1 ATEPTAP PEETUUSYEK 21:26 - BUKUIT NE TILIL

²⁶ Ak kiteekyi Daudi Jehovah kaptisisiet eng’ yoto, ak kiigoito kagochinoik che kibeelei ak kagochinoikab kalyet, ak kisa Jehovah; ak kiwolji inendet eng’ kipsengwet eng’ mat ne kichorjigei kaptisisiet ne bo kagochinet ne kibeelei.

Bukuit Ne Tilil

²⁶ Kiteekyi Daudi Kamuktaindet ne Toroor kaptisisyet eng' yooto, ak ki igoito kagoochinoik che kibeelei ak kagoochinoigap kaalyeet. Ki sa Kamuktaindet ne Toroor, ak ki wolji ineendet eng' kipsengwet eng' maat ne kichoorchigei kaptisisyet ne po kagoochinet ne kibeelei.

BUKUIT NE TILIIL Sireet ne Dutero Kanon

²⁶ Kiteekyi Daudi Kamuktaindet ne Toroor kaptisisyet eng' yooto, ak ki igoito kagoochinoik che kibeelei ak kagoochinoigap kaalyeet. Ki sa Kamuktaindet ne Toroor, ak ki wolji ineendet eng' kipsengwet eng' maat ne kichoorchigei kaptisisyet ne po kagoochinet ne kibeelei.

1 ATEPTAP PEETUUSYEK 21:26 ပူးပေါင်းရင်းမြစ်များ

1 LAITORINIK 18:24

Ak oguur kainetab kanamweng’wong’, si aguur kainetab Jehovah: ak Kamuktaindet ne wolu eng’ mat, koek noto Kamuktaindet. Ak kiwol bik tugul kole, Kemwa ne mie.

1 LAITORINIK 18:38

Kochorgei anyun matab Jehovah; ak kobeel kagochinet ne kibeelei, koges, ak kwenik, ak koik, ak ng’ung’unyek, ak kobeel beek che kimi keringet kobek.

1 ATEPTAP PEETUUSYEK 21:27

Ak king’at Jehovah malaikaiyat; ak kiger rotwennyi eng’ choget.

2 ATEPTAP PEETUUSYEK 3:1

Kitoi anyun Solomon koteech gotab Jehovah eng’ Jerusalem eng’ tulwetab Moria, ole kimong’jine Jehovah kwandanyi Daudi, ne kichob inendet eng’ ole king’at Daudi, eng’ ruanyut ne kiborse ne bo Ornan Jebusindet.

2 ATEPTAP PEETUUSYEK 7:1

Ak kingoges Solomon saet, kochorgei mat eng’ kipsengwet, ak kobeel kagochinet ne kibeelei ak korosek; ak kinyi got lilindab Jehovah.

TIENWOGIKAL 51:15

Yat kutinnyu, ee Kiptaiyat; Ak komwaita kutinnyu kalosuneng’ung’.

TIENWOGIKAL 91:15

Kuura, ak aitenji; Kitebye tuwai eng’ nyalilda: Asoru inendet, ak agonyit.

TIENWOGIKAL 99:9

Otoror Jehovah Kamuktaindennyo, Ak ogutung’ji eng’ tulwennyi ne tilil; Amu tilil Jehovah Kamuktaindennyo.

KALEWANAIK 15:8

Wechei Jehovah tiseiywotab kiptengeginik: Ago boiboiyennyi saetab che bo iman.

ISAIAH 65:24

Ak ye tom koguurso, awolu; ak ye ta kong’alali, agas.

JEREMIA 33:3

Kuura, si awolun, ak aborun tuguk che eechen, ak ko uuen, che mengen.

ATEPTAP LAWIK 9:24

Ak kimong’ mat kobunu taitab Jehovah, ak kobeel kagochinet ne kibeelei ak mwanik eng’ kaptisisiet: ak ye kingogeer bik tugul, kowaach, ak kobutyo kot kotiiny togochikwak ng’ony.

KAITOSYEK 16:50

Ak kiweek Aron kwo ole mi Musa agoi kurgetab emait ne kituiyechin: ak kisis koroito.

KIRUOGIK 13:20

Amu ye kitogosta liblibenetab mat kotokyigei kipsengwet kobunei kaptisisiet, kotogostae malaikaiyatab Jehovah liblibenonato bo mat ne bo kaptisisiet: ak kigeerot Manoa koboto osotiondennyi; ak kiing’urukso ichek kot kotiiny ng’ony togochikwak.

KIRUOGIK 6:21

Ak kiiyogoito malaikaiyatab Jehovah walitab kirokto ne kitinyei eng’ eunnyi, ak kotwae banyechato ak makatinichato ma kinde mermerek; ak kitogosta mat eng’ koyata, kobeel banyek ak makatinichato ma kinde mermerek; yeityo kobetito kwo malaikaiyatab Jehovah eng’ tainnyi ne mata kogeer.