Kholosithek 4:18 - Iwo Surua Mua Wie Pha Bible

¹⁸ Hì ne gui wad mizey ro: Phaul re-è salamthek thoh ge ro. Guro shiirnaithek shii abileng rabo! Hamangkhung-aphuii ro bushun ne nathek rog shii um bo.

Kholosithek 4:18 ပူးပေါင်းရင်းမြစ်များ

Romanthek 16:20

Chiih-è Hamangkhung-aphuii è gethek ro liijiing pha lumuii è Sakhathong shii chui srane gethek lai bucho shii ruii muii phro. Gethek ro bushun pha Ithong Isu ne nathek rog shii um bo.

Romanthek 16:22

Gu Therthius, hanyie è jigigam hì zey, Masipho pha salamthek yao ro.

Romanthek 16:23

Gu ro muspho Gaius, hanyie ro hò shii Charch rek muii pha è salamthek thoh ge ro; Rajan pha bang ruiipho; Erasthus, chiih-è gathek ro khuiino Khuarthus è de salamthek thoh ge ro.

1 Khorinthek 16:21

Gui ro wad è hì zey, Phaul è salam ro.

Philiphithek 1:7

Nathek ne idang gu lubu shii um ro! Chiih-è gu rek pha nathek chiang shii than pha ne gu shii khriig um bie ro. Chiih-è Hamangkhung-aphuii è gu shii phi pha jo shii thuh gu ne phatheg hà um shii chiih-è fuang hàne mua shii ragia rek pha nane chuh è rab shii de nathek zab ne mathang um ro.

Kholosithek 4:3

Ji-è Hamangkhung-aphuii è gu shii ne Masi pha ug pha airo mua ji yua mua wie chua phi yi pha ji pha ishak shii gathek shii de sia phi bo. Ji è gu ne phatheg shii ro.

2 Thesalonithek 3:17

Phaul re-è salam phi ro Hì ne gui ro wad è zey: Hì pha lumuii è gune zab jigi shii (cheb) rek; hì duiine gune zey ro.

1 Thimothi 6:21

Giak ne ji um rone yao, chiih-è ji pha chiang è ithek ne migi pha lumuii shii ne sanmuii. Hamangkhung-aphuii ro bushun ne nathek zab rog shii um bo.

2 Thimothi 1:8

Chiihphado, gethek Ithong shii khagi rek pha awo rabo, din ne Isu Masi chiang gu phatheg hà rai pha ji shii awo rabo. Ji phachiang shii, Hamangkhung-aphuii re-è na shii chua phi pha duiine Mua Wie pha diig shii nawai ro ichua rek bo.

2 Thimothi 4:22

Ithong ne nathek ragung rog shii um bo. Hamangkhung-aphuii ro bushun ne zab nathek rog shii um bo.

Thaidas 3:15

Hanyie yie gurog shii um pho zab è nathek shii salamthek thoh ge ro. Gathek ro salamthek de migi pha gathek ijak shii phi bo. Hamangkhung-aphuii ro bushun ne nathek zab shii um bo.

Hebriuthek 13:25

Hamangkhung-aphuii ro bushun ne nathek zab rog rai bo.

Hebriuthek 13:3

Phathegpho shii now srane, nawai de ithek rog phatheg hà duiine now bo. Diigchiaopho shii now srane ithek diigchiaopho ji shii nawai è rad pha duiine now bo.