iyum boisiekab Israel, ak ilenji ichek, Kigomong’ja Jehovah, Kamuktaindet ne bo kwanisiekwok, Kamuktaindet ne bo Abraham, Isak, ak Jakobo, kolenja, Kaanyonjok iman, ak kaageer noto ne kiyaiywok eng’ Misri:

KALEWANAIK 17:3

Bo teret feda che kitilili, ak bo mat ne o tahabu: Ago Jehovah ne tiemei mugulelwek.

KALEWANAIK 3:6

Ng’any inendet eng’ ortinweguk tugul, Si kolitit ortinweguk.

KALEWANAIK 4:4

Ak kiineta baba, kolenja, Ingotebe muguleldang’ung’ ng’alekyuk; Rib ng’atutikyuk, si isob:

ISAIAH 1:28

Ago tun biitu ng’emisietab bistoik ak ne bo kiptengeginik eng’ betut agenge, ak tun kigesu che metoi Jehovah.

ISAIAH 38:3

kole, Ee Jehovah, asain ale, ibwat ole kiatepte eng’ imanda eng’ taing’ung’ ak eng’ muguleldo ne igesunotgei, ak kiayai ne mie eng’ taing’ung’. Ak kirir Hesekia eng’ ng’wanindo.

ISAIAH 45:19

Tom ang’alal eng’ ung’ot, eng’ komostab emet ne bo mesundeito; ma alenji iyotetab Jakobo, Ocheng’a buch; amwae ane Jehovah imanda, amwae tuguk che litit.

JEREMIA 11:20

Ago, kona ageer yaaktaeng’ung’ bo mugetut eng’ ichek, ee Jehovah ne bo lugosiek, ne iruochi eng’ imanda, ne itieme kabwatutik ak muguleldo; amu kaang’ang’un ng’olyondennyu.

JEREMIA 17:10

Ane Jehovah ne asiachi muguleldo, atieme kabwatutik, si agochi chi age tugul ko u ortinwekyik, ko u logoekab boisionikyik.

JEREMIA 20:12

Ago, ee Jehovah ne bo lugosiek, ne itieme chi ne bo iman, ne igeere kabwatutik ak muguleldo, kona ageer ye iyaakyini mugetut ichek; amu kiang’ang’un ng’olyondennyu.

JEREMIA 22:16

Kiiruoksechi ne banan ak ne matinyei kiy; kimieit anyun. Tos kima konaena nito? Mwaei Jehovah.

JEREMIA 24:7

Ak agochi ichek muguleldo ne naena, kole, a Jehovah: ak koek bikyuk, ak aegu Kamuktaindenywa: amu weekyinagei eng’ mugulelwekwak tugul.

JEREMIA 29:13

Ak ocheng’a, ak onyorua, ye ocheng’a eng’ mugulelwekwok tugul.

JEREMIA 29:14

Ak onyorua, mwaei Jehovah, ak awal luuleng’wong’, ak ayumak omong’une bororiosiek tugul, ak eng’ komoswek tugul ole kiaonjok, mwaei Jehovah; ak amutwak kogeny obwa olito kiagoitoenok.

JEREMIA 31:34

Ama koneti kogeny chi age tugul chitab kokwennyi, ama koneti chi age tugul ng’etab kamet, kolenjin, Nai Jehovah: amu tun naa ichek tugul, koboch ne ming’in eng’ ichek agoi ne o, mwaei Jehovah: amu anyochini kaat amun yaitienywa, ama abwati tengektanywa kogeny.

JEREMIA 9:24

ago ingolosgei eng’ ng’olyondoni inendet ne ilosugei, kole, ingena ak konaa, kole, a Jehovah ne boisie chamnyet ne tala, kiruoget, ak imanda eng’ ng’ony: amu aboiboitune tuguchuto, mwaei Jehovah.

EZEKIEL 11:5

Ak kinyonja Tamirmirietab Jehovah, ak kolenja, Mwa ile, Mwaei Jehovah ko u ni kole, Kiomwa ko u ni, ee gotab Israel; amu angen tuguk che obwati.

EZEKIEL 38:10

Mwaei Kiptaiyat Jehovah ko u ni kole: Bwanjinin kabwatutik eng’ betunoto, ak ibwat chobutiet ne ya:

HOSEA 4:1

Ogas ng’olyotab Jehovah, okwek lagokab Israel: amu ting’e Jehovah ng’olyot bik che menyei emet, amu mamitei imanit, anan rirenet, anan naet ne bo Kamuktaindet eng’ emet.

HOSEA 4:6

Kigeng’em bikyuk amu matinyei naet: amu kiiesie naet, aesioin agane, si ma iegu tisiindet eng’ ane: amu kiiutie ng’atutikab Kamuktaindeng’ung’, autie agane lagoguk.

JOHANA 1:47

Kigeer Jesu Natanael konyonei ole mi inendet, ak kole agobo inendet, Ogeero, Israelindet iman, ne matinyei ng’alset!

JOHANA 17:3

Ak ni sobondab koigeny, ale konain Jehovah ne inyendet inyege ne bo iman, ak Jesu Kristo, ne kiiyogu.

JOHANA 2:25

ak amu kima komage kiy chi ne baoriani agobo chi age; amu kiingen inendet kit ne mi chi orit.

JOHANA 21:17

Kolenji ne bo somok, Simon, weritab Johana, ichama? Koarogen Petero amu kamwachi ne bo somok, kolenji, Ichama? Ak kolenji, Kiptaiyandani, ingen tuguk tugul; ingen ile achamin. Kolenji Jesu inendet, Bai kechirekyuk.

JOHANA 4:24

Jehovah ko Tamirmiriet: ak kanyol kosa inendet eng’ tamirmiriet ak iman che saei inendet.

JOHANA 8:55

ak tom onai inendet: ago angen inendet; ak ngot amwa ale, mangen inendet, aegu kiplembechwa, ko u okwek: ago angen inendet, ak aribe ng’olyondennyi.

POISYONIGAP CHE KIYOKTOI 1:24

Ak kisa, kole, Inye, Kiptaiyat, ne ingen mugulelwekab bik tugul, iboruech eng’ bichu aeng’, ne kailewen,

POISYONIGAP CHE KIYOKTOI 17:23

Amu ye kiasiirtoi, ak ageer tuguk che osae, anyoru agine kapkorosut ne tinyei sirutichu, BO CHEPTALELIT NE MANAEI CHI. Noto anyun ne osae amongen, aboruok anyun nito.

POISYONIGAP CHE KIYOKTOI 17:30

Kima mage kiy anyun Jehovah betusiek che kima komi naet; ago kang’at nguno kole kosik bik tugul eng’ komosta age tugul:

1 KORINTOEK 15:34

Ogosu eng’ imanda, amat oyai tengek; amu maingen alak Jehovah: amwae ni si agonok olilan.

2 KORINTOEK 4:6

Amu Jehovah ne kimwa kole, Tun iluu lapkeiyet kobunu mesundeito, inendet ne kiiluuchi mugulelwekyok, si kogon lapkeiyet ne bo naetab torornatetab Jehovah eng’ togetab Jesu Kristo.

2 KORINTOEK 8:12

Amu ngo chobot kabwatetab chi, ko taachaksei ko u ye tinyei chi, ma ko u ye matinyei.

2 KORINTOEK 9:7

Ingogoito chi age tugul ko u ye kigochob eng’ muguleldanyi; ma eng’ ng’oknatet, anan torjinet: amu chamei Jehovah ne igoitoi eng’ boiboiyet.

NG'ATUTIK 10:12

Ara anyun Israel, nee ne magenen Jehovah Kamuktaindeng’ung’, kobate iywei Jehovah Kamuktaindeng’ung’, iwendote ortinwekyik tugul, ak icham inendet, ak iot Jehovah Kamuktaindeng’ung’ eng’ muguleldang’ung’ tugul ak eng’ sobondang’ung’ tugul,

NG'ATUTIK 31:21

Ak ye tun kagobwanji yaitwogik che chang’ ak nyalilwogik, kobaorian anyun tieni eng’ tainywa ko u baoriat; amu mautie iyotenywa eng’ kutuswekwak: amu agot nguno angen kabwatutikwak che ibwati, kotom amut koba emet ne kiayosiechi.

NG'ATUTIK 4:35

Kigiborun inye, si kobiit inai ile, Jehovah inendet ko Kamuktaindent; mami age kobate inendet inegei.

HEBRANIK 12:28

Noto anyun, amu kinyoru bounatet ne magimuchi kitumdum, ko ongeegu che tinyei mieindo, ne kimuchi keyae boisiet ne iboiboi Jehovah mising’, eng’ teegisto ak kaiyweet:

HEBRANIK 4:13

Ama mi kiy age tugul ne kigiyai ne ma toogu eng’ tainnyi: ago ng’ang’otin ak yatotin tuguk tugul eng’ taitab konyek che bo inendet ne tun kitetyini atebosiekyok.

1 PETERO 5:2

oyage akwetab Jehovah ne mitei kwenung’wong’, otononji, ama eng’ birjinet, ago oyage eng’ chamet, eng’ Jehovah; ama eng’ magetab keljinet ne muruon, ago oyage eng’ chamet ne o;

NG'ANG'UTYET 2:23

Ak abare lagokyik meet; ak konai kanisosiek tugul kole anendet ne isiachi kabwatutik ak mugulelwek: ak agochini age tugul eng’ okwek ko u boisionikwok.

1 SAMUEL 12:20

Ak kilenji Samuel bik, Amoiywei: kioyai iman yaitioni tugul: ago amomaste obagach osub Jehovah, ago oot Jehovah eng’ mugulelwekwok tugul;

1 SAMUEL 16:7

Ago kilenji Jehovah Samuel, Amat igeer togennyi, anan ko koindab tononennyi; amu kaesie inendet: amu mageerei Jehovah ko u ye keerei bik; amu keerei bik itonda, ago keerei Jehovah muguleldo.