1 ATEPTAP PEETUUSYEK 20:1 - BUKUIT NE TILIL

¹ Ak kingogesgei kenyit, eng’ betusiek che kicham kobendi laitorinik luget, komut Joab nyigonikab luget, ak kong’em emetab lagokab Amon, ak kobwa koyiem Raba. Ago kitebi Daudi eng’ Jerusalem. Ak kibar Joab Raba, kowong’.

Bukuit Ne Tilil

¹ Ak ye ki neegit kogeskei kenyiit, eng' peetuusyek che ki cham kobendi laitorinik lugeet, komut Joab nyigoonigap lugeet. King'em emetap lagogap Ammon ak kobwa koyiem Rabbah. Ago ki tebi Daudi eng' Jerusalem. Ak ki par Joab Rabbah, kowong'.

BUKUIT NE TILIIL Sireet ne Dutero Kanon

¹ Ak ye ki neegit kogeskei kenyiit, eng' peetuusyek che ki cham kobendi laitorinik lugeet, komut Joab nyigoonigap lugeet. King'em emetap lagogap Ammon ak kobwa koyiem Rabbah. Ago ki tebi Daudi eng' Jerusalem. Ak ki par Joab Rabbah, kowong'.

1 ATEPTAP PEETUUSYEK 20:1 ပူးပေါင်းရင်းမြစ်များ

2 SAMUEL 11:1

Ak kingogesgei kenyit, eng’ betusiek che kicham kobendi laitorinik luget, koyokto Daudi Joab koboto otwogikyik, ak Israel tugul; ak kobar lagokab Amon, ak kiyiem Raba. Ago kitebi Daudi eng’ Jerusalem.

2 SAMUEL 17:27

Ak kingoit Daudi Maanaim, koib Sobi weritab Nahas ne bo Raba ne bo lagokab Amon, ak Makir weritab Amiel ne bo Lo-debar, ak Barsilai Gileadindet ne bo Rogelim,

1 LAITORINIK 20:22

Ak kinyo maotiot korik ole mi laitoriatab Israel, ak kolenji inendet, Ui igimitge, ak ibwat ak igeer kit ne iyae: amu nyonei laitoriatab Suria kotogosu obargei, ko kabek kenyini.

1 LAITORINIK 20:26

Ak kingogesgei kenyit, koyum Ben-hadad Suriek, ak kotogosta kwo Apek, kobargei ak Israel.

2 LAITORINIK 13:20

Ak kime Elisha, ak kigitub inendet. Ak kiibok lugosiekab Moabik kobwa emet eng’ taunetab kenyit.

1 ATEPTAP PEETUUSYEK 19:19

Ak kingogeer otwogikab Hadareser kole kagiterter ichek eng’ taitab Israel, koyai kalyet ak Daudi, ak koot inendet; mata kocham Suriek kotoret lagokab Amon kogeny agoi.

ISAIAH 54:16

Keero, kiayai kitang’indet ne kuutei matab nesek, si kobiit karnet ne bo boisiennyi, ak kiayai ng’emindet si kong’emis.

ISAIAH 6:11

Kiateebe anyun, ale, Ee Kiptaiyat, tianitu? Ak kiwol kole, Agoi tun koguber nganasok, ak koguber gorik, ak koek emet kipkubere mising’.

EZEKIEL 21:20

Lewen oret si kobiit koit rotwetab chok Raba ne bo lagokab Amon, ak koit Juda eng’ Jerusalem ne ng’otat.

EZEKIEL 25:5

Ak ayai Raba koek ole menyei tambesik, ak ayai oldab lagokab Amon koek ole kiyage akwotisiekab kechirek: si onai ole a Jehovah.

AMOS 1:14

ago anaami mat eng’ irimetab Raba, ak kobeel gorikyik che bo laitoriat, koboto waagat eng’ betutab boriet, koboto usonet ne o eng’ betutab kipchurjuriet:

NG'ATUTIK 3:11

(Amu king’et Og inegei, laitoriatab Basan, ne bo che king’et eng’ Repaik; ogeero, ki bo karnet itogunnyi; tos ma mi itogunoto Raba ne bo lagokab Amon? Ki kakwautik sogol che bo eut koindanyi, ak ki kakwautik ang’wan che bo eut tebeesindanyi, ko u kakwautietab chito.)