Romanthek 5:21 - Iwo Surua Mua Wie Pha Bible

²¹ Ji-è chiihphado, layog è iy pha ji è ilkhi rek pha duiine, idang chai hà lua now pha Isu Masi chiang è Hamangkhung-aphuii bushun ne giang hà ilkhi rek ruii phro.

Romanthek 5:21 ပူးပေါင်းရင်းမြစ်များ

Methiu 25:46

Chiihphado jine idang pha lago thog ruii phro, Jishii giangthek ne idang pha chai hà dun ruii phro.

JON ro Muawie 1:14

Miyaogam è bran rey srane bajo bushun nane izai rek ne gethek rog shii rai gieng, gethek è airo biisiie riig, airo biisiie ne Aphuii ro Dufuii iphen ro.

JON ro Muawie 10:28

Gune ithek shii idang pha chai phi ruii phro, chiih-è ai ne khuchung de a-iy phro. Hanyie magungde ithek shii gu è ariao mua phro.

Romanthek 4:13

Hamangkhung-aphuii è Abraham nane ai riingthek shii sohjambling ne zab ai ro rey phrone sbang phi, ai è ji è rek phi, nyieliieshii Abraham è Iphey nuii rone asi ro, jishii nyieliieshii ai è migi rek chiih-è Hamangkhung-aphuii è giang rone choi phi.

Romanthek 5:12

Layog ne sohjambling shii bran jia chiang è thog, chiih-è ai layog è iy pha ji de awai rog shii yithog. Idohhè shii ne, iy pha ji ne zab pha bran jadthek shii shiiy dun, nyieliieshii zab pha branthek è layog rek.

Romanthek 5:14

Jishii Adam pha ishak è yi ne Moses iy pha ji è branthek shii khohthek. Jishii zab pha bran hanyie è Adam mirek pha Hamangkhung-aphuii miyao anuii pha arek pho shii de layog è khohthek. Adam ne jia hanyie wuiiramuii pha jangbang ro.

Romanthek 5:17

Hì ne izai ro, bran jia layog ji è nyieliieshii iy phane jao ne rangsua rek. Ji è iidoh shii bran jia Isu Masi chiang lasen boh mua ruii phro! Chiih-è zab hanyie è Hamangkhung-aphuii ro ley bushun nane Isu Masi chai chiang è lei ai rog shii khohthek ruii phro.

Romanthek 6:12

Ji-è nathek nawaithekhlum ne chid pha ji shii nuii yi pha, Layog ne mua pha siuthek shii khuchung de boh akhoh sha phro.

Romanthek 6:14

Layog ne nathek ro Ithong arab rabo; chiih-è nathek ne Iphey iliing shii arai ro jishii Hamangkhung-aphuii ro bushun iliing shii ro.

Romanthek 6:16

Nathek ne hì thieg nathek è giak ro khiaothek rek pha nuii mage shii, nathek ne ithek khiao rey ruii, nathek ne layog pha khiao rek arone iy ruii phro, dinne nuii pha khiao rek arone Hamangkhung-aphuii rog shii rangsua sieng ruii phro.

Romanthek 6:23

Layog ne iy pha riinang phi ruii phro; jishii Hamangkhung-aphuii ro lei pha lasen Masi Isu gethek ro Ithong rog shii ò rai yi pha idang pha chai ro.

Romanthek 8:10

Layog è nathek siu iy dun magunde, jishii Masi ithek rog shii rai arone, nathek ragung ne sieng ne Hamangkhung-aphuii rog giang ruii phro.

Thaidas 2:11

Chiih-è Hamangkhung-aphuii awairo bushun ne zab pha bran ro giawo pha chiang shii dong phi.

Hebriuthek 4:16

Chiihphado cho gethek ne migi rek rai chiih-è Hamangkhung-aphuii biang khi hà bushun um bsa hà wuii rai haro. Thiisa hà gethek ne bushun mua srane khuchung gethek chid shii gethek shii nong mua phi pha bushun doh ruii phro.

1 Phithar 5:10

Jishii nathek è diig ne ìujia pha ishak shii, Hamangkhung-aphuii ro zab bushun hanyie è nathek shii awairo idang pha biisiie Masi rog shii ò thang pha ho, awai è nathek shii khriig rek phi ne nathek shii chuh rek phi, gang rek phi, chiih-è asi dang pha rek yi pha rab phi ruii phro.

2 Phithar 1:1

Isu Masi ro khiao nane guaphasamoy, Simon Phithar re-è— Hanyie yi gathek ro Hamangkhung-aphuii nane Ragia Isu Masi pha rangsuathek ji è gathek ro igong migi duiine hanyie shii phi pha ji shii hìpha jigi phijong ro:

1 Jon 2:25

Chiih-è idang pha chai hìne Masi awai è sbang gethek shii phi pha ji ro.