JON ro Muawie 8:25 - Iwo Surua Mua Wie Pha Bible

²⁵ Ai è aishii sai, “Na ne hanyie lai?” Isu è chang gune igobi è yaojong pha ji ro.

JON ro Muawie 8:25 ပူးပေါင်းရင်းမြစ်များ

LUG ro Muawie 22:67

Ithek è yao, “Gathek shii yao riig bo,” Na ne Masi bey? Ai è chang, gu è nathek shii yao magunde, nathek è gu shii migi anow phro;

JON ro Muawie 1:19

“Na ne hanyie lei?” Ne sai pha Jewish riichai è Jerusalem pha phabi nane liwithek shii Jon moe hà thohge.

JON ro Muawie 1:22

Chiihphado ai è aishii yao, “Na gathek shii yao riig bo na ne hanyie lei?” Nyieliieshii na è nawai shii nyie ro è yao lei? Nashii sai yi pha gathek shii thohge pho shii gathek de nyayao mua phro.

JON ro Muawie 10:24

Thiichiih shii bran wuii khrab thog ne aishii sai, “Na ne dinne de gathek shii khinyma nowdak ne rai ba yi habey? Gathek shii sang yao mage bo: Na ne Masi bey?”

JON ro Muawie 19:9

Chiih-è ai dinne awairo bohhò hà iidoh dun srane Isu shii sai, “Na khi è wuii phlei?” Jimagungde Isu è achang.

JON ro Muawie 8:12

Isu è Pharisithek shii yao din. Ai è yao, “Gune sohjambling pha muchuang ro,” Ji-è hanyie è gu rog shii luagieng arone ai ne ji pha chai muchuang mua ruii phro, chiih-è ai ne khuchung de igiia hà alua din sha phro.

JON ro Muawie 8:24

Ji-è gu nathek shii yao nathek ne Nawai layog è iy ruii phro. Chiih-è nathek ne Gune hanyie gu ji rone migi anow arone Nawai layog è iy ruii phro.

JON ro Muawie 8:26

Gu ithek shii bajo yao pha de um ro, chiih-è gune ithek shii bajo nin pha miyao de um ro. Gu shii thoh ge pha ji ai ne izai chak ro, gune sohjambling shii nyie yao pha ji ne ai è yoi ne yao bie phro.