JON ro Muawie 9:5 - Iwo Surua Mua Wie Pha Bible

⁵ Gu ichiih sohjambling shii um ba shii ne gune sohjambling pha muchuang ro.

JON ro Muawie 9:5 ပူးပေါင်းရင်းမြစ်များ

Methiu 4:16

Igiia hà rai pha bran de bajoboh muchuang ji doh ruii phro. Hanyie yi iy pha igiia soh shii rai pho shii ne muchuang khilieng ruii phro.”

Methiu 5:14

“Nathek ne zab pha sohjambling pha muchuang duiine ro. Phiingduii shii rung pha rajan ne a-ug mua.

LUG ro Muawie 2:32

Na ne muchuang de gaibranthek shii de na è yang pha ji re-è chuang phi, chiih-è nawairo Israel pha branthek shii de biisiie rek phi.

JON ro Muawie 12:46

Gune sohjambling shii muchuang rey ne wuii ruii phro, ji è hanyie magungde gu shii migi rek arone, ai ne dinne igiia hà arai sha phro.

JON ro Muawie 8:12

Isu è Pharisithek shii yao din. Ai è yao, “Gune sohjambling pha muchuang ro,” Ji-è hanyie è gu rog shii luagieng arone ai ne ji pha chai muchuang mua ruii phro, chiih-è ai ne khuchung de igiia hà alua din sha phro.

Bliathek 13:47

Hamangkhung-aphuii è gethek shii hì pha Iphey phi ne ruii: “Gu è na shii ne Gaibranthek pha muchuang rab jong ro” “Ji-è, sohjambling pho de zab ragia nyarey mua phro.”

Bliathek 26:18

Nane ithek mieg hong phi ne igiia è isang hà rai yi chid phro, chiih-è Sakhathong pha blu è Hamangkhung-aphuii shii rai yi chid phro. Ji arone, awaithek è gu shii migi now pha ji è awaithek layog khung dun srane Hamangkhung-aphuii gua pha branthek rog rai pha ithua mua ruii phro.

Bliathek 26:23

“Masi ne diig rek chid phro, chiih-è, iyjong pha è de igobi hòi din phro, chiih-è Jewthek nane Gaibranthek shii de muchuang pha giawo yao ruii phro.”

Iphisithek 5:14

Chiih-è zab nyie yi sang dong khlei ruii pha jine muchuang rey ruii phro. Ji-è hì ne yaojong ro, “Sieng mage bo” men pho chiih-è iy pha ji è hòi mage bo, Chiih-è nathek lakhung shii Masi ne khlieng ruii phro.

Dong 21:23

Rajan ne ai lakhung shii chuang pha hasiang nane habie ne achiid ro, nyieliieshii Hamangkhung-aphuii ro biisiie ne ai lakhung shii chuang ro, chiih-è Shiishaiduii awai ne muchuang ro.