1 ATEPTAP PEETUUSYEK 13:8 - BUKUIT NE TILIL

⁸ Ak kiureren Daudi koboto Israel tugul eng’ taitab Kamuktaindet eng’ kimnatenywa tugul: eng’ tienwogik, ak ketubosiek, ak kibugandinik, ak sugutisiek che mengechen, ak sanisiek che bo sugunonik che kibirei, ak iriagok.

Bukuit Ne Tilil

⁸ Ki ureren Daudi kobooto Israel tugul eng' taitap Kamuktaindet eng' kimnateennywa tugul, eng' tyenwogik, ketubosyek, kibugandinik, sugutisyek che mengeechen, sanisyek che po sugunonik che kibirei ak iryagook.

BUKUIT NE TILIIL Sireet ne Dutero Kanon

⁸ Ki ureren Daudi kobooto Israel tugul eng' taitap Kamuktaindet eng' kimnateennywa tugul, eng' tyenwogik, ketubosyek, kibugandinik, sugutisyek che mengeechen, sanisyek che po sugunonik che kibirei ak iryagook.

1 ATEPTAP PEETUUSYEK 13:8 ပူးပေါင်းရင်းမြစ်များ

2 LAITORINIK 3:15

Ago imutwa nguno butindet. Ak kingobut chichoto kibugandet, konyonji inendet eutab Jehovah.

1 ATEPTAP PEETUUSYEK 15:28

Koib anyun Israel tugul moingetab arorutietab Jehovah kotogos kobolyonu kogasonugei, ak koguutonu iriagok, ak kobironu sanisiek che bo sugunonik, ak kobutonu kibugandinik ak ketubosiek.

1 ATEPTAP PEETUUSYEK 16:42

ak kimi koboto ichek Heman ak Jedutun che kitinyei iriagok ak sanisiek che bo sugunonik che kibirei, che bo ichek che birei kocheiyo mising’, ak tuguk che kibutei che bo tienwogikab Kamuktaindet: ak kotebe werikab Jedutun ormarich.

1 ATEPTAP PEETUUSYEK 16:5

ki ne o Asap, ak ki ne rubei Sekaria, Jeiel, Semiramot, Jehiel, Matitia, Eliab, Benaia, Obed-edom ak Jeiel, kobutei kibugandinik ak ketubosiek; ak kibirei Asap sanisiek che bo sugunonik, kocheiyo mising’;

1 ATEPTAP PEETUUSYEK 23:5

ak ki elfusiek ang’wan ribikab kurgotik; ak kiilosu Jehovah elfusiek ang’wanu eng’ kibugandinik che kiayae ane, si kilosune Jehovah.

2 ATEPTAP PEETUUSYEK 20:28

Ak kibwa Jerusalem kobutonu kibugandinik ak ketubosiek, ak koguutonu iriagok kot koit gotab Jehovah.

2 ATEPTAP PEETUUSYEK 5:12

ak kitononso Lawik agichek, che ki tienik ichek tugul, che choto ko Asap, Heman, Jedutun, ak werikwak ak tupchosiekwak, kolaachi katanisiek che kororon, ak kotinyei sanisiekab sugunonik che kibirei ak kibugandinik ak ketubosiek, eng’ komostab kong’asis ne bo kaptisisiet, ak kimi koboto ichek tisiik bogolu ak tiptem che kuutei iriagok:)

TIENWOGIKAL 47:5

Kitogosta Kamuktaindet eng’ tulet, Kitogosta Jehovah ak cheetab iriaget.

TIENWOGIKAL 92:3

Eng’ kibugandet ne tinyei inoik taman, ak kibugandet age; Koboto ketubet ne cheei mising’.

AMOS 5:23

Oistoena cheetab tienwogikwok; amu mamache agas anyinyindab kibugandinikwok.

AMOS 6:5

ichek che tieni tienwogik che bo buch eng’ cheetab kibugandet; che chopchingei tuguk che bo tienwogik, ko u Daudi;

1 SAMUEL 10:5

Ye ibata iit tulwetab Kamuktaindet, ole mitei irimetab Pilistik: ak ye iit nganaset, ituiye maotik che kaiyumgei kochorugei eng’ ole toror kotinyei kibugandet, ak sugutit ne ming’in, ak ndurerut, ak ketubet eng’ tainywa; ak komaotenonu: