LUG ro Muawie 9:35 - Iwo Surua Mua Wie Pha Bible

³⁵ Goh jia yi sakhamiing è yao ruii, “Hì ne guro Dufuii ro, gu mugua ne ruii ro, ji è aishii nuii bo!”

LUG ro Muawie 9:35 ပူးပေါင်းရင်းမြစ်များ

Methiu 12:18

“Ichiih hì ne gu mugua ne ruii pha khiao ji ro, hanyie shii gu ne bajo bushun rek ne bajo nyu pha ji ro. Gu ne gui ragung ai lakhung shii phi, chiih-è ai ne Sohthek shii guro chua miyao yao phi ruii phro.

Methiu 3:17

Chiihphado gow yi hamangkhung re-è yao, “Hì ne guro bushun Dufuii ro, hanyie shii gu è nyu pha ji ro.”

Marg 1:11

Chiih-è hamangkhung è goh jia yao ruii, “Na ne guro bushun pha Dufuii ro, na shii gu ne bajo miie ro.”

LUG ro Muawie 3:22

Chiih-è Ragung So de thazam ai siu lakhung shii pha ro duiine wuii thog. Chiih-è Hamangkhung è yao ruii, “Na ne guro miie pha dufuii ro. Chiih-è gu ne na shii sang muii ro.”

LUG ro Muawie 9:34

Ai ji è yao ramuii shii, sakhamiing thab srane ithek ragia rog shii chiieg muii; chiih-è sakhamiing è aishii thab mage ne airo samoythek ne rum dun.

JON ro Muawie 12:28

Aphuii, na beng pha biisiie yi bo!” Chiihphado hamangkhung è yao, “Gu è airo biisiie yijong ro, chiih-è de dinne gu rek ba pha ro.”

JON ro Muawie 3:16

Chiih-è Hamangkhung-aphuii è sohjambling shii bajo miie rek ne awairo Dufuii iphen jia ji de phi muii, jiè hanyie magungde aishii migi rek arone ji pho ne khuchung de a-iy phro, jishii idang pha chai mua ruii phro.

Hebriuthek 2:3

Gethek è Bajobo giawo shii isiie arek arone khi-è-rek ne, yoh ne khia magey phlei? Ithong awai igobi giawo hì yao bi, chiih-è hanyie è aishii hì yoi gathek ne izai rone khagi rek phi.

Hebriuthek 3:15

Hì ne jigi è nyie yao: “Nathek ne sdoh Hamangkhung-aphuii goh yoi arone, nathek ro blangthek è Hamangkhung-aphuii shii suang rek pha ishak shii rek pha duiine nathek ne lawasdai arek rabo.”

Hebriuthek 5:9

Ai ne khriig rab magey shii ai ne hanyie è aishii nuiipho ro idang pha giawo pha ithua rey,