LUG ro Muawie 20:17 - Iwo Surua Mua Wie Pha Bible

¹⁷ Isu è ithek shii riig srane sai, “Chiihphado, hì pha jigigam ne nyie zey phlei? ‘Rung phothek è lubao shii awie ro è snai muii pha ji ne dinne zab è bajo mugak lubao rey din.’

LUG ro Muawie 20:17 ပူးပေါင်းရင်းမြစ်များ

Methiu 21:42

Isu è ithek shii yao, Nathek ne jigigam shii nyie yao pha ji atham bey? Rungpho è lubao shii Adunmey rone snai muii pha ji ne zab è de bajo miigak lubao rey dun ro. Hì ne Ithong è rek phi ro; Hì ne khama khie doh pha blia ro!

Marg 10:23

Isu è awai samoythek shii shan srane riig ne chiih-è ithek shii yao, “Bukho branthek ne Hamangkhung-aphuii ro Sajathua shii khud phane bajo diig ro.”

Marg 12:10

Nathek de hì pha jigigam atham bey? Rungpho è lubao awie rone snai muii pha ji shii ne zab è de mugak re dun phro.

Marg 3:5

Isu è ithek ne lubu siie now ne rai pha thieg ne bajo zo dun, ji-è, ai ne lijieg srane ithek shii shan srane riig mage ne wad zi ne rad pha ji shii yao, “Na wad ne gu shii phia mage bo,” ai è wad phia mage shii, ji pha wad ne gang re dun.

LUG ro Muawie 19:41

Ai ji pha rajan moe hà wuii thog mage shii, chiih-è ai ji pha rajan shii riig srane choh,

LUG ro Muawie 22:37

Ji-è gu nathek shii yao, jigigam shii yao pha duiine, aishii ne mugo pho rog shii luajong muii ro. Gu shii nyie yao pha ji ne izai rey phro, nyieliieshii jigigam shii zey pha ji ne izai thog ruii ro.

LUG ro Muawie 22:61

Ithong è Phithar shii rei srane wie riig mage shii, Phithar shii Ithong è aishii sudoh biu khe phuii a-ìo ba pha ibi shii na gu shii uomchiieng athieg ro è yao ruii phro è yao pha ji now khlei.

LUG ro Muawie 24:44

Chiihphado ai è ithek shii yao, “Hì thek zab miyao ne gu nathek rog um ba shii yao mujo phro: Gu chiang shii Moses pha Iphey shii chaigthek è zey pha ji nane suthun shii zey pha ji ne izai rey ro.”

JON ro Muawie 15:25

Hì ne nyie um rey pha ne Iphey shii nyie zey ne um pha ji ne zab izai rey pha ji rek ro: Jimagungde ithek è gu shii khiijai pha ne nyie ichiig de oi ro.

Bliathek 4:11

Isu è jigigam shii zey pha duiine ro, “Khi pha lubao shii chan hò khimphothek è snai muii pha ji ne bajo chid pha lubao rey dun ro.”

Iphisithek 2:20

Na shii ne guaphasamoy nane chaig pha sarong rung phi ro, iring pha lubao ne Masi Isu awairo.

1 Phithar 2:6

Jigigam shii yao, “Gu è igong lubao shii gua, nyie yi gune Zion shii iiriing lubao ruii muii pha duiine ro; chiih-è hanyie è aishii migi rek khuchungde awo phro.”