1 ATEPTAP PEETUUSYEK 25:6 - BUKUIT NE TILIL

⁶ Kibou chuto tugul kwandanywa si kotienso eng’ gotab Jehovah, kotinyei sanisiek che bo sugunonik che kibirei, ak ketubosiek, agobo otisietab gotab Kamuktaindet; king’atei laitoriat Asap, Jedutun ak Heman.

Bukuit Ne Tilil

⁶ Ki pou chuuto tugul kwandanywa si kotyenso eng' kootap Kamuktaindet ne Toroor, kotinyei sanisyek che po sugunonik che kibirei, ak ketubosyek, agobo otisyetap kootap Kamuktaindet. King'atei laitoryat Asaph, Jeduthun ak Herman.

BUKUIT NE TILIIL Sireet ne Dutero Kanon

⁶ Ki pou chuuto tugul kwandanywa si kotyenso eng' kootap Kamuktaindet ne Toroor, kotinyei sanisyek che po sugunonik che kibirei, ak ketubosyek, agobo otisyetap kootap Kamuktaindet. King'atei laitoryat Asaph, Jeduthun ak Herman.

1 ATEPTAP PEETUUSYEK 25:6 ပူးပေါင်းရင်းမြစ်များ

2 SAMUEL 6:5

Ak kibut Daudi ak got tugul ne bo Israel eng’ taitab Jehovah, kibugandisiek che kigiyae ketikab biribiriet, koboto ketubosiek, ak kibugandinik, ak eng’ sugutisiek che mengechen, ak eng’ ndurerusiek, ak eng’ sanisiek che cheeitos.

1 LAITORINIK 10:12

Ak kiyae laitoriat ketichato bo almug, tolochikab gotab Jehovah, ak gotab laitoriat, kiyae kogeny ketichato ketubosiek ak kibugandinik che bo bik che tieni: mata keib ketikab almug che u choto kogeny, amata kegeer agoi rani.

1 ATEPTAP PEETUUSYEK 15:16

Ak kimwachi Daudi che eechen che bo Lawik kolewen tupchosiekwak tienik, ak tuguk che kibutei, che choto ko kibugandinik, ak ketubosiek ak sanisiek che bo sugunonik che kibirei kebut kocheiyo mising’, ak kotienso eng’ kagasetab ge.

1 ATEPTAP PEETUUSYEK 15:19

Tienik anyun ko ki Heman, Asap, ak Etan, che kitinyei sanisiekab sugunonik che kibirei kocheiyo mising’;

1 ATEPTAP PEETUUSYEK 15:22

Ak kibou Kenania tienwogik, ne o eng’ Lawik: kiineti bik tiendo, amu ki utat inendet.

1 ATEPTAP PEETUUSYEK 23:5

ak ki elfusiek ang’wan ribikab kurgotik; ak kiilosu Jehovah elfusiek ang’wanu eng’ kibugandinik che kiayae ane, si kilosune Jehovah.

2 ATEPTAP PEETUUSYEK 20:28

Ak kibwa Jerusalem kobutonu kibugandinik ak ketubosiek, ak koguutonu iriagok kot koit gotab Jehovah.

2 ATEPTAP PEETUUSYEK 23:13

Ak kigeerot, ogeero, kitononi laitoriat eng’ ole negite toloitanyi eng’ ye kibunei kebendi orit, komi kiptainik ak iriagok ye mi laitoriat; ak kiboiboitu bik tugul che bo emet, ak koguutei iriagok; kibutei agichek tienik kibugandinik, ak kondochin tiendab kalosunet. Kogerer anyun Atalia ngoroikyik, ak kole, Chaamset, chaamset.

2 ATEPTAP PEETUUSYEK 29:13

ak eng’ werikab Elisapan, Simri ak Jeuel: ak eng’ werikab Asap, Sekaria ak Matania:

2 ATEPTAP PEETUUSYEK 29:25

Ak kiinde Lawik gotab Jehovah, kotinyei sanisiekab sugunonik che kibirei, ak kibugandinik ak ketubosiek, ko u ng’atutietab Daudi, ak ne bo Gad keerindetab laitoriat, ak maotiot Natan: amu kibunu ng’atutionoto Jehovah eng’ maotikyik.

NEEMIA 11:17

ak Matania weritab Mika, weritab Sabdi, weritab Asap, ne ki ne o ne kitau komwaei kongoi eng’ saet, ak Bakbukia, ne bo aeng’ eng’ tupchosiekyik; ak Abda weritab Samua, weritab Galal, weritab Jedutun.

NEEMIA 12:24

Ak che eechen che bo Lawik ko ki Hasabia, Serebia, ak Jesua weritab Kadmiel, koboto tupchosiekwak che kitokyindos ak icheget, si kolos ak komwaei kongoi, kowaljingei, ko u ng’atutietab Daudi chitab Kamuktaindet.

NEEMIA 12:46

Amu kimi chito ne o ne bo tienik eng’ betusiekab Daudi ak Asap ne bo keny, ak tienwogikab kalosunet ak kagoitoetab kongoi ne kigochin Kamuktaindet.

TIENWOGIKAL 68:25

Kiindo tienik, ak kiisubu che kibutei kibugandinik, Kimi kwen gotab kor che kibirei sugutisiek che mengechen.

EPESOEK 5:19

ong’alaljinige eng’ tienwogikab kalosunet ak tienwogik ak tienwogikab tamirmiriet, otieni tiendo ne rurei eng’ mugulelwekwok eng’ Kiptaiyat;

KOLOSAIK 3:16

Ingomenyok ng’olyotab Kristo eng’ magornatet, eng’ ng’omnatet tugul onetige ak oteechinige eng’ tienwogikab kalosunet ak tienwogik ak tienwogikab tamirmiriet, otienjini Jehovah eng’ mieindo eng’ mugulelwekwok.