1 ATEPTAP PEETUUSYEK 11:20 - BUKUIT NE TILIL

²⁰ Ak ki ne o eng’ bichoto somok Abisai ng’etab kametab Joab: amu kinam ng’otinnyi ak kobar bik bogol somok, ak kitook kainennyi koboto bichoto somok.

Bukuit Ne Tilil

²⁰ Ki ne oo Abisai ng'eetap kametap Joab eng' pichooto somok. Ki nam ng'otinnyi ak kobar piik pogol somok, ak ki took kainennyi kobooto pichooto somok.

BUKUIT NE TILIIL Sireet ne Dutero Kanon

²⁰ Ki ne oo Abisai ng'eetap kametap Joab eng' pichooto somok. Ki nam ng'otinnyi ak kobar piik pogol somok, ak ki took kainennyi kobooto pichooto somok.

1 ATEPTAP PEETUUSYEK 11:20 ပူးပေါင်းရင်းမြစ်များ

2 SAMUEL 18:2

Ak kiiyokto Daudi bik, ak kiinde Joab kondochi kebeberta agenge eng’ somok, ak kiinde Abisai weritab Seruia, ng’etab kametab Joab, kondochi kebeberta agenge eng’ somok, ak kiinde Itai Gitindet kondochi kebeberta agenge eng’ somok. Ak kilenji laitoriat bik, Awendi agane iman kobotok.

2 SAMUEL 2:18

Ak kimi yoto werik somogu che bo Seruia, Joab, ak Abisai, ak Asael: ak ki chepcheb Asael ko u cheptirgichet.

2 SAMUEL 20:6

Ak kilenji Daudi Abisai, Yaiywech yaitiet Sheba weritab Bikri nguno kosiir ne kiyai Absalom: imut anyun otwogikab kiptaiyandeng’ung’, ak isub inendet, si manamjigei nganasok che ng’ototin, ak kochilil si mata kegeer.

2 SAMUEL 21:17

Ago kitoret inendet Abisai weritab Seruia, ak kikwer Pilistindet ak kobar. Yeityo koyosiechi bikab Daudi inendet, kolenji, Ma kebendi tugul kogeny luget ak inye, si memis taitab Israel.

2 SAMUEL 3:30

Kibar anyun Joab ak Abisai ng’etab kamet, Abner, amu kiga kobar Abner Asael werit ne tupcho, eng’ Gibeon eng’ luget.

1 ATEPTAP PEETUUSYEK 11:19

ak kile, Ingoetena Kamuktaindennyu, si mayai kii: tos aee korotikab bichu koinde sobonwekwak ng’oiyondit? Amu kaib beechu eng’ kandaet ne kainde sobonwekwak ng’oiyondit. Ko ma cham anyun koee amu noto. Kiyai tuguchuto bichoto kimen somogu.

1 ATEPTAP PEETUUSYEK 11:21

Eng’ bichoto somok ko ki konyitot Abisai kosiir chun aeng’, ak kigiyai koek kiptaiyandenywa: ago ma ityi che bo tai somok.

1 ATEPTAP PEETUUSYEK 2:16

ak chepkametwogikwak ko ki Seruia ak Abigail. Ak werikab Seruia ko ki: Abisai ak Joab, ak Asael, ki somok.

1 SAMUEL 26:6

Kiwol anyun Daudi ak kolenji Aimelek Hitindet, ak Abisai weritab Seruia, ng’etab kametab Joab, Ng’o ne nyonei kechortage tuwai ole mi Saul eng’ nganaset? Kole Abisai, Kichortoige tuwai.