Thaidas 3:5 - Iwo Surua Mua Wie Pha Bible

⁵ ai è gethek shii ragia rek phi. Jishii hì ne gethek è nyie wie rek pha ji è asi ro, jishii hanyie è awai Ragung So è sud ne gethek shii iwo giak nane iwo chai phi. Chiih-è awai ro bushun ji è gethek shii ragia rek phi.

Thaidas 3:5 ပူးပေါင်းရင်းမြစ်များ

Methiu 3:11

“Gu è nathek shii kho re-è khowo phi srane nathek ne layog khid rone doh yi, jishii gu idoh shii wuiiramuii pha bran ji re-è nathek shii Ragung So nane bai è khowo phi ruii phro. Ai ne gu re-è de boh ro; gu ne ai lakhiathek than sbo de asi ro.

LUG ro Muawie 1:50

Hanyie thek è aishii lab rek arone ithek shii ne blang thog dang pha ai bushun doh yi phro.

LUG ro Muawie 1:54

Ai ne gethek achinmoithek shii sbang rek pha ji ne zab rek phi ro, chiih-è awai khiao Israel shii nong gieng pha wuii phro.

LUG ro Muawie 1:72

Ai è yao ai gethek pha achinmoithek shii bushun rek phi phro, chiih-è awai shiinyie ug pha ji de athoh pha nowphi phro,

LUG ro Muawie 1:78

Gethek Hamangkhung-aphuii ne bushun nane jum ro, ai è ichuang phi ne giawo gethek lakhung shii thog yi phro.

Romanthek 11:14

Yangne gu ne gui bran shii miegriie pha rab ne, chiih-è gai thek shii ragia nyarek mua phi.

Romanthek 11:6

Ai è gua pha ji ne airo bushun ji è rey ro, ai è nyie rek pha ji è asi ro. Hamangkhung-aphuii è branthek è nyie rek pha ji è gua arone, chiihphado airo bushun ne izai asi ara ro.

Romanthek 12:2

Sohjambling pho duiine nawaishii arek rabo, jishii nawaithek ro khani yi zab lai arone Hamangkhung-aphuii è de nathek ro iliing pha de zab lai ruii phro. Nathek ne Hamangkhung-aphuii è nyie yang pha ji ne nyie wie chiih-è aishii ne sang ba chiih-è hì ne khriig ba ji nyathieg ruii phro.

Romanthek 3:20

Iphey shii chid pha duiine hanyie jia de Hamangkhung-aphuii mieg shii giang arey phro, Iphey è branthek layog rek rone doh yi phro.

Romanthek 3:28

Gune hì de yao Hamangkhung-aphuii rog shii branthek giang ruii phane ithek ro migi ji è phro, chiih-è Iphey shii nyie yung pha ji è arek phro.

Romanthek 4:5

Bran hanyie è awai migi shii luthong ne; awai blia shii aluthong rabo; chiih-è hanyie è biidiie chiih-è izai shii yao thieg pha Hamangkhung-aphuii shii migi rek pho ne, airo migi shii Hamangkhung-aphuii è yi ne sasab rek srane aishii ne giang è awai rog shii ruii muii.

Romanthek 9:11

Jishii Hamangkhung-aphuii è Dufuii jia shii ne awai blia rek pha gua jong ro, Hamangkhung-aphuii è bimi shii yao, “Abam jine khuii ro blia rek ruii phro.” Ai è hì yao pha ibi è chiih-è ithek giak pha ibi è ithek ne wie de arek chiih-è buii de arek; chiih-è Hamangkhung-aphuii è gua pha ji ne nyie ithek è rek pha ji è nuii pha asi awai è ho pha ji è ro.

Romanthek 9:16

Ji-è chiihphado, zab ne bran è nyie yang pha ji aluthong phro, jishii Hamangkhung-aphuii shii bushun bie phro.

Romanthek 9:30

Ji-è gethek ne Gaibranthek shii yao, hanyie Hamangkhung-aphuii rog shii giang ruii pha abidiang shii ithek ro migi è ne ai rog shii giang rey dun;

1 Khorinthek 6:11

Nathek giak ne ji duiine ro. Jishii nathek shii ne layog è igang rekjong ro; nathek è Hamangkhung-aphuii shii phijong ro; nathek shii ne gathek ro Hamangkhung-aphuii ro Ragung nane Ithong Isu Masi è nathek shii ne Hamangkhung-aphuii rog shii rangsua ruiijong ro.

Galathithek 2:16

Thuh magungde gathek ne thieg bran jia yi Hamangkhung-aphuii rog shii rangsua rai mua phane Iphey è nyie chiid pha ji rek pha ji è asi pha Isu Masi shii migi rek pha ji è ro. Gethek de Hamangkhung-aphuii rog shii rangsua rai phane Isu Masi shii migi rek pha ji è ro, chiih-è Iphey shii nyie chiid pha ji è asi ro. Chiih-è hanyie magungde Iphey è chiid pha ji rek ne Hamangkhung-aphuii rog rangsua arai muii phro.

Iphisithek 2:4

Jimagungde Hamangkhung-aphuii pha bushun ne bajo ro, chiih-è ai è gethek shii miie pha ji ne boh ro.

Iphisithek 4:23

Nathek ro lubuthek nane khanithek ne jong pha iwo rab bo,

Iphisithek 5:26

Ai è hì rek pha ji ne kho è sud ne so rab pha iidoh shii airo miyaogam ji è charch shii Hamangkhung-aphuii shii zid pha rek srane

Kholosithek 3:10

chiih-è nathek ne iwo ji guii bo. Hì ne iwo chai ro nyie yi Hamangkhung-aphuii awai ne rab pho ro, chiih-è athodang pha iwo awai ro midong duiine rab lumao, nyieliieshii awairo ley khani nathek shii rey yie pha rek.

2 Thimothi 1:9

Ai ne gethek shii ragia rek ne gethek shii awai bran rey yi pha ho phro, nyieliieshii gethek è nyie rek pha ji re-è asi ro, jishii nyieliieshii ai awai ro blia nane bushun re-è ro. Ai è gethek shii phi pha awai bushun ne ishak ajo ba pha ibi Masi Isu chiang re-è phijong,

Thaidas 3:4

Jishii gethek ragia pha Hamangkhung-aphuii ro bushun nane miie ji dong mage shii,

Hebriuthek 10:22

Ji-è cho gethek ne wie lubu nane izai migi rog, chiih-è ichiig è sudjong pha lubu chiih-è khow so è sud pha siuthek ne Hamangkhung-aphuii moe hà wuii rai haro.

Hebriuthek 4:16

Chiihphado cho gethek ne migi rek rai chiih-è Hamangkhung-aphuii biang khi hà bushun um bsa hà wuii rai haro. Thiisa hà gethek ne bushun mua srane khuchung gethek chid shii gethek shii nong mua phi pha bushun doh ruii phro.

Hebriuthek 6:6

Chiih-è chiihphado ithek ne migi shii thoh muii! Ji-è ithek shii ne lubukhid din yi pha ne lumuii oi ro, nyieliieshii ithek ne Hamangkhung-aphuii ro Dufuii shii din è bai shii zun din yi chiih-è limiang moi shii wo pha khia din yie.

1 Phithar 1:3

Cho Hamangkhung-aphuii nane gethek ro Ithong Isu Masi ro Aphuii shii laso phi bo. Nyieliieshii Isu Masi Iy ne hòi pha ji è airo boh bushun è gethek shii chai iwo rab phi phro. Ji re-è gethek ro isìeng luthong pha ji ley rek phi,

1 Phithar 2:10

Luang jia pha ishak shii nathek ne Hamangkhung-aphuii ro bran asi, jishii thuh shii nathek ne airo bran ro; luang jia shii ne nathek ne Hamangkhung-aphuii ro bushun athieg, jishii thuh nathek ne airo bushun shii muage ro.

1 Phithar 3:21

hanyie shii ne khowo pha cheb ji shii hiòg ro, hanyie nathek shii thuh ragia rek phi. Hì ne siu pha izea sud pha ji asi ro, jishii wie lubunow ji è Hamangkhung-aphuii è sbang rabjong ro. Hì ne Isu Masi hòi pha ji è nathek shii ragia rek ge ro,