LUG ro Muawie 22:8 - Iwo Surua Mua Wie Pha Bible

⁸ Isu è Phithar nane Jon shii airo Hiìadun pha michie ji khriig rek iang bo è yung ne thoh ge.

LUG ro Muawie 22:8 ပူးပေါင်းရင်းမြစ်များ

Methiu 3:15

Jishii Isu è aishii yao, “Thuh shii hì è rey yi bo. Chiih-è hì duiine gethek ne Hamangkhung-aphuii è chiid pha ji zab rek mua.” Ji-è Jon è nuii.

LUG ro Muawie 1:6

Ai ne Hamangkhung-aphuii mieg moe shii wie sieng ne rai. Chiih-è Ithong pha Iphey nane muyungthek nuii ne rai.

LUG ro Muawie 22:9

Ithek è aishii sai, na è gathek shii khi hà khriig rek bo è yang lei?

Bliathek 3:1

Inai jia pha habjuang ishak uom shii, Phithar nane Jon ne Misiahò hà sia pha ishak shii wuii dun.

Bliathek 3:11

Bran ji è Phithar nane Jon shii kho ne Solomon è rab pha ithua shii riu mage shii, branthek ne wiengphleg ne ithek moe shii riig pha ran thog.

Bliathek 3:3

Ji pha bran è Phithar nane Jon shii iliing wuiiramuii pha doh mage ne bang phi bo ne lia.

Bliathek 4:13

Thiichiih um pha limiangthek ne Phithar nane Jon è chua mua ne yao pha ji doh mage ne bajo wiengphleg dun, nyieliieshii, ithek ne jigi azey pha bran ro. Ithek è ithek ne Isu rog shii rai gieng pha bran rone thieg dun.

Bliathek 4:19

Ji è gak magungde, Phithar nane Jon è ithek shii chang, “Nathek ne nawaithek lubu shii nowbthan ne chua mage bo, Hamangkhung-aphuii moe shii nyie miyao ji ne izai bey? Nathek miyao ji nuii ne rek shii wie pha um bey? Asi, Hamangkhung-aphuii miyao ji nuii ne rek shii wie pha um bey?

Bliathek 8:14

Jerusalem pha guaphasamoy è Samaria pho de Hamangkhung-aphuii pha miyaogam ji shii migi now pha yoi mage shii ithek è Phithar nane Jon shii thiisa thoh ge.

Galathithek 2:9

Jems, Phithar nane Jon hanyie shii dumuiithek doh yi ne Hamangkhung-aphuii è gu shii blia wie phi rone ìd yi; ji è ithek ne Barnabas nane gu rog shii wadthek chiiang rai, jine gathek zab ne ijak rone doh yi, Gathek è nuii rai Barnabas nane gu ne Gaibranthek shii blia rek pha ro, chiih-è ithek yi Jewthek duchoi shii blia rek pha ro.