Thaidas 2:10 - Iwo Surua Mua Wie Pha Bible

¹⁰ chiih-è ithek ro agow rabo. Ji phachiang shii, chiih-è ithek è rek pha zab shii gethek ro ragia Hamangkhung-aphuii chiang shii yua pha ji wie ibeng rey yi pha ithek ne idang wie nane isiie rone doh yi bo.

Thaidas 2:10 ပူးပေါင်းရင်းမြစ်များ

Methiu 24:45

“Hanyie, chiihphado hì ne izai nane khua khiao bey? Hì ne jia ro ai masdo è gai khiaothek shii dumuii phi shii nathek ro michie yi khriig ishak shii phi yi pha.

Methiu 5:16

Ji duiine nathek ro muchuang de branthek ibi shii chuang phi chid phro, jiè nathek ne nathek è rek pha wie bliathek riig srane hamangkhung hà nathek aphuii shii chiong ruii phro.

LUG ro Muawie 1:47

Gu luruak ne . lised mua ro nyieliieshii Hamangkhung-aphuii ne garo ragia ro,

LUG ro Muawie 1:80

Ji pha ani ne sieng ne siu nane ragung ne gang rey dun ro, ai ne Israel pha bran moe khia pha nai athog sapho shii ne balimuang hà rai phro.

LUG ro Muawie 16:10

Hanyie magunde ìujia nyie shii migi um arone, ai ne boh shii de migi um ruii phro; hanyie magunde ìujia shii khlam rek arone, ai ne boh shii de khlam rek phro.

JON ro Muawie 12:6

Ai è hì yao pha ji ne dusho shii wie rek rone ayao ro, jimagungde ai ne mugo ro. Ai ne bang biia han srane ji è awaishii nong din phro.

1 Khorinthek 4:2

Hì è rek pha Khiaothek ai ne awai masdo shii wie è isiie rek chid phro.

Iphisithek 4:1

Chiihphado gu nathek shii khung, nyieliieshii gu è Ithong blia rek pha chiang è gu shii phatheg hà chab muii pha ji ro: Nathek shii ho pha ishak shii Hamangkhung-aphuii è phrai ne ruii pha ji shii ji duiine chai sieng bo.

Philiphithek 1:27

Thuh, mugak pha mana ne hì ro nathek ro chai ne Masi ro mua duiine um chid, ji è dinne gu nathek shii riig pha awuii mua magunde, chiih-è jia chid pha ji shii nathek ne mua migi shii ò mak rek muii rone chiih-è nathek ne blia jia shii chuh è riu rone gu ne yoi ruii phro.

Philiphithek 4:8

Jongsha shii, gu ijakthek, nyie yi wie nane chiong pha ji duiine rey mua pha: Izai pha manathek shii, giu, rangsua, igang, miie, nane ilab yi nawaithek khani rog shii zan bo.

1 Thimothi 1:1

Phaul re-è, Masi Isu ro guaphasamoy Hamangkhung-aphuii ro gethek shii ragia rek pha nane gethek ro luthong Masi Isu re-è ro,

1 Thimothi 5:17

Dukhothek hanyie è diig rek rone dumuii blia wie rek pho shii ne gai re-è huàk ne choi chid nyayaochak arone yao pho nane yua pho shii mua chid phro.

1 Thimothi 6:1

Hanyie yi khiaothek lei ne ai ne awaithek masdo shii isiie re-è ilab phi chid, ji è hanyie magunde Hamangkhung-aphuii ibeng nane gethek è yua pha ji shii ne wie asi rone ayao mua.

1 Thimothi 6:3

Hanyie è yoh miyao shii yua chiih-è Ithong Masi Isu ro izai miyaogamthek rog shii anuii arone chiih-è gethek ro yua pha giang re-è yoh ro.

Thaidas 1:3

khriig ishak shii ai è ji shii awai mua shii dong phi. Jine gu shii phijong ro, chiih-è gune gethek ro ragia Hamangkhung-aphuii muyung ji è yao.

Thaidas 3:4

Jishii gethek ragia pha Hamangkhung-aphuii ro bushun nane miie ji dong mage shii,

1 Phithar 2:12

Ithek è nathek shii awie rone nin ruii shii nathek ro ziig ne migi arekpho duchoi shii bajo wie rek bo, ithek ne nathek ro wie blia ji shii thieg ruii chiih-è ai wuii ruii pha inai shii Hamangkhung-aphuii shii chiong ruii phro.

1 Phithar 3:16

jishii jum nane ilab rog shii rek bo. Nawaithek ro lubunow shii sang rek bo, ji-è nathek shii makhak-riing mage shii, Masi ro luagiengphothek rone nathek ro wie ziig shii hanyie è awie rone yao mage shii ithek è nyie yao pha ji shii biwo rey ruii phro.

2 Jon 1:9

Hanyie jia è Masi ro muyua rog shii arai pha ji è ruang rey anine, aishii ne Hamangkhung-aphuii oi ro. Hanyie magunde muyua shii rai anine Aphuii nane Dufuii nyimanyi aishii um ro.