LUG ro Muawie 7:41 - Iwo Surua Mua Wie Pha Bible

⁴¹ Isu è jao ne yao, “Buyo buyo shii bran nyi è bang chei pho è bang chei phi, jia è aishii liiman pha sikhi wieng guii chei, chiih-è bran yoh jia ji è saguii chei.

LUG ro Muawie 7:41 ပူးပေါင်းရင်းမြစ်များ

Methiu 18:28

Chiihphado è ji pha bran de awai khiao ijiiak hanyie shii bang mua pha um pha ji shii lia pha wuii dun. Ai è awai ijak ji shii zum srane bang chiie dun pha ji phi bone khang. Ai è yao, “Na è gu bang chiie dun pha ji jog phi mage bo!”

Methiu 6:12

Gathek shii ithek è rek pha ichiigthek shii khungphi pha duiine, gathek è rek pha ichiigthek shii de khung phi bo.

Marg 6:37

Isu è yao, “Nathek ne ithek shii chie pha phi mage bo.” Ithek è Isu shii sai, “Gathek è bajarai hà wuii srane liiman simedthek wieng nyi pha iweb pheg ne phi ne chie yi pha yang bey?”

LUG ro Muawie 11:4

Gathek layog shii khung phi bo, gathek de ithek asi pha rek pha ji shii khung phi ro. Chiih-è gathek shii nang chua pha aphi rabo.

LUG ro Muawie 12:48

Jishii ithong è nyie chiid pha ji khiao hanyie è athieg ba arone, chiih-è thuh midijia zuang sapho rek magunde ìu zuang bie yi pha ro. Bajo phi ne ruii pha bran shii bajo chid din ruii phro, bajo phi ne ruii pho shii bajo lia ruii phro.

LUG ro Muawie 13:4

Siloam shii miyao heg cho srane bran snamileo iy dun pho jishii nyie khi-èrek now lei? Nathek ne inow bey? Nathek ne Jerusalem pha zab pha bran è buii ro inow bey?

LUG ro Muawie 7:40

Isu gang è aishii yao, “Simon, gu na shii nyie magunde yao pha um ro.” “Simon è chang, Masdo, Yao mage bo.”

LUG ro Muawie 7:47

Ji è, gu na shii yao, airo bajo miie pha ji è airo layogthek ne khungjong ge ro è doh yi ro. Jishii layog ìujia khung bie pha ne, airo miie pha de ìujia bie rone doh yi phro.”

Romanthek 3:23

Zab pha bran è layog rek chiih-è Hamangkhung-aphuii ro biisiie è ruang dun marui.

Romanthek 5:20

Ichiig ne bajo rey yi pha Iphey doh yi phro; jishii khihà layog bajo rey, Hamangkhung-aphuii ro bushun ne dinne de bajo rey ruii phro.