Philimon 1:24 - Iwo Surua Mua Wie Pha Bible

²⁴ chiih-è ji-è gu rog bliapho Marg, Aristharkhus, Demas, chiih-è Lug salamthek thoh ge ro.

Philimon 1:24 ပူးပေါင်းရင်းမြစ်များ

Bliathek 12:12

Ji pha ishak than mage ne ai ne Mery, Jon Marg pha Amuii pha hò, bran brog khrab ne sia ne rai iang pha hò hà wuii thog dun.

Bliathek 12:25

Barnabas nane Saul de awai sa shii boh pha bliathek rek ched marui ne Jon Marg shii noh ne Jerusalem è idoh dun thog din.

Bliathek 13:13

Phaul nane ai ijakthek ne Phaphos è Pherga pha phamphylia rajan shii run è in ne wuii thog ruii shii, thiichiih shii Jon Marg è ithek shii thoh marui ne Jerusalem hà dun din dun.

Bliathek 19:29

Ji pha mua ne ji pha rajan shii zab yoi thog dun. Mesidonia pha bran nyi, Gaius nane Aristharkhus Phaul rog luagieng pho shii zum ne bran ithua ugud hà noh dun.

Bliathek 27:2

Ji-è, gathek ne Adramythium pha kho ring hà ran ne Asia hà ran pha run um iang pha du-ùa wuii thog ne in ne wuii dun. Ji è wuii shii gathek rog shii Mesidonian Thesalonikha hà rai pha bran jia de gathek rog shii wuii gieng. Ai beng ne Aristharkhus ro.

2 Khorinthek 8:23

Thaidas ne, ai ne guro ijak nane nathek shii nong phi pha gu rog shii blia rek gieng; gai khuiinothek duiine hanyie è ai rog shii wuii gieng, ithek è jijia charchthek pha bran ro chiih-è Masi ro biisiie shii yi.

Philiphithek 2:25

Gu è nowjong gathek ro ikhuii Ephaphrodithus shii nathek hà thoh ge phane mugak ro, hanyie yi blia rek ne gu chiang shii ragung pha mak rek ne hanyie yi nathek ro muapho duiine gu shii nong phi ne blia rek phi ro.

Philiphithek 4:3

Chiih-è na shii de, guro isiie ijak, nathek ne hì pha hò-amuii shii nong phi bone gu yang muii ro; nyieliieshii isa ne Khlementh nane zab gai guro ijak bliaphothek hanyie ro ibeng yi Hamangkhung-aphuii ro chai pha siog shii um pha ji shii, chiih-è gu rog mua shiiy pha ji shii snak ne blia rek gieng.

Kholosithek 4:10

Aristarchus, hanyie yi gu rog shii phatheg hà ro, nathek shii salamthek phi ro, chiih-è Marg è de rek ro, hanyie yi Barnabas ro khuiino ro. (Ai è nathek lumuii shii wuii arone nathek ne Marg shii wie ho pha muyuathek ne mua jong.)

Kholosithek 4:14

Lug, gethek ro bushun pha mapho nane Demas è de salamthek yao ne ren ge ro.

1 Phithar 5:13

Babylon hà um pha charch de, Hamangkhung-aphuii gua pha ji è, chiih-è gu dufuii Marg de, nathek shii salamthek thoh ge ro.

3 Jon 1:8

Chiihphado, gethek Masipho hìpha branthek shii nong phi chid, ji anine ithek è zai pha blia rek pha ji shii gethek de mathang rey ruii.