LUG ro Muawie 10:22 - Iwo Surua Mua Wie Pha Bible

²² “Gu Aphuii è zab manathek gu shii phijong ro. Chiih-è Dufuii shii hanyie de athieg ro Aphuii mithieg bie ro, chiih-è Aphuii shii de hanyie de athieg Dufuii mithieg bie ro, chiih-è ai è hanyie shii dong phi pha ne Dufuii è gua ne ruii.”

LUG ro Muawie 10:22 ပူးပေါင်းရင်းမြစ်များ

Methiu 11:25

Jipha ishak shii Isu è yao, “Aphuii, hamangkhung nane sohnyiak pha Ithong! Gu Nashii laso phi, nyieliieshii na è khua pho è ug ne ruii pha ji a-ìd pho shii doh yi.

Methiu 11:27

“Gu Aphuii è gu shii zab manathek phi jong ro. Hanyie è dufuii shii athieg ro, Aphuii jijia è thieg bie ro, chiih-è hanyie de Aphuii shii athieg ro, dufuii ne thieg hanyie è dong yi pha gua ne ruii pha ji è thieg bie ro.

Methiu 28:18

Isu è ithek moe inui wuii srane ithek shii yao, “Gu shii ne hamangkhung hà nane sohnyiak pha riichai phi jong ro.

JON ro Muawie 1:18

Hanyiejia de Hamangkhung-aphuii shii adoh ba ro. Hanyie yi Hamangkhung-aphuii duii pha Hamangkhung-aphuii Dufuii iphen ji è doh bie ro.

JON ro Muawie 13:3

Isu ne thieg Hamangkung-aphuii blu ne zab aishii phi ne ruii; chiih-è ai ne thieg ai ne Hamangkhung-aphuii è wuii jiè ai ne Hamangkhung-aphuii hà dun pha ro.

JON ro Muawie 17:10

Zab gu shii um pha ji ne naro ro, chiih-è zab shii um pha ji ne guro ro; chiih-è guro biisiie ne ithek re-è khlieng ro.

JON ro Muawie 17:2

Na è aishii zab pha bran lakhung shii riichaithek phi, jiè ai ne idang pha chai aishii phi pha nathek zab shii phi mua.

JON ro Muawie 17:26

Gu è ithek shii na shii thieg yi pha rab, chiih-è ne athodang pha ro, chiih-è naro miie gu shii um pha ji ne ithek shii de um, chiih-è gu de ithek shii um mua ro.”

JON ro Muawie 17:5

Aphuii! Sohkhung arab ba pha ibi shii guro biisiie ji thuh na um ba shii gu shii phi bo.

JON ro Muawie 3:35

Aphuii è awai Dufuii shii bajo miie rek jiè zab airo blu shii phi muii.

1 Khorinthek 15:24

Chiihphado jong pha ishak thog ruii phro, Masi ne zab luruak khohphothek shii, riichaithek, chiih-è bluthek è yang è hiia ne chiih-è Hamangkhung-aphuii pha Sajathua hà awairo Aphuii wad shii phi muii phro.

2 Khorinthek 4:6

Hamangkhung-aphuii hanyie è yao, “Igiia ne isang chuang ruii phro!” jine ò Hamangkhung-aphuii hanyie è awairo isang gethek lubu shii chuang phi, hì pha blia ne Masi mizia shii Hamangkhung-aphuii ro biisiie chuang pha khani ji gathek shii noh pha rek.

Iphisithek 1:21

Masi ne riichaithek, bluthek nane Ithongthek chiih-è zab pha hamangkhung pha bohkhohthek pha ji shii de khoh ro; ai ne ichiih sohkhung pha riichaithek nane dinpha riichai ibeng shii è de zab è boh ibeng ba ro.

Hebriuthek 2:8

chiih-è aishii ne zab manathek shii bohkhophothek rab phi.” Hì è yao jine Hamangkhung-aphuii è aishii “Zab manathek shii bohkhophothek rab phi” Ji pha miyao è ne zab ne sang è lua ro, jimagunde Gethek ne thuh de bran ne zab manathek shii bohkhopho pha adoh ba ro.

1 Jon 5:20

Gethek ne ìd Hamangkhung-aphuii Dufuii wuii chiih-è gethek shii gao yi pha phi, ji è gethek ne izai Hamangkhung-aphuii shii ìd ro. Gethek ne zai Hamangkhung-aphuii rog ò shii rai—Airo Dufuii Isu Masi rog ò shii rai. Jine zai Hamangkhung-aphuii ro, chiih-è jine idang pha chai ro.

2 Jon 1:9

Hanyie jia è Masi ro muyua rog shii arai pha ji è ruang rey anine, aishii ne Hamangkhung-aphuii oi ro. Hanyie magunde muyua shii rai anine Aphuii nane Dufuii nyimanyi aishii um ro.