LUG ro Muawie 9:5 - Iwo Surua Mua Wie Pha Bible

⁵ Khihà magunde branthek è nathek shii wie aho arone, ji pha thawun thoh muii srane nathek lai pha nyiakphlab ji yi kham marui bo, ji ne ithek shii phriie phro.”

LUG ro Muawie 9:5 ပူးပေါင်းရင်းမြစ်များ

Methiu 10:18

Gu chiang è nathek shii chua pha bohkhohphothek nane sajathek moe noh ruii phro, chiih-è Mua Wie ji nathek shii nane gai bran shii yao bo.

Marg 6:11

Chiih-è nathek ne khi pha thiig shii wuii thog shii, ji pha thiigpho è nathek miyao nuii ne ithek shii ho ne arai yi arone, ithek ne ji pha thiig thoh ne dun juang shii, nawai thek lakhia pha nyiakphlab thiichiih kham ne fen srane dun marui bo. Ji rek phane ithek shii diig thog yi pha phriie marui phro.”

Marg 9:37

“Hanyie magunde, gu beng è hì pha ani shii ho arone, ai ne gu shii de ho ruii phro, chiih-è, hanyie è gu shii ho arone, ai ne hanyie è gu shii thoh ge pha ji shii de ho phro.”

LUG ro Muawie 10:16

Isu è awai samoythek shii yao, hanyie è ithek shii nuii pho ne, gu shii de nuii, hanyie è ithek shii snai arone gu shii de snai phro, chiih-è hanyie è gu shii snai arone gu shii thoh ge pha ji shii snai phro.

LUG ro Muawie 5:14

Isu è aishii yao, “Hì pha miyao yi hanyie shii de ayao rabo, jimagunde phabi shii miang wuii ne nawai shii doh yi bo, chiih-è zab pha moe shii wie ge rone doh yi bo, chiih-è Moses muyung pha duiine mizid zid phi bo.”

LUG ro Muawie 9:4

Nathek shii khihà wie ho ruii, ji pha hò shii athoh sapho shii ne ithua jia shii rai bo;

LUG ro Muawie 9:48

Chiih-è ithek shii yao, “Hanyie magunde hì pha ani shii gu beng è wie ho arone, ai gu shii de wie ho phro, chiih-è hanyie è gu shii wie ho arone, gu shii thoh ge pha ji shii de wie ho ro. Ji è nathek duchoi shii hanyie ai yi zab ìu ga ai ne zab è boh ro.”

Bliathek 13:51

Guaphasamoythek è awaithek lai pha nyiakphlab kham srane ithek shii gidieg rek marui ne Ikhonium hà wuii dun.

Bliathek 18:6

Ithek ji yoi ne aishii anuii pha rek ne awie pha yao mage ne, ai ne awai yung pha phlab ji sham srane yao, “Nathek sand dun arone, ji ne nawaithek shii the din bo! Ji rey pha gaja ne gu ashi phro. Sudoh è thiwing gune Gaibranthek shii wuii dun phro.”