1 ATEPTAP PEETUUSYEK 16:34 - BUKUIT NE TILIL

³⁴ Oweekyi Jehovah kongoi; amu mie inendet: Amu tebyei rirenennyi koigeny.

Bukuit Ne Tilil

³⁴ Oweekyi Kamuktaindet ne Toroor kongoi, amu myee ineendet; amu tebyei rireenennyi koigeny.

BUKUIT NE TILIIL Sireet ne Dutero Kanon

³⁴ Oweekyi Kamuktaindet ne Toroor kongoi, amu myee ineendet; amu tebyei rireenennyi koigeny.

1 ATEPTAP PEETUUSYEK 16:34 ပူးပေါင်းရင်းမြစ်များ

1 ATEPTAP PEETUUSYEK 16:33

Si kotienso anyun eng’ boiboiyet ketik che mi osnet eng’ taitab Jehovah, Amu nyonei koruokyin ng’ony.

1 ATEPTAP PEETUUSYEK 16:41

ak kimi koboto ichek Heman ak Jedutun ak che kiga ng’et tugul che kigilewen, che kigimwa eng’ kainaikwak, koweekyi kongoi Jehovah, amu tebyei rirenennyi koigeny;

2 ATEPTAP PEETUUSYEK 20:21

Ak kingo kagong’alal ak bik, kolewen che tienjin Jehovah, ak kolosu kororonindab tililindo, komandoi kondoe luget, kolen, Oweekyi Jehovah kongoi; amu bo koigeny rirenennyi.

2 ATEPTAP PEETUUSYEK 5:13

ak kingoyomogei bik che kuutei iriagok ak tienik koek agenge, si kotien cheet agenge kegas eng’ kalosunet ak komwachin Jehovah kongoi; ak kingotien eng’ kutit ne o eng’ iriagok ak sanisiekab sugunonik, ak kibugandinikab tienwogik, ak kolos Jehovah, kole, Amu mie inendet; bo koigeny rirenennyi: konyi got anyun boldet, ne noto ko gotab Jehovah,

2 ATEPTAP PEETUUSYEK 7:3

Ak kigeerei lagok tugul che bo Israel ye kichorugei mat, ak kitebe lilindab Jehovah baragutab got; ak kiing’urugis kot koit ng’ony togochikwak, eng’ ye kigitetyi koik, ak kolos, ak komwachi kongoi Jehovah, kole, Amu mie inendet; amu bo koigeny rirenennyi.

EZRAH 3:11

Ak kiwoljingei kotieni kolosu ak komwachin kongoi Jehovah, kolen, Amu mie inendet, amu bo koigeny rirenennyi eng’ Israel. Ak kiwaach bik tugul eng’ waagat ne o ye kiilosu Jehovah, amu kiga kelumda lumeiywotab gotab Jehovah.

TIENWOGIKAL 100:5

Amu mie Jehovah; tebyei rirenennyi koigeny; Ak imandanyi eng’ ibinwek tugul.

TIENWOGIKAL 105:1

Oweekyi kongoi Jehovah, oguur kainennyi; Ongonaak boisionikyik eng’ bik.

TIENWOGIKAL 106:1

Olosu Jehovah, Ee, oweekyi Jehovah kongoi; amu mie inendet: Amu tebyei rirenennyi koigeny.

TIENWOGIKAL 107:1

Oweekyi Jehovah kongoi; amu mie inendet: Amu tebyei rirenennyi koigeny.

TIENWOGIKAL 118:1

Omwachi Jehovah kongoi; amu mie inendet: Amu tebyei rirenennyi koigeny.

JEREMIA 33:11

kigasei tugetab boiboiyet ak ne bo kagasetab ge, ne bo sandet ak ne bo mureret, tugetab ichek che mwaei kole, Oweekyi kongoi Jehovah ne bo lugosiek, amu mie Jehovah, amu tebyei koigeny rirenennyi: ak tugetab che igoitoi korosekab kongoi kobwa gotab Jehovah. Amu agochini koweek bikab emet che kigeluul, ko u eng’ tai, mwaei Jehovah.