1 ATEPTAP PEETUUSYEK 12:17 - BUKUIT NE TILIL

¹⁷ Ak kimanda Daudi kotorokta ichek, ak komwachi ichek kolenji, Ngot obwanjina eng’ kalyet otoreta, konamegei muguleldanyu ak okwek: ago ngot ko kobwane ong’wekyina bunikyuk, ago mami yaitiet eunekyuk, ko ingogeer Kamuktaindetab kwanisiekyok kioto, ak koger kong’.

Bukuit Ne Tilil

¹⁷ Ki manda Daudi kotorookta icheek ak komwachi icheek koleenji, “Ngot obwonjino eng' kaalyeet otoreta, konamegei muguleldanyu ak okweek. Ago ngot ko kobwane ong'wekyino puunikyuk, ago ma mi yaityet eunekyuk, ko ingogeer Kiptaiyat Kamuktaindetap kwanisyekyok kioto ak koger kong'.”

BUKUIT NE TILIIL Sireet ne Dutero Kanon

¹⁷ Ki manda Daudi kotorookta icheek ak komwachi icheek koleenji, “Ngot obwonjino eng' kaalyeet otoreta, konamegei muguleldanyu ak okweek. Ago ngot ko kobwane ong'wekyino puunikyuk, ago ma mi yaityet eunekyuk, ko ingogeer Kiptaiyat Kamuktaindetap kwanisyekyok kioto ak koger kong'.”

1 ATEPTAP PEETUUSYEK 12:17 ပူးပေါင်းရင်းမြစ်များ

TAUNET 31:42

Ak nda kima komi kobota Kamuktaindet ne bo baba, Kamuktaindet ne bo Abraham, ak Inendet ne iywei Isak, ko kiteona awo buch. Kogogeer Kamuktaindet nyalildanyu ak boisietab eunekguk, sk kogerin kong’ lagat anyun amu noto.

TAUNET 31:53

Ingoruokseiywech Kamuktaindet ne bo Abraham, ak Kamuktaindet ne bo Nahor, Kamuktaindet ne bo kwandanywa. Ak kiiyosio Jakobo agobo Inendet ne iywei Isak kwandanyi.

1 LAITORINIK 2:13

Kinyo anyun Adonija weritab Hagit ole mi Bat-seba kametab Solomon. Ak kile, Inyone eng’ kalyet? Ak kile, Anyone eng’ kalyet.

2 LAITORINIK 10:15

Ak ye kingo kakwa eng’ yoto, kotuiyo ak Jeonadab weritab Rekab kotorogu inendet: ak kiigat inendet ak kolenji, Mie muguleldang’ung’, ko u ye mie muguleldanyu eng’ muguleldang’ung’? Ak kiwol Jeonadab kole, Mie. Ngot ko u noto, igona eut. Ak kiigochi inendet eut; ak kinam inendet kwo karit orit.

2 LAITORINIK 9:22

Ak kingogeer Joram Jeu, komwa kole, Kalyet-o Jeu? Ak kiwol kole, Kalyet ne bo nee, kota ko o ibetab ge ne bo komet Jesebel ak bonisiosiekyik?

1 ATEPTAP PEETUUSYEK 12:16

Ak kibwa che bo lagokab Benjamin ak che bo Juda irimet ole kimi Daudi.

1 ATEPTAP PEETUUSYEK 12:18

Konyonji anyun tamirmiriet Amasai, ne ki ne o eng’ bichoto sosom, ak kole, Ki cheguk, Daudi, ak kimi komostang’ung’, inye weritab Jesii: mi kalyet, ingoteb kalyet koboten, ak ingoteb kalyet koboto toretiguk; amu toretin Kamuktaindeng’ung’. Kotaach anyun Daudi ichek, ak koyai koek kiptainikab kweanet.

TIENWOGIKAL 7:6

Ng’eet, ee Jehovah, eng’ neregeguk, Tonon kirinde koromnatetab neregekab bunikyuk: Ng’eet amu ane; kiing’at kiruoget.

TIENWOGIKAL 86:11

Ineta oreng’ung’, ee Jehovah; si awendote imandang’ung’: Ituiye muguleldanyu si koiywei kaineng’ung’.

JEREMIA 32:39

ak agochi ichek muguleldo agenge ak oret agenge, si komuch koiywea koigeny; si konyor mieindo ak lagokwak che isubi ichek:

SEKARIA 3:2

Ak kilenji Jehovah Setani, Ingogeerin kong’ Jehovah, ee Setani; ee, ingogerin kong’ Jehovah ne kilewen Jerusalem: tos ma mecheita nito ne kaginemune ma?

POISYONIGAP CHE KIYOKTOI 4:32

Ak ki bo muguleldo agenge ak sobondo agenge tuiyet ne kiga koyan: ak ma mwa chi agot agenge kole, nenyi kiy age tugul ne kitinyei; ago kiyamdoi tugukwak tugul.

1 KORINTOEK 1:10

Asomok mising’ anyun, che kitupche, eng’ kainetab Kiptaiyandennyo Jesu Kristo, ale, omwa tugul kit agenge, si mabiit kabesiosiek eng’ kwenung’wong’; ago si oegu che igesunotgei kibagenge eng’ kabwatet agenge ak eng’ kiruoget agenge.

2 KORINTOEK 13:11

Ne bo let anyun, che kitupche, ko saisere. Oegu che chobotin; oegu che bo kagaigaet; oegu che bo kabwatet agenge; otebi eng’ kalyet: ak mi Jehovah ne bo chamnyet ak kalyet kobotok.

PILIPIK 1:27

Ago ingoek atebeng’wong’ ne nyoljin logoiywek che miach che bo Kristo: si ngot anyo ageerok anan ngo mami ane, amuchi agas agobo atebeng’wong’, kele otonondosi komie eng’ tamirmiriet agenge, eng’ muguleldo agenge ogiilige agobo kayanetab logoiywek che miach;

1 PETERO 2:23

ne ye kingeng’emji kut, ko ma ng’em kut; ye kingonyalil, ko ma imuiso; ago kiigochigei inendet ne iruochi eng’ imanda:

JUDA 1:9

Ago ye kingobaregei Mikael, malaikaiyat ne o, ak oindet, kotiitos agobo mustab Musa, ko ma kany koipchi inendet kiruogetab chubet, ago kile, Ingogerin kong’ Kiptaiyat.

1 SAMUEL 16:4

Ak kiyai Samuel kioto kiga mwa Jehovah, ak kinyo Bet-lehem. Ak kitorok inendet boisiekab nganaset, kobotanionu, ak kolenji, Inyone eng’ kalyet?

1 SAMUEL 18:1

Ak kingo kagoges inendet ng’alaljinetab Saul, konamgei sobondab Jonatan ak sobondab Daudi, ak kicham Jonatan inendet ko u sobondanyi.

1 SAMUEL 18:3

Kiiyomisgei anyun Jonatan ak Daudi, amu kicham Jonatan inendet ko u sobondanyi.