1 ATEPTAP PEETUUSYEK 21:12 - BUKUIT NE TILIL

¹² kenyisiek somok che bo rubet; anan kobaratin buniguk arawek somok, koonotin rotwetab buniguk; anan ko betusiek somok che bo rotwetab Jehovah, noto ko koroitab ng’ony ne nyonei emet, ak kobarisiot malaikaiyatab Jehovah eng’ kiwotosiek tugul che bo Israel. Ibwat anyun nguno kit ne awoljini inendet ne koiyokwa.

Bukuit Ne Tilil

¹² kenyiisyek somok che po rubeet, kobarin puuniguk arawek somok, ye imwee koonotin puuniguk eng' rotweet, anan ko peetuusyek somok che po rotwetap Kamuktaindet ne Toroor, nooto ko koroitap ng'wony ne nyoonei emet, kobarisyoti malaikaiyatap Kamuktaindet ne Toroor eng' kiwotosyek tugul che po Israel.’ Ibwaat anyun nguno kiit ne awoljini ineendet ne koiyookwo.”

BUKUIT NE TILIIL Sireet ne Dutero Kanon

¹² kenyiisyek somok che po rubeet, kobarin puuniguk arawek somok, ye imwee koonotin puuniguk eng' rotweet, anan ko peetuusyek somok che po rotwetap Kamuktaindet ne Toroor, nooto ko koroitap ng'wony ne nyoonei emet, kobarisyoti malaikaiyatap Kamuktaindet ne Toroor eng' kiwotosyek tugul che po Israel.’ Ibwaat anyun nguno kiit ne awoljini ineendet ne koiyookwo.”

1 ATEPTAP PEETUUSYEK 21:12 ပူးပေါင်းရင်းမြစ်များ

2 SAMUEL 21:1

Ak kibiit rubet eng’ betusiekab Daudi, eng’ kenyisiek somok che kiisubegei, ak kicheng’ Daudi togetab Jehovah. Ak kile Jehovah, Bo Saul, ak gonnyi ne bo korotik, amu kibar Gibeonik.

1 LAITORINIK 17:1

Ak kilenji Elija Tisbindet ne ki bo bik che kimenyei Gilead, Ahab, Ko u ye sobei Jehovah, Kamuktaindetab Israel, ne atonone tainnyi, ko mabiitu rewot anan ko ropta kenyisiechu, kobate ko u ng’olyondennyu.

2 LAITORINIK 19:35

Ak kimanda malaikaiyatab Jehovah kemounoto, ak kobar bik elfusiek bogol ak tamanwogik sisiit ak mut eng’ nganasetab Asuriek: ak kingong’eetyo bik karon, ogeero, ki muswek tugul, che kogobek.

2 LAITORINIK 8:1

Kiga ng’alalji Elisha kwonyi kiga ing’eetyi werinnyi, kolenji, Ng’eet ak obe ak bikab gong’ung’, ak obe omeny oldo tugul ole ochame: amu kagoguur Jehovah rubet: ak nyonei rubet emet kenyisiek tisab.

1 ATEPTAP PEETUUSYEK 21:11

Konyo anyun Gad ole mi Daudi, ak kolenji inendet, Kamwa Jehovah ko u ni kole, Lewen ne imache;

TIENWOGIKAL 91:6

Anan koroito ne wendoti eng’ mesundeito, Anan ng’emisiet ne barisiei bet.

KOMONG'U 12:23

Amu nyo kosiirtoi Jehovah kowendi kobarei Misrik; ak ye keer korotik eng’ rateiywotab tugatuk ak eng’ tugatugik tuwai, kosiirto Jehovah eng’ kurganato, ak ma chamjin ng’emindet komong’ gorikwok nyo kobarak.

ISAIAH 66:16

Amu iruoksechin Jehovah bik tugul eng’ mat ak eng’ rotwennyi bo chok: ak kochang’a che barei Jehovah.

JEREMIA 12:12

Katogosta bik che luulsei koba tulonok tugul che churiotin eng’ ong’atet: amu barisiei rotwetab chok ne bo Jehovah koboch tabanda age ne bo emet, agoi tabanda age: mami chi ne tinyei kalyet.

JEREMIA 42:16

konamak anyun eng’ oloto, eng’ emetab Misri, rotwetab chok ne oiywei, ak kosubok rubet ne oiywei koriichak eng’ oloto eng’ Misri; ak obekyi oloto.

JEREMIA 47:6

Ee, inye rotwetab chok ne bo Jehovah, tianitu si tun isis? Weekyige chogeng’ung’; imuuny, ak isis.

RIREKAB JEREMIA 4:9

Kaigai che barei rotwetab chok kosiir icheget che barei rubet; Amu restos choto, kogoterterogis, amu manyor tugukab mbar.

ATEPTAP LAWIK 26:10

Ak oam tuguk che konorotin che bo keny, ak omoong’u che bo keny si kobiit ole ondoi che ogese.

ATEPTAP LAWIK 26:17

Ak aboruok neregekyuk, ak kebarak eng’ taitab bunikwok; ak koboiywok che wechok; ak omwei ko maonok chi.

LUKA 4:25

Ago amwawok iman ale, Kimi mosogik che chang’ Israel eng’ betusiek che bo Elija, yu kiga kiger kipsengwet kenyisiek somok ak arawek lo, yu kiga nyo rubet ne o emet tugul;

POISYONIGAP CHE KIYOKTOI 12:23

Eng’ sainato anyun kobir inendet malaikaiyatab Kiptaiyat, amu ma konyit Jehovah: ak kiam inendet kutik, ak kime.

NG'ATUTIK 28:15

Ago ngo meepchi it kutitab Jehovah Kamuktaindeng’ung’, irib iyai ng’atutikyik tugul ak konetisiosiekyik che ang’atin rani; kobwanjin koityin anyun chubisiosiechu tugul.

NG'ATUTIK 28:22

Birin Jehovah eng’ chebuonit, ak mat ne mi borto, ak kabwanet, ak mat ne ng’wan, ak rotwetab chok, ak chelalitiet, ak uchatet: onotin choto agoi ilus.

NG'ATUTIK 28:25

Igoitoin Jehovah koterterin buniguk: ibokyini eng’ oret agenge, ak imwee eng’ tainywa eng’ ortinwek tisab: ak koonatin bororiosiek tugul che bo ng’ony.

NG'ATUTIK 28:27

Birenen Jehovah ondirik che bo Misri, ak kabwondo, ak kochek, ak simbiriek, che magimuchi kisoobun.

NG'ATUTIK 28:35

Birei Jehovah kutung’oiguk, ak kelyeguk, eng’ ondirik che ng’wonen, che magimuchi kisoobun, koboch keldebesiet agoi metit barak.