1 ATEPTAP PEETUUSYEK 15:25 - BUKUIT NE TILIL

²⁵ Kwo anyun Daudi ak boisiekab Israel, ak kiptainik che kibou elfusiek, koba koib eng’ kagasetab ge moingetab arorutietab Jehovah kotogos eng’ gotab Obed- edom:

Bukuit Ne Tilil

²⁵ Ki wo anyun Daudi kobooto poisyegap Israel ak kiptainik che ki pou eliphuusyek, koba koip eng' kagasetapkei moingetap arorutyetap Kamuktaindet ne Toroor kotogos eng' kootap Obed-edom.

BUKUIT NE TILIIL Sireet ne Dutero Kanon

²⁵ Ki wo anyun Daudi kobooto poisyegap Israel ak kiptainik che ki pou eliphuusyek, koba koip eng' kagasetapkei moingetap arorutyetap Kamuktaindet ne Toroor kotogos eng' kootap Obed-edom.

1 ATEPTAP PEETUUSYEK 15:25 ပူးပေါင်းရင်းမြစ်များ

1 LAITORINIK 8:1

Kiiyum anyun Solomon boisiek che bo Israel, ak kandoik tugul che bo ortinwek, bounikab kwanisiekab lagokab Israel, kobwa ole mi laitoriat Solomon eng’ Jerusalem, koib moingetab arorutietab Jehovah kotogos eng’ nganasetab Daudi, ne noto ko Sion.

2 ATEPTAP PEETUUSYEK 1:4

Ago kiga koib Daudi moingetab Kamuktaindet kotogos eng’ Kiriat-jearim konyo ole kiga kochopchi Daudi: amu kiga koteekyi emait eng’ Jerusalem.

2 ATEPTAP PEETUUSYEK 5:2

Kiiyum anyun Solomon boisiek che bo Israel, ak kandoik tugul che bo ortinwek, bounik che bo kwanisiekab lagokab Israel, kobwa Jerusalem, koib moingetab arorutietab Jehovah kotogos eng’ nganasetab Daudi, ne noto ko Sion.

EZRAH 6:16

Ak kiitaban eng’ boiboiyet lagokab Israel, tisiik koboto Lawik, ak lagok tugul che ki luulenik che kiweeksei, goyoto bo Kamuktaindet.

MIKAH 5:2

Ago inye, Bet-lehem Eprata, ne i ming’in eng’ kwenutab elfusiek che bo Juda, mong’unenen age ne nyonjina ne tun egu bounindetab Israel; ne kicham komong’u koboch keny, koboch koigeny.

KAITOSYEK 31:14

Ak kinerekyi Musa kandoikab luget, kiptainikab elfusiek ak kiptainikab bogolusiek, che kibunu boisietab luget.

NG'ATUTIK 1:15

Kianam anyun kandoikab ortinwekwok, bik che ng’omen, ak ko toogunotin, ak kiagochi kondoikwok, koek kiptainikab elfusiek, ak kiptainikab bogolusiek, ak kiptainikab konomusiek, ak kiptainikab tamanusiek, ak bounik ko u ortinwekwok.

NG'ATUTIK 12:18

ago iame tukchoto eng’ taitab Jehovah Kamuktaindeng’ung’, inye, ak wering’ung’, ak cheptang’ung’, ak otwogeng’ung’ ne muren, ak otwogeng’ung’ ne tie, ak Lawindet ne mi kurgotiguk: ak ibaibaitu eng’ taitab Jehovah Kamuktaindeng’ung’ eng’ kiy age tugul ne iyae euneguk.

NG'ATUTIK 12:7

oamisie eng’ oloto eng’ taitab Jehovah Kamuktaindeng’wong’, ak oboiboitu eng’ tugul che oyae eunekwok, okwek ak bikwok, eng’ che kaiberurun Jehovah Kamuktaindeng’ung’.

NG'ATUTIK 16:11

ak ibaibaitu eng’ taitab Jehovah Kamuktaindeng’ung’, inye, ak wering’ung’, ak cheptang’ung’, ak otwogindeng’ung’ ne muren, ak otwogindeng’ung’ ne tie, ak Lawindet ne mi kurgotiguk, ak toondet, ak ne matinyei kwanda, ak mosoget, che mi koboten, eng’ ole leweni Jehovah Kamuktaindeng’ung’ kotebe kainennyi.

NG'ATUTIK 16:15

Ripchi Jehovah Kamuktaindeng’ung’, igorta eng’ betusiek tisab eng’ ole leweni Jehovah: amu iberurun Jehovah Kamuktaindeng’ung’ tuguk tugul che inyoru, ak boisionik tugul che bo euneguk, ak ibaibaitu mising’.

PILIPIK 3:3

amu ki kamuratanet achek, che saei eng’ Tamirmirietab Jehovah, ak kilosuge eng’ Kristo Jesu, ama kitinye kamang’unet eng’ borto:

PILIPIK 4:4

Oboiboitu eng’ Kiptaiyet kotugul: ak amwae kogeny ale, Oboiboitu.

1 SAMUEL 10:19

ago kaoesie ra Kamuktaindeng’wong’, ne inendet ne soruok eng’ bichiinwekwok ak nyalilwogikwok tugul; ak kaolenji inendet, Achicha, ago inde laitoriat koboiywech. Obwa anyun taitab Jehovah obwanune bororiosiekwok ak elfusiekwok.

1 SAMUEL 22:7

Ak kilenji Saul otwogikyik che kitonondos eng’ ye negite inendet, Ogas nguno, okwek Benjaminik; tos igochi weritab Jesii chi age tugul eng’ okwek mbarenik ak mbarenikab sabibuk, tos yaok okwek tugul egu kiptainikab elfusiek ak kiptainikab bogolwogik;

1 SAMUEL 8:12

ak kolewenjigei icheget koek kiptainikab elfusiek ak kiptainikab konomusiek; ak kobat mbarenikyik alage, ak koges bekyik, ak kotany karikyik che bo luget, ak tugukab karisiekyik.