LUG ro Muawie 19:26 - Iwo Surua Mua Wie Pha Bible

²⁶ Ai è chang, gu nathek shii yao ‘Hanyie shii um magunde aishii ne dinne phi din ruii phro, jimagunde hanyie shii oi magunde aishii ìujia um pha ji de yie din muii phro.

LUG ro Muawie 19:26 ပူးပေါင်းရင်းမြစ်များ

Methiu 13:12

Hanyie shii ìujia um pho shii ne muna phi ruii phro, jiè aishii ne chodang pha um ruii phro; jimagunde hanyie shii nyie oi pho shii ne ìujia um ne de yie dun phro.

Methiu 21:43

Isu è yao din, “Ji-è, gune nathek shii yao phro,” “Hamangkhung-aphuii ro Sajathua ne nathek è riao srane hanyie bran è iwoithek wie woi pha ji shii phi muii phro.”

Marg 4:25

Bran hanyie shii um iang phane, aishii dinne de bajo phi ruii phro, chiih-è, hanyie shii oi iang pha ji shii ne, aishii ìujia um iang pha ji de yie dun phro.”

LUG ro Muawie 16:3

Khiao ji è awai shii yao, gu ithong è gu shii ne blia è khia muii sha pha rek, gu ne nyie khi-èrek sha gua? Gu ne nyiak hiungthek chog mua sapho gang de oi, chiih-è gu ne chayem than pha de wo muii.

LUG ro Muawie 19:25

Jishii ithek è aishii yao, ‘Masdo, aishii ne sikhi sua umjong ro!’

LUG ro Muawie 8:18

Chiihphado, ithek khi è nuii pha ji ne “Wie gayiig bo; nyieliieshii hanyie shii ìujia um pho shii ne dinne muna phi din ruii phro, jimagunde hanyie shii nyie de oi dang magunde aishii nyie um pha ji de yie muii phro.”

Bliathek 1:20

Sthun siog shii zey ne um, “Yangne ai hò ne suloi rey dun phro; yangne ji pha hò shii ne hanyie de arai phi phro.” Chiih è, hì de zey ne um ro, Yangne bran gai è ai blia rek maphi phro.

2 Jon 1:8

Chiihphado, nawaithek shii ragia rek bo, ji è gethek è nyie blia rek pha jine amua pha asi ro, jishii nathek lasen jine ley choi ruii phro.

Dong 2:3

Nathek ne lubu phiang rek, nathek ne gu chiang è diig rek, chiih-è nathek athoh ro.

Dong 3:11

Gu ne khthiie wuii ruii pha ro. Nathek shii nyie um pha ji ragia ruii bo, ji è nathek ro yang pha lasen shii ne ithek shii ariao yi rabo.