1 ATEPTAP PEETUUSYEK 16:36 - BUKUIT NE TILIL

³⁶ Iberurot Jehovah, Kamuktaindetab Israel, Koboch koigeny agoi koigeny. Ak kimwa bik tugul kole, Amen, ak kolos Jehovah.

Bukuit Ne Tilil

³⁶ Iberuurot Kamuktaindet ne Toroor, Kamuktaindetap Israel, kobooch koigeny agoi koigeny! Ki mwa piik tugul kole, “Amen, ilasunoot Kamuktaindet ne Toroor!”

BUKUIT NE TILIIL Sireet ne Dutero Kanon

³⁶ Iberuurot Kamuktaindet ne Toroor, Kamuktaindetap Israel, kobooch koigeny agoi koigeny! Ki mwa piik tugul kole, “Amen, ilasunoot Kamuktaindet ne Toroor!”

1 ATEPTAP PEETUUSYEK 16:36 ပူးပေါင်းရင်းမြစ်များ

1 LAITORINIK 8:15

Ak kile, Iberurot Jehovah, Kamuktaindetab Israel, ne king’alalji eng’ kutinnyi Daudi baba, ak kagosulda eng’ eunekyik kole,

1 LAITORINIK 8:56

Iberurot Jehovah, ne kigogochi kamuung’et bikyik Israel, ko u tuguk tugul che kiga koaror: ma bet ng’olyot agot agenge eng’ arorutiennyi tugul ne mie, ne kiiaror eng’ otwogindennyi Musa.

NEEMIA 8:6

Ak kiilos Esra Jehovah, Kamuktaindet ne o; ak kiwol bik tugul kole, Amen, Amen, konamjin barak eunekwak: ak kiing’urukso, kot kotiing’e togochikwak ng’ony kolos Jehovah.

NEEMIA 9:5

Yeityo komwa Lawik, Jesua, Kadmiel, Bani, Hasabeneia, Serebia, Hodia, Sebania, ak Petaia, kole, Otononie ak olosu Jehovah Kamuktaindeng’wong’ koboch koigeny agoi koigeny. Ingoberurok kaineng’ung’ ne bo torornatet, ne itororot kosiir kaberuret tugul ak kalosunet.

TIENWOGIKAL 106:47

Soruech, ee Jehovah Kamuktaindennyo, Ak iyumech, kemong’une bororiosiek, Si kobiit keweekyi kongoi kaineng’ung’ ne tilil, Ak kilosuge eng’ kalosuneng’ung’.

TIENWOGIKAL 106:48

Iberurot Jehovah Kamuktaindetab Israel, Koboch koigeny agoi koigeny. Ak ingomwa bik tugul kole, Amen. Olosu Jehovah.

JEREMIA 28:6

ak kile maotiot Jeremia, Amen: ingoyai Jehovah ko u noto: ingoyai Jehovah ng’aleguk kosulda che kaimaoten, koib kogeny tuguk kobwa gotab Jehovah, ak komut tugul che kigiluul, kobwa olito, kobunu Babulon.

1 KORINTOEK 14:16

Amu ngo ma u noto, ko ngiberuri eng’ tamirmiriet, komwaitoi ano Amen ye igoitoi kongoi, inendet ne tebe ole mi che ma inetgei amu manaei kit ne kimwae?

EPESOEK 1:3

Iberurot Jehovah Kwandab Kiptaiyandennyo Jesu Kristo, inendet ne kigoberurech eng’ kaberuret age tugul ne bo tamirmiriet eng’ komoswekab kipsengwet eng’ Kristo:

1 PETERO 1:3

Iberurot Jehovah Kwandab Kiptaiyandennyo Jesu Kristo, ne kisichech kogeny eng’ rirenennyi ne o kenyoru kamang’unet ne sobei eng’ ng’eetyetab Jesu Kristo ne kimong’ eng’ che kibek,