1 ATEPTAP PEETUUSYEK 21:13 - BUKUIT NE TILIL

¹³ Ak kilenji Daudi Gad, Ami eng’ bichiindo ne o: ngabutyi eutab Jehovah; amu eechen mising’ rirenosiekyik: ameng’ abutyi eutab chi.

Bukuit Ne Tilil

¹³ Ki leenji Daudi Gad, “Ami eng' pichiindo ne oo. Ngabutyi eutap Kamuktaindet ne Toroor; amu eecheen miising' rireenosyekyik; ameng' abutyi eutap chii.”

BUKUIT NE TILIIL Sireet ne Dutero Kanon

¹³ Ki leenji Daudi Gad, “Ami eng' pichiindo ne oo. Ngabutyi eutap Kamuktaindet ne Toroor; amu eecheen miising' rireenosyekyik; ameng' abutyi eutap chii.”

1 ATEPTAP PEETUUSYEK 21:13 ပူးပေါင်းရင်းမြစ်များ

2 LAITORINIK 6:15

Ak kingong’eet otwogindetab chitab Kamuktaindet karon inne, komanda, ogeero, kimi luget ne boto mbartanyisiek ak karisiek ne kiga yiem nganaset. Ak kilenji otwogindennyi inendet, Bwa kiptaiyandennyu! Kiyae nee?

2 LAITORINIK 7:4

Ngot kemwa kele, kibendi nganaset, komi rubet nganaset, ak kibegu eng’ yoto: ak ngot ketebi eng’ yu kesisye, kebegu kora. Ara anyun obwa kebe kebekyi lugetab Suriek: ngot kobagaktech, kesoptosi; ak ngot kobarech, kebegu.

2 ATEPTAP PEETUUSYEK 28:9

Ago kimi maotiotab Jehovah oloto, ne kigiguure Oded: ak kiwa kotorokta luget ne kinyonei Samaria, ak kolenji ichek, Ogeero, amu kinerekyi Jehovah Kamuktaindetab kwanisiekwok Juda, ko no koinde ichek eunekwok, ak kaobar ichek eng’ neregek che ng’wonen che kagoit kipsengwet.

ESTA 4:11

Ingen otwogik tugul che bo laitoriat, ak bik che bo emotinwekab laitoriat, kole, age tugul, ngo muren anan kwony, ne nyonei ole mi laitoriat eng’ seremut ne mi orit, ne ma kiguur, komi ng’atutiet agenge agobo inendet, kele kibarei, kobate icheget che iyogochin laitoriat siaritab tahabu, si kosob: ago tomo keguura anyo ole mi laitoriat eng’ betusiechu sosom.

ESTA 4:16

Ui iyum Yahudik tugul che mitei Susan, ak orugutge agobo ane, amat oam kiy anan oeeise eng’ betusiek somok, kemoi anan bet: arugutige agane ko u noto koboto tibikyuk: ak awe anyun ole mi laitoriat, ama ko u ng’atutiet: ak ngalus, alus.

TIENWOGIKAL 103:8

Nyiitat Jehovah rirenet ak ko bo mieindo, Ama sib konerechi, ak tinyei chang’indab rirenet.

TIENWOGIKAL 106:7

Ma iguiyo kwanisiekyok kwong’utiguk eng’ Misri; Ma ibwat chang’indab rirenosieguk; Ago kiingelelso eng’ ye negit nyanjet, noto Nyanjet ne Birir.

TIENWOGIKAL 119:156

Eechen rirenosieguk che bo chamnyet, ee Jehovah: Isooba ko u kiruogutiguk.

TIENWOGIKAL 130:4

Ago mitei nyoetab kaat eng’ inye, Si kobiit kiywein.

TIENWOGIKAL 130:7

Ee Israel, imang’u Jehovah; Amu mi rirenet eng’ Jehovah, Ak mi katiaget ne siirei eng’ inendet.

TIENWOGIKAL 5:7

Ago ane, anyone gong’ung’ eng’ chang’indab rireng’ung’ bo ge: Eng’ kaiyweisieng’ung’ agutunyi atokyinige hekalung’ung’ ne tilil.

TIENWOGIKAL 69:13

Ago ane, asain, ee Jehovah, eng’ betut ne chamaksei: Ee Kamuktaindet, eng’ chang’indab rireneng’ung’, Wolwa eng’ imandab yetuneng’ung’.

TIENWOGIKAL 69:16

Wolwa Jehovah, amu mie chamnyeng’ung’ ne tala: Iweekyage ko u chang’indab rirenosieguk.

TIENWOGIKAL 86:15

Ago inye, ee Kiptaiyat, ko i Kamuktaindet ne nyiitat rirenet ak ko bo mieindo, Ne masib konerechi, ne tinyei chang’indab rirenetab ge ak imanit.

TIENWOGIKAL 86:5

Amu i mie inye Kiptaiyat, ak i chobot inyochi kaat, Ak itinye chang’indab rirenetab ge eng’ ichek che kuurin.

KALEWANAIK 12:10

Ribei chito ne bo iman sobetab tennyi: Ago kolgolen rirenosiekab bik che yaach.

ISAIAH 46:7

Ibe tigikyiet, laei, ak koteepto eng’ oldanyi, ak kotonon; ma keisto eng’ komostanyi: ee, rirjin age kioto, ama imuch kowol, anan kosor inendet eng’ nyalildanyi.

ISAIAH 47:6

Kianerekyi bikyuk, kiamuruon bortannyu, ak kiande ichek eung’ung’: ma irire agot kitigin; kiigesenji che kigoosegitu choging’ung’ ne nyigis mising’.

ISAIAH 55:7

ingometo kiptengekyot orennyi, ak ingometo inendet ne ma bo iman, kabwatutikyik: ak ingoweekyigei Jehovah, si korire; ak ingoweekyigei Kamuktaindennyo, amu nyochin kaat iman.

ISAIAH 63:15

Keer anyun ng’ony eng’ kipsengwet, ak igeer eng’ meng’otetab tililindang’ung’ ak ko bo torornateng’ung’. Mi ano kagiileng’ung’ bo ge ak boisioniguk che bo kamuktaet? Kaietena rirenetab muguleldang’ung’ ak rirenosieguk.

ISAIAH 63:7

Amwaitoi chamnyet ne tala ne bo Jehovah, ak kalosunoikab Jehovah, ko u tugul che kigogonech Jehovah; ak mieindo ne o eng’ gotab Israel, ne kigogochi ichek ko u rirenosiekyik, ak ko u chang’indab chamnyennyi ne tala.

RIREKAB JEREMIA 3:32

Amun agot nga kon arogenet, kota korire ko u chang’indab rirenosiekyik.

JONAH 3:9

Ng’o ne ingen ngo tos ma week Kamuktaindet ak kowal kabwatutikyik, ak kometo neregekyik che koromen, si ma kibegu?

JONAH 4:2

Ak kisa Jehovah kole, Asain, ee Jehovah, tos ma ng’olyondonito ne kigamwa ye kingota ami emennyu? Kiamwei anyun achakte awe Tarsis: amu kiangen ale i Kamuktaindet ne bo mieindo, ak ne nyiitat rirenet, ne ma sib konerechi, ak kotinyei chang’indab rirenet, ak iwale kabwatutiguk agobo yaitiet.

MIKAH 7:18

Ng’o Kamuktaindet ne u inye, ne nyochin kaat bik amu tengekto, ak kosiirtoe bistoetab bik che king’et che bo borotennyi? Magonori neregekyik agoi, amu baibaitune rirenet.

HABAKUK 3:2

Ee Jehovah, kiagas ng’aleguk, aiyweisiei: Ee Jehovah, ing’eet boisieng’ung’ eng’ kwenutab kenyisiek; Yai kotook eng’ kwenutab kenyisiek; Ibwat rirenet nginerechi.

JOHANA 12:27

Nyalili nguno sobondanyu; amwae nee anyun? Baba we, sorua eng’ saini? Ago kianyonji saini amu ng’olyondito.

PILIPIK 1:23

Amu kagigikya kwenutab tuguk aeng’, atinye maget awa ketebi ak Kristo; amu mie noto mising’ kosiir:

HEBRANIK 10:31

Kit ne bichii kot kibutyi eunekab Jehovah ne sobei.