Romanthek 6:4 - Iwo Surua Mua Wie Pha Bible

⁴ Gethek ro khowo ji re-è, chiihphado, gethek de ai è iy pha ji thang ne ai rog shii wieng muii, Aphuii ro blu biisiie ji è Masi ne iy biisa è dinne hòi pha duiine, ji è gethek de iwo chai shii sieng.

Romanthek 6:4 ပူးပေါင်းရင်းမြစ်များ

JON ro Muawie 11:40

Isu è aishii yao, “Na ne migi rek arone na ne Hamangkhung-aphuii pha biisiie doh ruii phrone gu è na shii ayao ba bey?”

JON ro Muawie 2:11

Isu è hì pha igobi buang ne Galili pha gaithek shii rek srane, airo biisiie doh yi, chiih-è airo samoy de aishii migi now.

Bliathek 2:24

Jimagunde Hamangkhung-aphuii è Isu shii awai blu è hòi din yi dun ro, nyieliieshii, iy pha riichai ne Isu shii phatheg rek ne achab mua phro.

Bliathek 2:32

Hamangkhung-aphuii è Isu ne hòi din phi, ji pha blia ne gethek è khagi rek jong dun.

Romanthek 6:19

(Gune idang gao pha nyuak è yao nyieliieshii nathek ne agao mua.) Luang jia nathek è de nawaithek shii awie pha awie shii khiao rek pha nathek è zab phi muii. Ji duiine ithek de thuh shii gang chiih-è giang shii khiao rek pha nawaithek shii zab muii bo.

Romanthek 6:3

Nathek ne thiegjong, gethek ne Isu Masi rog shii ò rai pha khowo yi shii, ji è gethek ne ai è iy pha rog shii ò rai pha khowo yijong ro.

Romanthek 6:8

Gethek Masi rog shii nya iy dang ne, gethek de ai rog shii sieng phrone gethek è migi rek.

Romanthek 6:9

Gethek ne thieg Masi iy ne hòi din chiih-è khuchung de a-iy sha phro—Iy pha ji è ai lakhung shii boh akhoh sha phro.

Romanthek 7:6

Thuh shii, gethek ne Iphey è thoh rey ge ro, nyieliieshii gethek ne phatheg hà zum ne ruii muii pha ji è ne gethek ne iyjong ro. Iphey shii zey pha ihèg lumuii shii ne muna alua sha, jishii Ragung pha iwo lumuii shii lua.

Romanthek 8:11

Hanyie yi iy ne hòi din pha Hamangkhung-aphuii ro Ragung yi nathek rog shii rai arone, chiihphado hanyie è Isu shii iy pha ji è hòi phi pha ji ai Ragung nathek shii um pha ji è nathek ro iy pha siuthek shii de chai phi rui phro.

1 Khorinthek 6:14

Hamangkhung-aphuii è Ithong shii iy dun pha ji è hòi phi, chiih-è gethek shii ai è awairo blu è hòi yi phro.

2 Khorinthek 13:4

Zia pha ishak shii aishii bai hà zun muii magunde, jishii hì ne Hamangkhung-aphuii pha blu è isieng ro. Ai rog shii ò rek pha ji è gethek de zia ro: jishii gathek ro siangthang nathek rog shii rek pha ji è gethek airo chai shii Hamangkhung-aphuii pha blu pha mathang rey ruii phro.

2 Khorinthek 5:17

Hanyie magungde Masi shii dog arone, ai ne iwo chai rey dun; ihèg chai ne dundun, chiih-è iwo chai ne thokjong ro.

Iphisithek 4:17

Chiihphado, Ithong beng è, gu nathek shii phriie phro: Migi-arekpho duiine asieng rabo, hanyie è nowthek yi pha ji ne adunmey pha ro

Iphisithek 5:8

Nathek ne nawaithek shii igiia hà rai noh, jishii nathek Ithong ro bran rey pha iidoh shii nathek de muchuang hà rai pha branthek duiine rey bo.

Kholosithek 3:10

chiih-è nathek ne iwo ji guii bo. Hì ne iwo chai ro nyie yi Hamangkhung-aphuii awai ne rab pho ro, chiih-è athodang pha iwo awai ro midong duiine rab lumao, nyieliieshii awairo ley khani nathek shii rey yie pha rek.

Kholosithek 4:1

Musphothek, nawaithek khiaothek shii khui shii wie nane khriig rek bo, Now bo nathek shii de hamangkhung hà Muspho um ro.

1 Phithar 3:21

hanyie shii ne khowo pha cheb ji shii hiòg ro, hanyie nathek shii thuh ragia rek phi. Hì ne siu pha izea sud pha ji asi ro, jishii wie lubunow ji è Hamangkhung-aphuii è sbang rabjong ro. Hì ne Isu Masi hòi pha ji è nathek shii ragia rek ge ro,

1 Jon 2:6

gethek ne Hamangkhung-aphuii rog ò rone yao arone, gethek ne Isu Masi duiine sieng chid.