JON ro Muawie 8:20 - Iwo Surua Mua Wie Pha Bible

²⁰ Isu è Hamangkhung-aphuii ro Misiahò hà yua shii bang zid pha japhothek ruii pha ùgud ji hà yao phro. Chiih-è thiichiih shii hanyie è de aishii azum, nyieliieshii airo ishak ne athog ba.

JON ro Muawie 8:20 ပူးပေါင်းရင်းမြစ်များ

Methiu 26:55

Chiihphado Isu è bran ibrogthek shii yao, “Nathek ne gu ne Iphey shii adunmey pha blia rek pha duiine gu shii sudoh zum pha ji è khamriie nane miichangthek han ne wuii chid ne bey? Inai tham ne gu ne nathek moe shii Misiahò hà yua ne rai habuii shii nathek è gu shii azum.

Methiu 27:6

Boh phabithek è sikhithek chiing srane yao, “Hì ne ifai pha bang ro, chiih-è hì ne Misiahò pha bang rog shii ruii pha ji ne gethek Iphey shii gidieg rey dun phro.”

Marg 12:41

Isu yi Hamangkhung-aphuii ro Misiahò pha mizid gam moe shii dug ne rai ramuii shii, ai è bukho branthek ne bajo bang zid pha doh ruii;

Marg 12:43

Ji è doh mage ne Isu è awai samoythek shii awai moe shii ho srane yao, “Gune nathek shii izai yao dang phro, hì pha dusho misiung ne mizid pha gam ne bran shii gai re-è ne zab è de bajo muna zid phro.

LUG ro Muawie 20:19

Iphey yao pha masdothek nane boh phabithek Isu è ji pha miyao ne ithek shii gidieg rek ne yao phrone thieg ne ji pha ithua shii zum pha bidiang, jimagunde ithek ne branthek shii rum.

LUG ro Muawie 21:1

Isu è shan ne riig ramuii shii bukho branthek de Jewthek misiahò pha mizid japho ji shii lasen chabramuii pha doh,

JON ro Muawie 10:39

Ithek è aishii dinne zum pha rek shii, jishii Isu ithek wad è thua mua ne dun dun.

JON ro Muawie 2:4

Isu è chang, “Nathek ne gu shii ayao chid rabo gune nyie rek chid,” “Guro ishak ne thuh de athog ba ro.”

JON ro Muawie 7:14

Sai pha ji yi khuyo jong sha pha rek shii, Isu è Hamangkhung-aphuii ro Misiahò hà wuii srane jao ne yua ramuii.

JON ro Muawie 7:30

Chiihphado ai yao ramuii pha ishak shii ai è aishii zum pha rek, jimagungde ai hanyie è de aishii azum, nyieliieshii airo ishak ne arey ba.

JON ro Muawie 7:44

Giak bran è ai zum pha now, jimagunde hanyie è de aishii azum mua ro.

JON ro Muawie 7:8

Na ne ji pha Sai pha ji shii wuii bo. Gune ji pha Sai pha ji shii awuii ro, nyieliieshii guro rangsua ishak ne athog ba ro.”

JON ro Muawie 8:2

Ji pha thimiang pha hamiang shii ai iidoh Hamangkhung-aphuii Misiahò hà wuii dun. Zab branthek ne aishii shan ne khrab, chiih-è ai de dug srane ithek shii jao ne yua.

JON ro Muawie 8:59

Chiihphado ai è lubao chiing srane aishii chao pha rek, jimagungde ai è ug srane Hamangkhung-aphuii Misiahò thoh ne dun marui.