LUG ro Muawie 6:3 - Iwo Surua Mua Wie Pha Bible

³ Isu è ithek shii chang, “Nathek ne Dawid nane ai branthek chi-iyiy mage shii nyie rek pha ji atham ba bey?

LUG ro Muawie 6:3 ပူးပေါင်းရင်းမြစ်များ

Methiu 19:4

Isu è chang, “Jao pha ji è Rabpho è bran shii bufuii bimi rab phrone yao pha jigigam ji atham ba bey?”

Methiu 21:16

Ji-è, ithek ne Isu shii sai, “Na de ithek è nyie yao ramuii pha ji yoi chak bey?” Isu è chang, “Gu de yoi chak ro.” “Nathek ne hì pha jigigam ji atham riig bey? Nathek ne aniphiing nane aniphiing shii wie è chiong pha yua jong.”

Methiu 21:42

Isu è ithek shii yao, Nathek ne jigigam shii nyie yao pha ji atham bey? Rungpho è lubao shii Adunmey rone snai muii pha ji ne zab è de bajo miigak lubao rey dun ro. Hì ne Ithong è rek phi ro; Hì ne khama khie doh pha blia ro!

Methiu 22:31

Thuh shii, iy pha ji chai sieng ruii pha chiang shii: Hamangkhung-aphuii è ithek shii nyie yao pha ji ne nathek atham riig bey? Ai è yao,

Methiu 4:2

Sawi Inaithek nane ibiuthek nyie de achie pha rai ne, Isu ne chi-iyiy dun.

Marg 12:10

Nathek de hì pha jigigam atham bey? Rungpho è lubao awie rone snai muii pha ji shii ne zab è de mugak re dun phro.

Marg 12:26

Iy pho ne hòi ruii phro, ithek ne jabiing hòi pha Moses ro Jigigam ji shii atham bey? Thiichiih shii zey phro Hamangkhung-aphuii è Moses shii yao, ‘Gune Abraham ro Hamangkhung-aphuii ro, Isakh ro Hamangkhung-aphuii ro, chiih-è Jakhob ro Hamangkhung-aphuii ro’ Ai è ji yao shii ne bajo idam ibi hà ithek ne iy jong ro.