LUG ro Muawie 7:33 - Iwo Surua Mua Wie Pha Bible

³³ Jon Khowo phi pha ji wuii thog ne, chiih-è ai ne minyie nyie srane phuii de aniing, chiih-è ithek è yao, ‘Ai iliing shii ne ibuii um ro!’

LUG ro Muawie 7:33 ပူးပေါင်းရင်းမြစ်များ

Methiu 10:25

Ji-è, samoy ne Masdo duiine rek pha ji ne chodang pha rek bo, khiao de awai Ithong duiine rek bo. Haliingpha khrug shii Ibuii rone ho arone, ji pha haliingpho branthek shii bajo buii ibeng ho phro.

Methiu 3:1

Jipha ishak shii Jon Khowa phi pha bran de Juda pha balimuang shii wuii thog ne jao ne yua,

Methiu 3:4

Jon ne ùd pha iman è rab pha yung guii ne rai ro; ai ne sukhug pha rathang re-è awai rinyi shii riieng ne rai ro; chiih-è ai michie ne muroma nane chimudkho ro.

Marg 1:6

Jon ne ùd pha iman è rab pha yungthek guii, ai rinyie shii ne shukhug pha rathang ring ro. Ai ne muroma chiih-è jabiing chumud chie ne rai ro.

LUG ro Muawie 1:15

Ai ne Ithong mieg moe shii bajo boh bran rey ruii phro. Chiih-è ai ne phuii wegthek de aniing phi phro. Nyagiak dang pha idoh aishii ne Ragung So è ley dun phro,

LUG ro Muawie 7:32

Ithek ne bajarai pha ithua shii dug ne rai pha aniphiing duiine ro. Gai ibrog è gai shii ziak srane yao, ‘Gathek ne phiyiy pha ben nathek shii khuang phi, jishii nathek è asiu! Gathek è bi-iy ibai bai shii ithek è achoh phi!’

LUG ro Muawie 7:34

Bran Dufuii yi wuii thog mage ne, chiih-è chie niing shii, ithek è yao, ‘Hì pha bran shii riig bo! Ai ne sugow ne chie niing pha jia ara, chiih-è ai ne mijin than phothek nane layogthek pha ijak ro è yao!’

JON ro Muawie 10:20

Bajo giak bran è yao, “Aishii ne ibuii um ro! Ai ne ibiu ro! Nyie rek ne nathek ai miyao nuii phlei?”

JON ro Muawie 8:48

Ithek è Isu shii sai, “Na ne Samarithan rone chiih-è na shii ne ibuii um rone gathek shii yao pha rangsua oi bey?”

JON ro Muawie 8:52

Ai è aishii yao, “Gathek ne thieg jong na shii ne ibuii um! Abraham de iyjong, chiih-è chaig pho de iyjong, Jishii ithek è yao hanyie è ithek muyua nuii arone khuchung de a-iy phro.”

Bliathek 2:13

Jimagunde giak è ne migiphothek shii siakjo srane yao, “Hì thek pha branthek ne phuii niing ne thiig ara ro!”