JON ro Muawie 8:12 - Iwo Surua Mua Wie Pha Bible

¹² Isu è Pharisithek shii yao din. Ai è yao, “Gune sohjambling pha muchuang ro,” Ji-è hanyie è gu rog shii luagieng arone ai ne ji pha chai muchuang mua ruii phro, chiih-è ai ne khuchung de igiia hà alua din sha phro.

JON ro Muawie 8:12 ပူးပေါင်းရင်းမြစ်များ

Methiu 5:14

“Nathek ne zab pha sohjambling pha muchuang duiine ro. Phiingduii shii rung pha rajan ne a-ug mua.

LUG ro Muawie 2:32

Na ne muchuang de gaibranthek shii de na è yang pha ji re-è chuang phi, chiih-è nawairo Israel pha branthek shii de biisiie rek phi.

JON ro Muawie 12:35

Isu è chang, muchuang ne nathek duchoi shii inai ìujia rai bie ruii phro. Ji-è nathek shii muchuang nyaum shii nawaithek athodang pha blia rek bo; jiè igiia ne nathek duchoi hà athog yi rabo, chiih-è hanyie jia è igiia shii luapho ne khi hà luaramuii pha ji athieg ro; chiih-è hanyie yi igiia shii lua arone ai ne khi hà wuiiramuii pha ji athieg phro.

JON ro Muawie 12:36

Muchuang nathek duchoi um ba shii nathek ne muchuang shii migi rek bo, ji-arone nathek ne isang pha bran rey ruii phro. Isu è ji yao pha iidoh shii, ai dun marui srane ai adoh yi pha ug ne rai muii.

JON ro Muawie 12:46

Gune sohjambling shii muchuang rey ne wuii ruii phro, ji è hanyie magungde gu shii migi rek arone, ai ne dinne igiia hà arai sha phro.

JON ro Muawie 14:6

Isu è chang, “Gu ne lumuii, chiih-è izai, chiih-è sieng pha ne gu ro, gu è asi sapho shii ne hanyie magungde Aphuii shii awuii mua phro.

JON ro Muawie 3:19

Chua pha ji ne hì duiine ro, nyieliieshii muchuang sohjambling hà wuii thog shii, jishii bran è muchuang è ne igiia shii bushun rek, nyieliieshii ithek blia ne awie jiè ithek ne igiia shii miie.

JON ro Muawie 7:17

Ji-è hanyie maungde Hamangkhung-aphuii munow ji rek arone, hì pha miyao ne Hamangkhung-aphuii è yao bey ne asi pha gui lum ne yao bey ne ji thieg ruii phro.

JON ro Muawie 9:5

Gu ichiih sohjambling shii um ba shii ne gune sohjambling pha muchuang ro.

Bliathek 13:47

Hamangkhung-aphuii è gethek shii hì pha Iphey phi ne ruii: “Gu è na shii ne Gaibranthek pha muchuang rab jong ro” “Ji-è, sohjambling pho de zab ragia nyarey mua phro.”

Bliathek 26:23

“Masi ne diig rek chid phro, chiih-è, iyjong pha è de igobi hòi din phro, chiih-è Jewthek nane Gaibranthek shii de muchuang pha giawo yao ruii phro.”

2 Phithar 2:17

Hìthek pha branthek ne gohdun pha gaphieg duiine ro, chiih-è hasamkhanoi è kheydun pha sakhmiingthek duiine ro; Hamangkhung-aphuii è ithek ro ithua ne jam igiia hà ongjong ro.

2 Phithar 2:4

Hamangkhung-aphuii è layog rek pho hamangkhliiethek shii athoh ro, jishii ithek shii thumluii hà fen muii, Chua pha Inai pha ithek shii igiia hà phiing ne rai ro.

1 Jon 1:6

Chiihphado, gethek ai rog shii òsia rone yao, thuh de gethek ne igiia hà rai pha ishak duiine ba arone, gethek miyaogam nane bliathek shii de khlam bamuii ro.

JUD ro Jigigam 1:13

Ithek ne khamuii pha khashao gang duiine ro, ithek ro awo pha blia duiine doh yi ro. Ithek ne mahaw pha dadiang duiine ro, hanyie shii ne Hamangkhung-aphuii è jam igiia pha iliing hà idang pha ithua khriig rab ne ruii.

JUD ro Jigigam 1:6

Hamangkhliiethek shii now bo hanyie è awai ro riichai shii wie arai pha thoh muii, ithek shii iliing pha igiia hà idang pha snai è joi ne ruii ro, Hamangkhung-aphuii è ji pha boh Inai shii ithek shii ne the pha ruii.

Dong 21:24

Zab sohnyiak pha bran ne airo muchuang re-è lua ruii phro, chiih-è sohnyiak pha sajathek ne awaithek ro nuruii ne jihà yie ruii phro.