Romanthek 8:9 - Iwo Surua Mua Wie Pha Bible

⁹ Jishii nathek ne bran siu duiine arai rabo è yao bo; ji phachiang, shii nathek ne ragung shii rai bo è nawaithek shii yao bo—chiihphado, izai Hamangkhung-aphuii Ragung ne nathek rog shii rai phro. Hanyie shii Ragung oi arone Masi ne ai è asi ro.

Romanthek 8:9 ပူးပေါင်းရင်းမြစ်များ

LUG ro Muawie 11:13

Nathek awie pho rang de, nawaithek ani shii nyie khi-èrek wie phi chid phro è thieg. Aishii lia pho ne Hamangkhung Aphuii è ji è de muna Ragung So phi ruii phro!

JON ro Muawie 14:17

Ai ne Hamangkhung-aphuii ro izai ji doh noh pha Ragung ro, sohjambling de aishii achoi mua, nyieliieshii ne aishii ariig athieg mua phro, jishii nahek ne aishii thieg, nyieliieshii ai ne nathek rog shii rai phro chiih-è nathek iliing hà rog rai jong.

JON ro Muawie 14:23

Isu è aishii chang, hanyie chai gu shii miie rek pho ne gu miyao ji nuii phro. Chiih-è gu Aphuii ne aishii miie rek ruii phro, chiih-è gu aphuii na ne gune ai rog shii rai ruii phro.

JON ro Muawie 3:34

Jishii hanyie shii Hamangkhung-aphuii è thoh ge pha ne Hamangkhung-aphuii pha miyaogamthek yao ruii phro, nyieliieshii Hamangkhung-aphuii è awai Ragung aishii zab ley phi srane thoh ge ro.

JON ro Muawie 3:6

Bran siu è giak pho ne siu rey phro, chiih-è Ragung è giak pho ne Ragung rey ruii phro.

Bliathek 16:7

Ithek è Mysia pha sohthug thogmage shii, ithek è Bithynia du-ùa hà wuii dun pha saro shii, Isu ro Ragung è ithek shii awuii yi.

Romanthek 7:5

Gethek de ji duiine bran è lajia jishii sieng ramuii shii, gethek ne siu pha blia rekramuii shii Iphey ji è layog è yang pha ji shii khui, chiih-è gethek è rek pha ji ne iidoh shii ne zab iy dun.

Romanthek 8:1

Thuh shii hanyie ne Masi Isu rog shii ò rai pho ne the pha oi sha phro.

Romanthek 8:11

Hanyie yi iy ne hòi din pha Hamangkhung-aphuii ro Ragung yi nathek rog shii rai arone, chiihphado hanyie è Isu shii iy pha ji è hòi phi pha ji ai Ragung nathek shii um pha ji è nathek ro iy pha siuthek shii de chai phi rui phro.

Romanthek 8:2

Iphey pha Ragung, hanyie è gethek ro chai shii Isu Masi rog ò rai yi muii pha ji è Iphey pha layog chiih-è iy pha ji è thoh phi phro.

1 Khorinthek 15:23

Jishii zab awaithek ro ishak shii hòi ruii phro, zab è igobi shii Masi hòi ruii phro, chiihphado ai wuii ruii pha ishak shii, hanyie yi airo jithek de hòi ruii phro.

1 Khorinthek 3:16

Zai Nathek ne thieg nathek ne Hamangkhung-aphuii ro misia hò ro chiih-è Hamangkhung-aphuii ro ragung ne nathek shii rai phro.

1 Khorinthek 6:17

Jishii hanyie è awaishii Ithong rog shii rung arone ragung shii ne ai rog ò rey dun phro.

1 Khorinthek 6:19

Nathek ro siu ne Ragung So pha Jewthek misiahò rone athieg bey, hanyie è nathek shii rai ne hanyie è nathek shii phi pha ji ne Hamangkhung-aphuii è phi ne bey? Nathek ne nawaithek ro asi ro jishii Hamangkhung-aphuii ro ro;

2 Khorinthek 10:7

Nathek ne fuang è khia ruii pha manathek shii riig, ichiih shii hanyie magungde nawaithek shii Masi è rey rone yao pha um bey? Wie, cho awaithek chiang shii dinne now yi haro, nyieliieshii ithek ne khama Masi ro duiine gethek de Masi ro ro.

2 Khorinthek 6:16

Nyiekhi-è Hamangkhung-aphuii ro Jewthek misiahò nane migi-arekpho ro jangbang ne nuii mage phlei? Chiih-è gethek ne isieng Hamangkhung-aphuii pha Jewthek misiahò ro! Hamangkhung-aphuii awai è yao pha duiine, “Gu ne gui bran rog shii gui hò rab pha ro chiih-è ithek duchoi shii rai pha ro; Gune ithek ro Hamangkhung-aphuii rey ruii phro, chiih-è ithek ne guro bran rey ruii phro.”

Galathithek 4:6

Chiih-è nathek shii awai dufuii rone doh yi pha Hamangkhung-aphuii hanyie è “Aphuii, guro Aphuii” Rone ho ne cho muii pha awairo Dufuii Ragung gethek lubuthek iliing shii thoh ge ro.

Galathithek 5:24

Chiih-è hanyie yi Isu shii rey pho ne awai siu è ziig pha munow shii nane muchiid shii ne iy ba yi.

Iphisithek 1:13

Na è izai mua ji yoi mage shii, na de Hamangkhung-aphuii pha bran nyarey mua ruii phro, ji pha Mua Wie ji è na shii giawo yie ruii phro. Na de Masi shii migi rek bo! Chiih-è Hamangkhung-aphuii awai è sbang rek muii pha Ragung So ji è nathek shii ai ne muspho ro ne nab phi phro.

Iphisithek 2:22

Masi Isu rog shii ò rek pha ji è na shii de zab pha gai rog shii Ragung è Hamangkhung-aphuii rai muii pha ji shii ò rung-ramuii ro.

Iphisithek 3:17

chiih-è gune sia phro Masi ne awairo hò ne migi ji è nathek lubu iliing shii rab bo, gune sia phro nathek shii ne iriingthek nane sarong um ne miie shii ò chuh rek mua.

Philiphithek 1:19

nyieliieshii naro misiathek re-è chiih-è Isu Masi ro ragung è nyie nong gu shii rek pha ji è ichad rek phi ruii phro ne gu thieg ro.

2 Thimothi 1:14

Hanyie gethek shii rai pha Ragung So pha blu re-è nathek shii phi pha blia shii wie manathek shii ruii bone nathek shii yao ro.

1 Phithar 1:11

Ithek ne ji pha ishak ne khuchung chiih-è khi-èrek ne thog ruii pha bidiang ne sow marui. Hì pha ishak ne Masi ro Ragung ithek shii um pha ji è hìog ro, Masi ne biisiie shii luagieng pha chiang diig shii zud phro ne yao.

1 Jon 3:24

Hamangkhung-aphuii muyungthek shii hanyie è nuii ai ne Hamangkhung-aphuii rog ò shii rai chiih-è Hamangkhung-aphuii ithek rog ò shii rai ro. Chiih-è nyieliieshii Hamangkhung-aphuii è gethek shii Ragung phi, ji è gethek ne ìd Hamangkhung-aphuii gethek rog ò shii rai.

1 Jon 4:13

Gethek ne izai Hamangkhung-aphuii rog ò shii chiih-è ai ne gethek rog ò shii, nyieliieshii ai è awai ro Ragung shii gethek shii phi ro.

1 Jon 4:4

Jishii gu aniphiing, nathek ne Hamangkhung-aphuii è ro, chiih-è nathek è ne asi pha chaigpho è yang ge ro, nyieliieshii nathek shii Ragung um pha jine sohjambling pha ragung è huàk ne bohblu um ro.

Dong 13:8

Hanyie ro ibeng yi isieng jigigam shii sohjambling azen ba pha ibi shii zey ne, ua muii pha shiishaiduii ro rey pho asi bie pha zab sohnyiak shii rai pha branthek ne aishii misiasia.

Dong 20:15

Chai pha jigi shii hanyie ro ibeng zey ne oi pho shii ne bai pha khabang hà fen muii.