1 ATEPTAP PEETUUSYEK 23:5 - BUKUIT NE TILIL

⁵ ak ki elfusiek ang’wan ribikab kurgotik; ak kiilosu Jehovah elfusiek ang’wanu eng’ kibugandinik che kiayae ane, si kilosune Jehovah.

Bukuit Ne Tilil

⁵ Ki eliphuusyek ang'wan riibiigap kurgotik ak ki ilasu Kamuktaindet ne Toroor eliphuusyek ang'wanu eng' kibugandinik che ki ayae anee, si kilasune Kamuktaindet ne Toroor.

BUKUIT NE TILIIL Sireet ne Dutero Kanon

⁵ Ki eliphuusyek ang'wan riibiigap kurgotik ak ki ilasu Kamuktaindet ne Toroor eliphuusyek ang'wanu eng' kibugandinik che ki ayae anee, si kilasune Kamuktaindet ne Toroor.

1 ATEPTAP PEETUUSYEK 23:5 ပူးပေါင်းရင်းမြစ်များ

1 LAITORINIK 10:12

Ak kiyae laitoriat ketichato bo almug, tolochikab gotab Jehovah, ak gotab laitoriat, kiyae kogeny ketichato ketubosiek ak kibugandinik che bo bik che tieni: mata keib ketikab almug che u choto kogeny, amata kegeer agoi rani.

2 LAITORINIK 7:10

Kobwa anyun ak koguur ribindetab nganaset: ak komwachi ichek kolenji, Kagibe nganasetab Suriek, ogeero, kama komi chi yoto, anan ko twegunetab chito, ago ka ratotin mbartanyisiek, ak ko ratotin sigirok, ak ko u emaisiek kit ne ko u.

1 ATEPTAP PEETUUSYEK 16:38

Ak Obed-edom, koboto tupchosiekwak, bik tamanwogik lo ak sisiit; ak kobagach agine Obed-edom weritab Jedutun ak Hosa koek ribikab kurget:

1 ATEPTAP PEETUUSYEK 16:4

Ak kilewen alak eng’ Lawik kobois eng’ taitab moingetab Jehovah, ak koyai kabwatet, ak komwachin kongoi Jehovah Kamuktaindetab Israel, ak kolosu inendet:

1 ATEPTAP PEETUUSYEK 23:30

ak kotonondos karonet age tugul koweekyin Jehovah kongoi ak kolosu inendet, ak ko u noto agine koskoleny;

1 ATEPTAP PEETUUSYEK 9:33

Ak chu ko tienik, kandoikab gorikab kwanisiek che bo Lawik, che kimenyei gorik, ak ki itiagotin eng’ boisionik alak: amu kimi boisienywa bet ak kemoi.

2 ATEPTAP PEETUUSYEK 20:28

Ak kibwa Jerusalem kobutonu kibugandinik ak ketubosiek, ak koguutonu iriagok kot koit gotab Jehovah.

2 ATEPTAP PEETUUSYEK 34:13

Ak kibou kogeny bik che kilaei milosiek, ak kiichirjiri tugul che kiyaei boisiet age tugul: ak kimi Lawik che ki sirik ak kiptainik ak ribikab kurgotik.

2 ATEPTAP PEETUUSYEK 35:15

Ak kimi komostanywa tienik werikab Asap, ko u ng’atutietab Daudi, ak Asap, Heman, ak Jedutun keerindetab laitoriat; ak kimi ribik ormarichet age tugul; kima ko nyoljin kobagakta boisienywa, amu kichopjin Lawik tupchosiekwak tugul.

2 ATEPTAP PEETUUSYEK 8:14

King’at ripsosiekab tisiik eng’ otisienywa, ko u ng’atutietab Daudi kwandanyi, ak king’at Lawik, koyai boisionikwak, si kolosu ak koboisiei eng’ taitab tisiik, ko u ye yamei boisietab betut age tugul: ak king’at ribikab kurget agichek koyai ripsosiekwak eng’ kurget age tugul: amu kiga ng’at Daudi chitab Kamuktaindet ko u noto.

EZRAH 7:7

Ak kitogosta alak che bo lagokab Israel, ak che bo tisiik, ak Lawik, ak tienik, koboto ribikab kurgotik, ak Netinik, kobwa Jerusalem, eng’ kenyit ne bo tisab ne bo laitoriat Artaserses.

NEEMIA 7:73

Komeny anyun nganasokwak tisiik, Lawik, ak ribikab kurgotik, ak tienik, ak bik alak, ak Netinik, ak Israel tugul. Ak kingoit arawet ne bo tisab, ko kimi lagokab Israel nganasokwak.

TIENWOGIKAL 87:7

Mwaei ichek che tieni ak icheget che urerendos kole, Mitei oldang’ung’ kong’ikyuk tugul che bo beek.

ISAIAH 64:10

Kigoek kong’atet nganasoguk che tililen, koek Sion ong’atet, koek Jerusalem karatia.

AMOS 6:5

ichek che tieni tienwogik che bo buch eng’ cheetab kibugandet; che chopchingei tuguk che bo tienwogik, ko u Daudi;