Romanthek 13:1 - Iwo Surua Mua Wie Pha Bible

¹ Zabjia ne soh pha riichaithek nuii chid, nyieliieshii Hamangkhung-aphuii è ayung pha ne nyie riichaithek arab ro, chiih-è nyie riichaithek thuh shii ruii pha ji ne Hamangkhung-aphuii è ro.

Romanthek 13:1 ပူးပေါင်းရင်းမြစ်များ

Methiu 6:13

Gathek shii buii achai yi rabo, chiih-è, gathek shii Awie Jia è ragia rek phi bo.>

JON ro Muawie 19:11

Isu è chang, “Na è gu lakhung shii riichai rek pha ji ne nyieliieshii Hamangkhung-aphuii è na shii phi. Ji-è bran hanyie è gu shii na wad shii phi muii pha ji ne awie pha layog ichiig shii phi muii.”

Bliathek 2:41

Ji è yao mage shii, bran giak è ne ji pha mua ne izai now gieng ne khowo phi yi, chiih è, ji phado shii itham uom pha branthek de ji pha ibrog shii dog gieng dun.

Romanthek 12:21

Awie pha è na shii ayang yi rabo; ji pha chiang shii, wie è buii shii yang bo.

Romanthek 13:2

Hanyie è thuh pha riichai anuii pha rek arone Hamangkhung-aphuii è nyie yung pha ji shii de anuii pha rek ro; chiih-è hanyie magunde anuii pha rek arone ai è chua ruii phro.

Iphisithek 5:21

Nyieliieshii nathek Masi shii ilab rek rone, nawaithek chung phi rai bo.

1 Thimothi 2:2

sajathek chiih-è zab gaithek hanyie shii riichai umpha, ji è gethek aropha chiih-è liijiing re-è Hamangkhung-aphuii shii ilab rek rone wie giang re-è sieng mua phro.

Thaidas 3:1

Nawai bran shii bohkhophothek shii phi pha chiih-è riichaithek shii nuii pha nowkhlei yi bo, chiih-è zab lumuii shii wie rek pha saro yi bo.

JUD ro Jigigam 1:8

Hì duiine, jipha branthek shii ne miegriig pha um jipha chiang è awaithek ro siu zea shii layog rek ro; ithek ne Hamangkhung-aphuii ro riichai shii snai, lakhung pha biisiiethek shii raipho shii de makhak-riing ro.

Dong 1:5

chiih-è Isu Masi è, isiie khagi, igobi iy pha ji re-è hòi ne hanyie yi sohjambling pha sajathek lakhung shii khoh ro. Ai ne gethek shii miie ro, chiih-è airo iy ne zid pha ji è ai è gethek ro layogthek è ichad rek

Dong 17:14

Ithek ne shiishaiduii suang shii mak rek ruii phro; jishii shiishaiduii, ne ai è ho pha rog ò shii, guajong pha, chiih-è isiie luagiengphothek ne ithek re-è yang ruii phro, nyieliieshii ai ithongthek pha Ithong ro chiih-è sajathek pha Saja ro.”

Dong 19:16

“Sajathek pha Saja nane ithongthek pha Ithong rone: airo yung nane airo laphak shii ne ibeng zey ro.”