LUG ro Muawie 12:28 - Iwo Surua Mua Wie Pha Bible

²⁸ Hì ne saing shii yung guii phi pha Hamangkuhng-aphuii ro hì pha saing ne sudoh ichiih shii um chiih-è thimiang ne shong ne, siphie bai hà fu muii. Ji-è ai ne ithek zab shii ai è de lahuak ne yung aguii phi habey? Nathek shii ne migi ìu um bie ara.

LUG ro Muawie 12:28 ပူးပေါင်းရင်းမြစ်များ

Methiu 14:31

Isu è jog aishii wuii srane aishii kho ne yao, “Nashii ne migi ìujia um ara? Na ne nyie rek pha than phlei?”

Methiu 16:8

Isu ithek nyie yao pha ji thieg, jiè ai è ithek shii sai, nathek ne iweb ayie pha chiang è nyie rek ne yao rai phlei? Nathek shii migi ìujia um ro!

Methiu 17:17

Isu è chang, “Nathek ne migi oì pho nane adunmey pha bran ara! Gu ne nathek rog shii khama chia ne rai gieng phlei? Gu ne nathek rog shii khama khan dam? Jipha bufuii ne ichiih gu moe shii noh mage bo!”

Methiu 17:20

Isu è chang, “Hì ne nyieliieshii nathek migi ne acho ba ne ji mirey ro. Gu è nathek shii izai yao dang phro, nathek migi ne danaro pha iriie jia duiine um arone, ithek è phiingduii hì shii thiisa hà dun bo è yao nede ji ne nyadun dun phro. Nathek ne nyie magunde nyarek mua phro!”

Methiu 6:30

Sudoh ichiih um pha saing ne, thimiang ne oi phro, ji ne bai shii fu ruii phro—Jipha jabiing pha saing shii ne Hamangkhung-aphuii è guii phi ro. Ji re-è de bajo wie nathek shii nyie rek ne aguii phi phlei? Nathek ro migi ìujia ro!

Methiu 8:26

“Nathek ne nyama nyie rek ne rum phlei? Isu è chang, nathek shii ne migi ìujia bie ara ro!” Chiihphado ai sieng srane ji pha hasamthek nane gasauthek shii yung ne them yi. Chiih-è thiisa hà ne boh them dun.

LUG ro Muawie 8:25

Chiihphado ai è awai samoythek shii yao, “Nathek ro migi ne khiisa lei?” Jishii ithek ne wiengphleg ne rum dun, chiih-è awaithek chung yao rai, “Hì pha bran ne hanyie ga? Ai è hasamkhanoi shii de giung mage ne ithek de aishii nuii dang dun!”

Hebriuthek 6:7

Hamangkhung-aphuii è nyiak shii khirzey phi nyie shii blebbleb chiih pha haphie ji è niing chiih-è hanyie shii haipha ai blia rey muii sapho pha misiengthek shii sieng yie.

1 Phithar 1:24

Jigigam shii yao, “Zab pha bran ne saing duiine ro, chiih-è zab ithek ro biisiie ne jabiing pha iibuathek duiine ro. Saing ne gohdun, chiih-è iibuathek ne chiihdun,