1 ATEPTAP PEETUUSYEK 22:13 - BUKUIT NE TILIL

¹³ Ibor anyun, ngot irib iyai ng’atutik ak kiruogutik che kiiyomis Jehovah Musa agobo Israel: kimitu, nyiganitu; ameiywei, anan itoptoben.

Bukuit Ne Tilil

¹³ Ibore anyun, ngot iriip ak iyai kosupkei ak ng'atuutik ak kirwoogutik che ki iyomis `Kamuktaindet ne Toroor Musa agobo Israel. Kimitu ak nyiganitu. Meiywei anan itoptoben.

BUKUIT NE TILIIL Sireet ne Dutero Kanon

¹³ Ibore anyun, ngot iriip ak iyai kosupkei ak ng'atuutik ak kirwoogutik che ki iyomis `Kamuktaindet ne Toroor Musa agobo Israel. Kimitu ak nyiganitu. Meiywei anan itoptoben.

1 ATEPTAP PEETUUSYEK 22:13 ပူးပေါင်းရင်းမြစ်များ

1 LAITORINIK 2:2

Kawe oret ne bendi bik tugul che bo ng’ony: kimitu anyun, ak iegu muren.

1 LAITORINIK 2:3

Ak irib kayomisetab Jehovah Kamuktaindeng’ung’, iwendote ortinwekyik, irib konetisiosiekyik, ak ng’atutikyik, ak kiruogutikyik, ak baornatosiekyik, ko u choto kigisir eng’ Ng’atutietab Musa, si kiberurin eng’ tugul che iyae, eng’ oldo tugul ole iwendi,

1 ATEPTAP PEETUUSYEK 28:10

Ripge anyun; amu kigolewenin Jehovah iteech got ne bo ole tilil: kimitu anyun, ak iyai.

1 ATEPTAP PEETUUSYEK 28:20

Ak kilenji Daudi Solomon werinnyi, Kimitu nyiganitu, ak iyai: ameiywei, anan itoptoben: amu mi koboten Jehovah Kamuktaindet, inendet Kamuktaindennyu: mabagaktoin, anan kometen agoi kogesgei boisiet tugul ne bo otisietab gotab Jehovah.

1 ATEPTAP PEETUUSYEK 28:7

Ak agimit bounatennyi koigeny, ngot koyai kotugul ng’atutikyuk ak kiruogutikyuk, ko u rani.

2 ATEPTAP PEETUUSYEK 14:6

Ak kiteech nganasok che ng’ototin eng’ Juda: amu kimi kalyet emet, ak kima kotinyei luget eng’ kenyisiechoto; amu kiga kogochi Jehovah inendet kamuung’et.

2 ATEPTAP PEETUUSYEK 20:20

Ak king’eetyo karon mising’, komusta ong’atetab Tekoa; ak ye kingota kobendi, kotonon Jeosapat ak kole, Ogasa, ee Juda, ak che omenye Jerusalem; oyan Jehovah Kamuktaindeng’wong’, si kobiit ogimegitu; oyan maotikyik, si obor.

2 ATEPTAP PEETUUSYEK 26:5

Ak kiigiil muguleldanyi kocheng’ Kamuktaindet eng’ betusiekab Sekaria, ne kitinyei kaguiyet agobo ng’ang’utietab Kamuktaindet: ak eng’ betusiek tugul che kicheng’ Jehovah, ko kiiberur Kamuktaindet inendet.

2 ATEPTAP PEETUUSYEK 32:7

Ogimegitu, ak onyiganitu, amoiyweisie anan otoptobense amu laitoriatab Asuria, anan agobo tuiyet tugul ne mi koboto inendet: amu mi ne o kobotech kosiir ne mi ak inendet.

TIENWOGIKAL 1:3

Ak kogergeit ak ketit ne kigiminji ole negite ainosiek, Ne yiei logoekyik eng’ betusiekyik, Ama restos sogekyik; ak koberurok kiy age tugul ne yaei.

TIENWOGIKAL 119:6

Si malilan, Ye aribe komie ng’atutiguk tugul.

TIENWOGIKAL 72:1

Ee Kamuktaindet, igochi laitoriat kiruogutiguk, Ak igochi imandang’ung’ weritab laitoriat.

HAGGAI 2:4

Nyiganitu, ee Serubabel, mwaei Jehovah; ak inyiganitu, ee Josua weritab Jeosadak, tisiindet ne o; onyiganitu okwek bik tugul che bo emet, mwaei Jehovah, ak oboisie: amu ami kobotok, mwaei Jehovah ne bo lugosiek,

SEKARIA 8:9

Mwaei Jehovah ne bo lugosiek ko u ni kole: Ingogimegitu eunekwok, okwek che ogase ng’alechu eng’ betusiechu eng’ maotik, che kimi eng’ betut ne kigiluumei lumeiywotab gotab Jehovah ne bo lugosiek, noto ko hekalut, si keteech.

MATAYO 3:15

Ago kiwolji Jesu kolenji, Cham nguno: amu kanyoljech kigesu imanda tugul ko u noto. Kocham anyun.

POISYONIGAP CHE KIYOKTOI 13:22

Ak kingo kagoisto inendet, kong’eetyi Daudi koek laitoriandenywa; ne kibaorianji agine kole, Kaanyoru Daudi weritab Jesii, chito ne iboiboi muguleldanyu, ne tun yaei magutikyuk tugul.

1 KORINTOEK 16:13

Oripse, olumdege mising’ eng’ kayanet, otebi ko u murenik, ogimegitu.

GALATYEK 6:2

Otoretge eng’ nyalilwogik, oyae kosulda ng’atutikab Kristo.

EPESOEK 6:10

Ne bo let anyun, oegu che kimen eng’ Kiptaiyat, ak eng’ kimnatetab kamugennyi.

2 TIMOTEO 2:1

Kimitu anyun, lakwennyu, eng’ mieindo ne mitei eng’ Kristo Jesu.

JAKOBO 2:8

Ago ngot osulde Ng’atutietab kaplaitoriat, ko u ye mwaei sirutik kole, Cham chitab kokweng’ung’ ko u ye ichamdoige, oyae ne mie;

JOSHUA 1:18

Chi age tugul ne kabistoe ng’atutieng’ung’, ama epchi it ng’aleguk eng’ tugul che ing’ate inendet, kebarei: ago kimitu inye, ak inyiganitu mising’.