Romanthek 5:18 - Iwo Surua Mua Wie Pha Bible

¹⁸ Ji-è chiihphado, layog jia è zab pha bran shii the, ji duiine giang jia è zab pha branthek shii thoh phi srane chai phi.

Romanthek 5:18 ပူးပေါင်းရင်းမြစ်များ

JON ro Muawie 1:7

Hanyie yi bran shii muchuang chiang yua phi pha ji ro, jiè zab pha bran ai miyao ji nuii srane migi rek ruii phro.

JON ro Muawie 12:32

“Gu shii sohnyiak è chang mage shii, gu zab gui moe hà rai pha ro.” (

JON ro Muawie 3:26

Ji-è ai ne Jon shii wuii srane yao, “Masdo, nathek è yao muii pha bran na rog shii um pha bran ne hayang pha Jordan pha thrang um pha ji na ne thieg chak bey? Ai ne thuh shii khowo phiramuii ro, bran de ai hà wuiiramuii ro!”

Romanthek 3:25

Hamangkhung-aphuii aishii ne phi, ji è phi ne iy pha ji ne branthek migi è ithek layog ne khung ge ro. Hamangkhung-aphuii ne giang chak rone doh yi pha ji rek phi. Igobi è ai ne jum nane branthek layog shii sasab arek ro; jishii thuh pha ishak shii giang chak rone doh yi pha ai è ithek layogthek rog shii rai. Ji duiine Hamangkhung-aphuii è awai shii giang rone doh yi chiih-è hanyie Isu shii migi rek pho izai chak rone yao.

Romanthek 4:25

Nyieliieshii gethek layog chiang è ai iy dun, chiih-è gethek shii Hamangkhung-aphuii rog rangsua ruii pha hòi din phi.

Romanthek 5:12

Layog ne sohjambling shii bran jia chiang è thog, chiih-è ai layog è iy pha ji de awai rog shii yithog. Idohhè shii ne, iy pha ji ne zab pha bran jadthek shii shiiy dun, nyieliieshii zab pha branthek è layog rek.

Romanthek 5:15

Jishii nyi ne ò asi ro, Nyieliieshii Hamangkhung-aphuii ro lei pha lasen Adam ro layog duiine asi ro. Hì ne izai ro, nyieliieshii bran jia layog è bran bajo iy dun. Jishii Hamangkhung-aphuii ro bushun ne muna boh ro, chiih-è airo lei pha lasen ji ne bran jia Isu Masi chiang è bran bajo shii bushun mua.

Romanthek 5:19

Chiih-è nyieliieshii bran jia è miyao anuii pha rek srane doh ne zab pha bran shii layogphothek rey dun, ji duiine doh ne bran jia miyao nuii srane ithek shii Hamangkhung-aphuii rog giang rai yi.

Romanthek 6:14

Layog ne nathek ro Ithong arab rabo; chiih-è nathek ne Iphey iliing shii arai ro jishii Hamangkhung-aphuii ro bushun iliing shii ro.

1 Khorinthek 15:22

Chiih-è zab pha branthek ne Adam rog shii ò rek ne iy dun pha duiine, ji duiine gethek zab ne chai shii hòi ruii nyieliieshii ithek ne Masi rog shii ro.

Hebriuthek 2:9

Jishii Isu shii doh. Hanyie shii ai de ìujia ishak hamangkhliiethek è ìu rab ro, ji è Hamangkhung-aphuii ro bushun è ai ne zab chiang iy dun. Airo iy pha diig chiang ji è ai ne thuh rago rog pha biisiie nane ilab mua pha aishii doh muii ro.

2 Phithar 1:1

Isu Masi ro khiao nane guaphasamoy, Simon Phithar re-è— Hanyie yi gathek ro Hamangkhung-aphuii nane Ragia Isu Masi pha rangsuathek ji è gathek ro igong migi duiine hanyie shii phi pha ji shii hìpha jigi phijong ro:

1 Jon 2:20

Jishii nathek shii ne Masi è jiie pha Ragung So um ro, chiih-è ji è nathek ne zab izai shii ìd.