Marg 6:34 - Iwo Surua Mua Wie Pha Bible

³⁴ Isu run è fuang lung mage shii, thiichiih shii bajo ibrog um iang mage ne ai lubu ne iy dang pha bushun now dun phro, nyieliieshii, ithek ne brogpho oi pha shiishai duiine um iang, jiè ai ne, ithek shii bajo miyao jao ne yua.

Marg 6:34 ပူးပေါင်းရင်းမြစ်များ

Methiu 14:14

Isu run è fuang lung ne, ai boh ibrog riig mage shii, ai lubu ne nathek shii bushun now dun, chiih-è hanyie radpho shii ai è gang phi.

Methiu 15:32

Isu è awai samoythek shii ho srane yao, “Gu ne ichiih pha branthek shii bajo bushun now muii ro, nyieliieshii, ithek de gu rog shii inai da-um rey sha pha rai gieng dun ro, thuh shii ithek shii chie pha nyie de oi sha ro. Gu ne nathek shii nyie de achie yi pha dun ge pha anow ro, yang ne ithek ne lumuii hà chi-iy ne thud pha de um phro.”

Methiu 9:36

Ai ibrog ji doh mage shii, ai lubu hà ithek shii bushun now dun, nyieliieshii, ithek ne samdiig nane nong-oi pha rey dun. Brogpho oi pha shiishai duiine rey dun.

Marg 6:33

Ji è rek magunde, Isu chiih-è samoythek ne ithek moe è yo pha rek muii rone ibi than dun, chiih-è, Isu ne hanyie ga ji thieg muii pha ji è, ithek ne gai thiig è dong ne lua pha lumuii è ran srane Isu chiih-è ai samoythek wuii thog pha ibi hà rai iang phro.

Marg 6:35

Ji è rek ne rai shii, bajo chia dun pha ji è habjuang re sha pha rek mage ne, ai samoythek è ai moe shii wuii srane yao, “Gethek ne bajo chia jong dun ro, ichiih shii ne thiigthek de inui oi pha ithua ro.

Marg 8:1

Din shii de ithek ne Isu miyao nuii pha bajo wuii thog ne rai dun. Chiihphado thiichiih shii ithek chie pha nyie de oi, jiè Isu ne samoythek shii ho srane yao,

Marg 8:2

“Gu ne hìthek pho shii bajo bushun now mua ro, nyieliieshii ithek de gu rog shii rai ne inai da-uom re sharo, jiè chie pha nyie de oi pha re dun ro.

LUG ro Muawie 9:11

Ibrogthek è ji yoi srane ithek de ai rog shii luagieng. Ai è ithek shii wie ho srane, Hamangkhung-aphuii pha Sajathua ji yao srane hanyie è chid pho shii gang phi.

Hebriuthek 2:17

Hì pha miyaosiu è airo Hamangkhung-aphuii blia shii branthek ro layogthek ne khung mua phi pha ithek ro migithek nane bushunthek pha kho Phabi rey pha zab pha lumuii shii airo khuiinothek duiine rey dun.

Hebriuthek 4:15

Gethek ro Kho phabi jine luang jia de gethek ro zia pha rog shii bushun arey mua sapho asi ro. Ji phachiang shii, gethek shii kho phabi um hanyie shii ne gethek chiang zab pha lumuii shii chuajan jong ro, jimagunde layog arek ro.