1 ATEPTAP PEETUUSYEK 19:13 - BUKUIT NE TILIL

¹³ Nyiganitu, ngeegu murenik agobo bikyok, ak nganasokab Kamuktaindennyo: ak ingoyai Jehovah ko u ye keerei kole mie.

Bukuit Ne Tilil

¹³ Nyiganitu, ngeegu murenik agobo piikyok, ak nganasoogap Kamuktaindennyo. Ingoyai Kamuktaindet ne Toroor ko uu ye keerei kole myee.”

BUKUIT NE TILIIL Sireet ne Dutero Kanon

¹³ Nyiganitu, ngeegu murenik agobo piikyok, ak nganasoogap Kamuktaindennyo. Ingoyai Kamuktaindet ne Toroor ko uu ye keerei kole myee.”

1 ATEPTAP PEETUUSYEK 19:13 ပူးပေါင်းရင်းမြစ်များ

2 SAMUEL 10:12

Nyiganitu, ingeegu murenik agobo bikyok, ak nganasokab Kamuktaindennyo: ak ingoyai Jehovah ko u ye keerei kole mie.

2 SAMUEL 15:26

Ago ngot komwa ko u ni kole, Mabaibai eng’ inye; keero, ami yu, ingoyaiywa ko u ye keerei kole mie.

1 ATEPTAP PEETUUSYEK 19:12

Ak kile, Ngot kogimegitu Suriek kotertera, itoreta: ago ngot kogimegitu lagokab Amon koterterin, atoretin.

1 ATEPTAP PEETUUSYEK 19:14

Kirikta anyun Joab ak murenik che kimi ak inendet koba luget kobargei ak Suriek; ak kimwee inendet.

EZRAH 10:4

Ng’eet anyun; amu neng’ung’ ng’olyondonito, ak kimi koboten: nyiganitu, ak iyai.

NEEMIA 4:14

Ak kiageer, ak ang’eet, ak alenji bik che toogunotin, ak bounik, ak bik tugul, Amoiywei ichek: obwat Jehovah, ne o ak ko bo kamuiset, ak oyai luget agobo tupchosiekwok, ak werikwok, ak tibikwok, osotikwok ak gorikwok.

Kitabuutap JOB 1:22

Ma yai Job tengek eng’ chuto tugul, anan koiityi Kamuktaindet berberiet.

TIENWOGIKAL 27:14

Ingen Jehovah: Kimitu, ingonyiganit muguleldang’ung’; Ee, ingen Jehovah.

1 KORINTOEK 16:13

Oripse, olumdege mising’ eng’ kayanet, otebi ko u murenik, ogimegitu.

JOSHUA 1:7

Ago kimitu ak inyiganitu mising’, si irib iyai ko u ng’atutik tugul, che king’atin otwogindennyu Musa: amemaste iwe eutab tai anan ko katam, si kobiit kiberurin mising’ eng’ oldo tugul ole iwendi.

JOSHUA 10:25

Ak kilenji Josua ichek, Amoiywei, anan otoptoben; ogimegitu ak onyiganitu: amu yachin ko u noto Jehovah bunikwok tugul che obarege.

KIRUOGIK 10:15

Ak kilenji lagokab Israel Jehovah, Kigeyai tengekto: yaiywech kit age tugul ne igeere ile nyolu; ago kisain kityo kele isoruech betuni.

1 SAMUEL 17:32

Ak kilenji Daudi Saul, Amat kome chi mugulel agobo inendet; wendi otwogindeng’ung’ kobaregei ak Pilistindonito.

1 SAMUEL 3:18

Ak kimwachi Samuel kiy age tugul, ama ung’e kiy inendet. Ak kile Eli, Inendet ko Jehovah: ingoyai ko u ye keerei kole mie.

1 SAMUEL 4:9

Ogimegitu, ak oegu murenik, ee okwek Pilistik, si moegu otwogikab Hebranik ko u ye ki otwogikwok ichek: oegu murenik anyun, ak oyai luget.